லயன் ஆப் தி டெசர்ட் -அஃப்ரின்
31 Jan 2026, 5:27 pm
<p><strong>லயன் ஆப் தி டெசர்ட்</strong></p>
<p>“உமர் முக்தார்” (Lion of the Desert). இந்தப் படம் ஒரு வீரக் காவியம் மட்டுமல்ல, ஒரு மனிதனின் அசைக்க முடியாத கொள்கைக்கும், தாய்நாட்டின் மீது கொண்ட பற்றுக்கும் சான்றாக விளங்கும் ஒரு மாபெரும் படைப்பு. இந்தப் படம் 1981 இல் வெளியானது. ஒருபுறம் நவீன ஆயுதங்களைக் கொண்ட இத்தாலியின் சர்வாதி காரி முசோலினி, மறுபுறம் குதிரைப்படையையும், வெறும் துப்பாக்கிகளையும் மட்டுமே வைத்துக் கொண்டு போராடும் ஒரு 70 வயது முதியவர். இவர்களுக்கு இடையேயான அந்தப் போராட்டம்தான் இந்தப் படம். ஹாலிவுட் ஜாம்பவான் அந்தோணி க்வின், உமர் முக்தாராகவே வாழ்ந்திருப்பார். அவரின் அமைதியான முகம், தீர்க்கமான கண்கள், அந்த வெள்ளை தாடி... ஒரு நிஜமான ஆன்மீகத் தலைவனையும், போர்ப்படைத் தளபதியையும் கண்முன் நிறுத்துவார். இஎஃ ப்எக்ஸ் ( EFX) சிஜிஐ (CGI) இல்லாத காலத்தில், ஆயிரக்கணக்கான மக்கள், குதிரைகள் மற்றும் நிஜமான டாங்கிகளை வைத்து எடுக்கப்பட்ட அந்த பாலைவனப் போர்க்காட்சிகள் இன்று பார்த்தாலும் மெய்சிலிர்க்க வைக்கும். இத்தாலிய தளபதி: “நாங்கள் இத்தாலியில் இருந்து வந்திருக்கிறோம்.” உமர் முக்தார்: “யாரும் உங்களை வரவேற்க வில்லையே!” இப்படிப் படம் முழுக்கத் தீப்பொறி பறக்கும் வச னங்கள் இருக்கும். இந்தப் படத்தில் ஒரு காட்சி வரும். பிடிபட்ட இத்தாலிய வீரர்களை உமர் முக்தார் கொல்வதற்குப் பதில் விடுதலை செய்வார். “நாங்கள் எங்கள் கைதிகளைக் கொல்வதில்லை” என்பார். அதற்கு அவருடைய ஆள், “அவர்கள் நம்மை இப்படிக் சொல்வார்களா?” எனக் கேட்பார். அதற்கு உமர் முக்தார் சொல்லும் பதில்: “அவர்கள் நமது ஆசி ரியர்கள் அல்ல”. இந்த ஒரு வசனம் அவரின் கம்பீ ரத்தைக் காட்டும். நீதிக்கும் அநீதிக்கும் இடையிலான போர் எவ்வ ளவு பெரிய பலசாலியாக இருந்தாலும், தர்மத்தின் பக்கம் இருப்பவன் தோற்பதில்லை என்பதை உணர லாம். இந்த படத்தின் ஆன்மாவே இதன் இசைதான். ஆஸ்கார் விருது பெற்ற இசையமைப்பாளர் மௌரிஸ் ஜார் (Maurice Jarre) இதற்கு இசையமைத்திருந்தார். பாலைவனத்தின் ஓசை அரேபிய கலாச்சாரத்தை யும், போர்க்களத்தின் பதற்றத்தையும் தனது இசை யில் மிகச்சரியாகக் கொண்டு வந்திருப்பார். குறிப்பாக, படத்தின் தொடக்கத்தில் வரும் அந்த கம்பீரமான பின்னணி இசை (The Theme Song) உமர் முக்தாரின் ஆளுமையை நமக்கு உணர்த்தும். லிபியாவின் பாரம்பரிய இசைக்கருவிகளை ஹாலிவுட் பாணியில் பயன்படுத்தியிருந்தது ஒரு தனிச் சிறப்பு. “The Bridge on the River Kwai” போன்ற பிரம் மாண்ட படங்களுக்கு ஒளிப்பதிவு செய்த ஜாக் ஹில்யார்ட் தான் இந்தப் படத்திற்கும் ஒளிப்பதிவாளர். லிபியாவின் முடிவில்லாத மணல் பரப்புகளை (Golden Sands) மிக அழகாகவும், அதே சமயம் போர்க்களத்தில் பயங்கரமாகவும் காட்டியிருப்பார். பனோரமிக் காட்சிகள் ஆயிரக்கணக்கான குதி ரைப்படை வீரர்கள் ஒரே நேரத்தில் தாக்குதல் நடத்தும் காட்சிகளை ஹெலிகாப்டர் மூலம் படம் பிடித்த விதம் அந்த காலத்திலேயே உலகப் புகழ்பெற்றது. இயக்குநர் முஸ்தபா அக்காட் இந்தப் படத்தை வெறும் வணிகப் படமாக எடுக்காமல், தனது இனத்தின் வரலாற்றைப் பதிவு செய்யும் ஒரு கடமை யாகச் செய்தார். படத்தில் பயன்படுத்தப்பட்ட உடைகள், ஆயு தங்கள் மற்றும் லாரிகள் அனைத்தும் 1930-களில் பயன்படுத்தப்பட்டவை போலவே இருக்க வேண்டும் என்பதில் அவர் மிக உறுதியாக இருந்தார். அவர் கை யாண்ட விதம் ஒரு வரலாற்று ஆவணப்படம் பார்ப்பது போன்ற உணர்வைத் தரும், ஆனால் அதில் ஒரு சுவாரசியமான சினிமாத்தனமும் கலந்திருக்கும். படம் எங்கே படமாக்கப்பட்டது என்பது மிகவும் ஆச்சரியமானது: நிஜமான களம் இந்தப் படம் பெரும்பாலும் லிபியா வின் பாலைவனப் பகுதிகளில் (Benghazi, El Agheila) படமாக்கப்பட்டது. உமர் முக்தார் நிஜமாகவே எங்கே போராடினாரோ, அதே இடத்திற்குச் சென்று படப்பிடிப்பு நடத்தினார்கள். பாலைவனக் கிராமங்கள் 1930-களில் இருந்த லிபியக் கிராமங்களை அப்படியே செட் அமைத்து உருவாக்கினார்கள். படத்தில் வரும் அந்த முகாம்கள் (Concentration Camps) காண்போரை நெகிழ வைக்கும் அளவுக்குத் தத்ரூபமாக இருக்கும். இந்தப் படத்தைத் தயாரிப்பதற்கு அன்றைய லிபியத் தலைவர் மும்மர் கடாபி பெருமளவு நிதியுதவி செய்தார். இந்தப் படத்தின் படப்பிடிப்பிற்காக ஆயிரக்கணக்கான ராணுவ வீரர்களைக் கூட அவர் கொடுத்தார் என்று சொல்லப்படுகிறது. ஈடுஇணையற்ற நடிப்பு அந்தோணி க்வின் மற்றும் ஆலிவர் ரீட் (தளபதி கிரேசியானி) இருவரின் முக பாவனைகளும் நடிப்பும் உலகத்தரம். உணர்வுப்பூர்வமான கிளைமாக்ஸ் படத்தின் முடிவு உங்களை அழ வைக்கும், அதே சமயம் ஒரு வீர வர லாறு என்றென்றும் அழியாது என்ற நம்பிக்கையைத் தரும். சுருக்கமாகச் சொன்னால், “உமர் முக்தார்” வெறும் படம் அல்ல; அது ஒடுக்கப்பட்ட மக்களின் விடுதலைக் குரல். பாலைவன மணலில் எழுதப்பட்ட வீர வர லாறு! யுடியூப் இல் தமிழில் உள்ளது -அஃப்ரின்</p>