குஜராத்தில் 9,442 வகுப்பறைகள் பற்றாக்குறை, 75 பள்ளிகள் மூடல்!

<p>குஜராத் மாநிலத்தில் பள்ளிக் கட்டமைப்பு நெருக்கடி தீவிரமடைந்து வருவதால், கல்வி துறையில் கடுமையான பாதிப்பு ஏற்பட்டுள்ளது.<br /> குஜராத் சட்டமன்றத்தில் காங்கிரஸ் எம்.எல்.ஏ எழுப்பிய கேள்விக்கு, பாஜக அரசு சார்பில் அளிக்கப்பட்ட பதிலில், மாநிலத்தின் நிலைமை கவலைக்கிடமாக இருப்பது வெளிச்சத்துக்கு வந்துள்ளது.<br /> அந்த பதிலில்,</p> <ul> <li>மொத்தம் 9,442 வகுப்பறைகள் பற்றாக்குறை</li> <li>மாணவர் சேர்க்கை இல்லாததால் 75 அரசு பள்ளிகள் மூடப்பட்டமை</li> <li>2,674 பள்ளிகள் &lsquo;ஷிப்ட்&rsquo; முறையில் இயங்கும் நிலை</li> <li>என முக்கிய தகவல்கள் தெரிவிக்கப்பட்டுள்ளன.</li> </ul> <p>மேலும், 32 மாவட்டங்களில் உள்ள அரசு ஆரம்பப் பள்ளிகளில் 8,586 வகுப்பறைகள் குறைவாகவும், மேல்நிலைப் பள்ளிகளில் 856 வகுப்பறைகள் பற்றாக்குறையாகவும் உள்ளதாக அரசு ஒப்புக்கொண்டுள்ளது.<br /> அகமதாபாத் போன்ற நகரப் பகுதிகளிலும் இந்த பிரச்சினை இருப்பது, இது கிராமப்புறங்களுக்கான பிரச்சினை அல்ல என்பதை காட்டுகிறது.<br /> அரசு தொடர்ந்து கட்டுமானம் மற்றும் திருத்த நடவடிக்கைகள் மேற்கொண்டு வருவதாக தெரிவித்தாலும், சட்டமன்றத்தில் வெளியான தரவுகள், இந்த நெருக்கடியின் பரப்பளவும் சிக்கலும் அதிகரித்து வருவதை தெளிவாக காட்டுகின்றன. தற்போதைய நடவடிக்கைகள் இந்த பிரச்சினையை சமாளிக்க போதுமானதாக இல்லை என்பது தெரியவருகிறது.&nbsp;குஜராத் பிரதமர் மோடியின் சொந்த மாநிலம் என்பதும் 2001 - 2014 வரை அவர் முதலமைச்சராக இருந்தார் என்பதும் குறிப்பிடத்தக்கது.</p>