கவின் ஆணவக்கொலை வழக்கு: சுர்ஜித்தின் பெற்றோர் மீதான குற்றப்பத்திரிகை ரத்து!

<p>நெல்லை ஐ.டி. ஊழியர் கவின்குமார் ஆணவப்படுகொலை வழக்கில், முதல் குற்றவாளியான சுர்ஜித்தின் பெற்றோர் சரவணன், கிருஷ்ணகுமாரி ஆகியோர் மீதான குற்றப்பத்திரிகையை உயர்நீதிமன்ற மதுரை கிளை ரத்து செய்து உத்தரவிட்டுள்ளது.</p><p>தூத்துக்குடி மாவட்டத்தைச் சேர்ந்த கவின்குமார், கடந்த 2025 ஜூலை 27 அன்று பாளையங்கோட்டையில் அவர் காதலித்த பெண்ணின் சகோதரரால் அரிவாளால் வெட்டப்பட்டு ஆணவப்படுகொலை செய்யப்பட்டார். </p><p>இவ்வழக்கில் முதல் பெண்ணின் சகோதரர் சுர்ஜித் பெற்றோர்களான சரவணன் - கிருஷ்ணகுமாரி மற்றும் உற்வினரான ஜெயபல் ஆகியோர் கைது செய்யப்பட்டனர்</p><p>இவ்வழக்கை சிபிசிஐடி காவல்துறையினர் விசாரித்து, நெல்லை மாவட்ட நீதிமன்றத்தில் குற்றப்பத்திரிகை தாக்கல் செய்தனர்.</p><p>இதையடுத்து, சுர்ஜித்தின் தந்தையும் காவல் சார்பு ஆய்வாளருமான சரவணன், தாய் கிருஷ்ணகுமாரி மற்றும் உறவினர் ஜெயபால் ஆகியோர் தங்களுக்கு எதிரான குற்றப்பத்திரிகையை ரத்து செய்யக் கோரி உயர்நீதிமன்ற மதுரை கிளையில் மனு தாக்கல் செய்தனர்.</p><p>விசாரணையில், சரவணன் மற்றும் கிருஷ்ணகுமாரி மீதான குற்றப்பத்திரிகையை ரத்து செய்த நீதிமன்றம், உரிய முகாந்திரமும் ஆவணங்களும் உள்ளதால் உறவினர் ஜெயபால் மீதான குற்றப்பத்திரிகையை ரத்து செய்ய மறுத்து அவரது மனுவைத் தள்ளுபடி செய்தது.</p>