பொங்கல் தினத்தன்று பட்டய கணக்காளர் தேர்வுகள் வேறு தேதிக்கு மாற்றக் கோரி சு.வெங்கடேசன் எம்.பி., கடிதம்

<p><strong>பொங்கல் தினத்தன்று பட்டய கணக்காளர் தேர்வுகள் வேறு தேதிக்கு மாற்றக் கோரி சு.வெங்கடேசன் எம்.பி., கடிதம் </strong></p> <p>மதுரை: இந்தியப் பட்டய கணக் காளர் (சிஏ) கழகத்தின் தேர்வுகள் அடுத்தாண்டு (2026) ஜனவரி மாதம் முதல் மற்றும் 2ஆவது வாரத்தில் நடை பெற உள்ளது. அதாவது ஜனவரி 6 முதல் 17ஆம் தேதி வரை பல்வேறு கட்டங்களாக இந்த தேர்வு நடைபெற உள்ளது. இந்த காலகட்டம் தமிழ்நாட்டில் பொங்கல் பண்டிகை &nbsp;நாட்கள் ஆகும். பொங்கல் பண்டிகை நேரத்தில் சிஏ தேர்வு &nbsp;நடத்தப்படுவதால் அவற்றை வேறு தேதிக்கு மாற்ற வேண்டும் &nbsp;என கோரிக்கை எழுந்து வருகிறது. இந்நிலையில், பொங்கல் அன்று நடைபெற உள்ள சிஏ &nbsp;தேர்வுகள் தேதியை வேறு தேதிக்கு மாற்றம் செய்யக் கோரி &nbsp;இந்தியப் பட்டய கணக்காளர் கழகத்திற்கு மார்க்சிஸ்ட் கம்யூ னிஸ்ட் கட்சியின் மதுரை நாடாளுமன்ற உறுப்பினர் சு.வெங்கடேசன் கடிதம் எழுதியுள்ளார். &nbsp;இதுதொடர்பாக அவர் தனது எக்ஸ் பக்கத்தில், &ldquo;அகில இந்தியத் தேர்வுகளுக்கு தேதிகள் நிர்ணயிக்கும் அமைப்புகள் ஏன் எப்போதுமே தமிழ்நாட்டின் உணர்வு களை கணக்கில் கொள்வதில்லை என்ற கேள்வி எழுகிறது. &nbsp;பொங்கல், திருவள்ளுவர் தினம், உழவர் திருநாள் (2026 ஜன வரி 15, 16, 17) நாட்களில் இந்தியப் பட்டய கணக்காளர் கழகம் &nbsp;இடையீட்டு, இறுதித் தேர்வுகளை அறிவித்துள்ளது. இது தேர்வர்களுக்கு கடும் சிரமங்களை உருவாக்குமென என்னிடம் முறையீடுகள் வந்தன. &nbsp;தமிழ் மக்களின் பண்பாட்டு திருவிழாவாக, விவசாயப் பெருங்குடி மக்களின் உணர்ச்சிமிக்க பெரு விழாவாக திகழும் பொங்கல் திருநாட்களில் அறிவிக்கப்பட்ட தேர்வு களை மாற்றி அட்டவணையை அறிவிக்குமாறு கேட்டு இந்தியப் பட்டய கணக்காளர் கழக தலைவர் சரண் ஜோத் சிங் &nbsp;நந்தா அவர்களுக்கு கடிதம் எழுதியுள்ளேன்&rdquo; என சு.வெங்க டேசன் குறிப்பிட்டுள்ளார்.</p>