கட்டங்காப்பி: அன்பின் அறமும் கசப்பும் நிறைந்த வாழ்வியல் சித்திரங்கள்
15 Mar 2026, 4:11 pm
<p><strong>கட்டங்காப்பி: அன்பின் அறமும் கசப்பும் நிறைந்த வாழ்வியல் சித்திரங்கள்</strong></p>
<p>மௌனத்தின் சாட்சியங் கள், மயானக்கரை யின் வெளிச்சம் ஆகிய நூல்கள் மூலம் ஏற்கனவே அதிர்வு களை ஏற்படுத்திய சம்சுதீன் ஹீரா, தனது ‘கட்டங்காப்பி’ சிறு கதைத் தொகுப்பிலும் அதே கசப்பையும் கண்ணீரின் கரிப்பையும் கடத்துகிறார். மொத்தம் எட்டு சிறுகதை களைக் கொண்ட இத்தொகுப்பு, இஸ்லாமியச் சமூகத்தின் வாழ்வியல் பின்னணியில் மானுடத்தின் விழுமியங்களைப் பேசுகிறது. மதவெறிக்கு எதிரான தடயங்கள் ‘தடயம்’ சிறுகதை, கோவையில் சிறுபான்மையினர் மீது நடத்தப்பட்ட தாக்கு தல்களின் வடுக்களைத் தடவிப் பார்க்கிறது. இது வன்மத்தைப் பரப்புவதற்காக அல்ல; மாறாக, மதவெறி எந்த ரூபத்திலும் இனி வேண்டாம் என்பதன் உரத்த வெளிப்பாடாக அமைகிறது. “இத்தனை வருஷத்தில கபீரைத் தேடி நீ தானப்பா வந்துருக்க...” என்ற வரிகள் வாசிப்பவரை ஒரு நிமிடம் குற்றவாளிக் கூண்டில் நிறுத்திவிடும் வல்லமை கொண்டவை. மரணமும் தத்துவமும் இத்தொகுப்பில் இரண்டு முறை வாசிக்கத் தூண்டும் கதை ‘அப்பால் ஒரு பயணம்’. இஸ்லாமிய நம்பிக்கைகளான சொர்க்கம், நரகம் மற்றும் கணக்குத் தீர்க்கும் நாளை மையமாக வைத்து நகரும் இக்கதை, ஒரு கட்டத்தில் புனைவின் எல்லையைத் தாண்டித் தத்துவமாக மாறுகிறது. “அஸ்ஸலாமு அலைக்கும் தோழர்...” என்று இறைவன் அழைப்பதாக முடியும் அந்த ஒற்றை வரி, சித்தாந்தப் பிழி வாகக் கதையின் உயிரைத் தாங்கி நிற்கிறது. இக்கதை ஒரு குறும்படமாக எடுக்கப்பட வேண்டிய அத்தனை தகுதி களையும் கொண்டது. அன்பின் பரிணாமமும் பெண்ணியமும் ‘மோனி’ சிறுகதையில் ஒரு நாய்க்கும் அந்த வீட்டினருக்குமான பந்தம் அன்பின் புதிய பரிமாணத்தைக் காட்டுகிறது. ‘விடு விப்பு’ சிறுகதை, இஸ்லாமியச் சமூ கத்திற்குள்ளே நிலவும் பலதார மணத்திற்கு எதிரான மெல்லிய ஆனால் வலுவான எதிர்ப்பைப் பதிவு செய்கிறது. தன் மகளின் வாழ்விற்காகத் தாய் சாஜிதா எடுக்கும் முடிவு, வாழ்வின் தீர்ப்பாக அமைகிறது. ‘சிலிர்ப்பின் அந்திமம்’ சுற்றுச்சூழல் அழிவை எச்சரிக்கிறது; ‘சதுரகிரி வீடு’ சமூகத்தின் மறைக்கப்பட்ட அழுகைச் சத்தத்தைக் கேட்கச் செய்கிறது. சம்சுதீன் ஹீராவின் எழுத்தில் உயிர் பெறும் கதாபாத்திரங்கள், வெறுப்பின் அரசி யலுக்கு எதிராக அன்பின் அறத்தை ஓங்கிப் பேசுகின்றன. வாழ்வின் கசப்பையும் உண்மைகளையும் ஒருசேரப் பருக விரும்புவோர் இந்தக் ‘கட்டங்காப்பி’யைத் தாராளமாக வாசிக்கலாம். கட்டங்காப்பி (சிறுகதைத் தொகுப்பு) ஆசிரியர்: சம்சுதீன் ஹீரா வெளியீடு: பாரதி புத்தகாலயம் பக்கங்கள்: 112 | விலை: ₹120</p>