குடவாசல் அரசு கலை, அறிவியல் கல்லூரியில் மாணவர்கள் சேர்க்கை கல்லூரி முதல்வர் அறிவிப்பு

<p><strong>குடவாசல் அரசு கலை, அறிவியல் கல்லூரியில் மாணவர்கள் சேர்க்கை கல்லூரி முதல்வர் அறிவிப்பு</strong></p><p>​​​​​​​திருவாரூர், மே 15- திருவாரூர் மாவட்டம் குடவாசல் அருகே, செல்லூரில் அமைந்துள்ள அரசு கலை மற்றும் அறிவியல் கல்லூரியில் 2026-2027 கல்வியாண்டு –இளநிலை மாணாக்கர் சேர்க்கை நடைபெறுகிறது. </p><p>குடவாசல், செல்லூரில் புதிய கட்டடத்தில் அமைந்துள்ள அரசு கலை மற்றும் அறிவியல் கல்லூரியில் பி.ஏ தமிழ், பி.ஏ ஆங்கிலம், பி.காம் வணிகவியல், பி.எஸ்.சி கணினி அறிவியல் மற்றும் பி.எஸ்.சி கணிதம் ஆகிய ஐந்து இள நிலைப் பாடப்பிரிவுகளுக்கு 2026-27 ஆம் கல்வியாண்டிற்கான இணைய வழி விண்ணப்பங்களுக்கான பதிவு மே 7 முதல் மே 29 வரை மேற்கொள்ளப்பட்டு வருகிறது. </p><p>இக்கல்லூரிக்கு விண்ணப்பதாரர்கள் https://www.tngasa.in/ என்ற இணைய தள முகவரியில் விண்ணப்பிப்பதற்கான கல்லூரி எண் (College Code): 1051011 ஆகும்.</p><p> இக்கல்லூரியில் மேற்காணும் பாடப்பிரிவுகளில் சேர்க்கை பெற விரும்பும் விண்ணப்பதாரர்கள் இணைய வழியில் விண்ணப்பிக்க மாணவர் சேர்க்கை உதவி மையம் (AFC) ஏற்படுத்தப்பட்டுள்ளது. </p><p>கல்லூரியில் நேரில் வந்து விண்ணப்பிக்க விரும்புவோர் உரிய ஆவணங்களுடன் இதர பிரிவினர் (OC) பிற்படுத்தப்பட்டோர், (BC) மிகவும் பிற்படுத்தப்பட்ட (MBC) பிரிவினர் ஆகியோருக்கு ரூ.50 கட்டணமாக செலுத்தி ஐந்து கல்லூரி களுக்கும், ரூ.100 செலுத்தி 10 கல்லூரிகளுக்கும் விண்ணப்பிக்கலாம். </p><p>SC/ST பிரிவினர் பதிவு கட்டணம் ரூ.2 செலுத்தி ஐந்து கல்லூரிகளுக்கும், ரூ.4 செலுத்தி 10 கல்லூரிகளுக்கும் விண்ணப்பிக்கலாம். </p><p>மேலும் விவரங்களுக்கு கீழ்காணும் மாணவர் சேர்க்கை குழு உறுப்பினர்கள் மற்றும் கல்லூரி அலுவலகத்தை நேரில் அணுகுமாறு கல்லூரி முதல்வர் முனைவர் இரா.பசுபதி வெளியிட்டுள்ள செய்தி குறிப்பில் தெரிவித்துள்ளார். </p><p>கல்லூரி அலுவலகத் தொலைபேசி எண் : 04366-263399.</p>