தமிழறிஞர்களுக்கு இலக்கிய மாமணி விருது
20 Nov 2025, 3:46 pm
<p><strong>தமிழறிஞர்களுக்கு இலக்கிய மாமணி விருது</strong></p>
<p>தமிழ் வளர்ச்சித் துறை சார்பில் 2024-ஆம் ஆண்டிற்கான ‘இலக்கிய மாமணி’ விருதுகளை, முதலமைச்சர் மு.க. ஸ்டாலின் வியாழக்கிழமை (நவ. 20) அன்று தலைமைச் செயலகத்தில் வழங்கினார். சென்னை மாவட்டத்தைச் சேர்ந்த தெ. ஞானசுந்தரம் (மரபுத் தமிழ்), திருவாரூர் மாவட்டத்தைச் சேர்ந்த இரா. காமராசு (ஆய்வுத் தமிழ்), தென்காசி மாவட்டத்தைச் சேர்ந்த க. சோமசுந்தரம் (எ) கலாப்ரியா (படைப்புத்தமிழ்) ஆகியோருக்கு ரூ. 5 லட்சம் பரிசுத் தொகைக்கான காசோலை, ஒரு பவுன் தங்கப்பதக்கம் மற்றும் தகுதியுரை வழங்கப்பட்டது. விருது பெற்றவர்களை பொன்னாடை அணிவித்து முதலமைச்சர் சிறப்பித்தார். நிகழ்ச்சியில் அமைச்சர் மு.பெ. சாமிநாதன், தலைமைச் செயலாளர் நா. முருகானந்தம், தமிழ் வளர்ச்சி மற்றும் செய்தித்துறை செயலாளர் வே. ராஜாராமன், தமிழ் வளர்ச்சி இயக்குநர் ந. அருள் ஆகியோர் கலந்து கொண்டனர்.</p>