புதிய அரசுக்கு அவகாசம் கொடுக்க வேண்டும்

<p><strong>புதிய அரசுக்கு அவகாசம் கொடுக்க வேண்டும்</strong></p><p>மதுரையில் கமல்ஹாசன் பேட்டி மதுரை, மே 18- மக்கள் நீதி மய்யம் கட்சியின் தலை வர் கமல்ஹாசன் ஞாயிறன்று சென்னை யில் இருந்து மதுரை வந்தார். </p><p>மதுரை விமான நிலையத்தில் அவர் நிருபர்களி டம் கூறியதாவது: மதுரைக்கு சேயோன் பட தொடக்க விழாவுக்காக வந்திருக்கிறேன். </p><p>எப்போது மதுரைக்கு வந்தாலும் மதுரை மக்களின் அன்பு குறையாமல் இருக்கும். </p><p>இப்போதும் அப்படித்தான் இருக்கிறது. நடிகர் விஜய் தலைமையிலான தமிழக வெற்றிக் கழகம் ஆட்சி அமைத்துள்ளது. </p><p>2, 6 நாட்களில் ஜோசியம் தான் சொல்ல முடியும். ஒரு 6 மாத காலம் அவகாசம் கொடுக்க வேண்டும். புதியவர்கள் வந்தி ருக்கிறார்கள்.</p><p>அதனால் அவர்களுக்கு கால அவகாசம் கொடுக்க வேண்டும். புதிய வர்கள் என்பவர்கள் அரசியலுக்கு புதிது என்பது கிடையாது. </p><p>சுதந்திர இந்தியா வந்தபோது அனைவரும் புதியவர்கள் தான். புதியவர்களை குறைத்தும் மதிப்பிட முடியாது. </p><p>அவர்களிடம் அதிகமாகவும் எதிர்பார்க்கக் கூடாது. என்ன நடக்கிறது என்பதை பொறுத்திருந்து பார்க்க வேண் டும். </p><p>மக்கள் தான் வாக்களித்து ஆட்சி கட்டி லில் அமர வைத்திருக்கிறார்கள். மக்களும் கண்காணிக்க வேண்டும், நாங்களும் கண்காணிப்போம். </p><p>என்னை பொறுத்த வரையில் தமிழகத்தில் இருந்து தமிழ் பேசும் ஒருவர் கட்சி ஆரம்பித்தால் அது திராவிட கட்சி தான். </p><p>மும்மொழிக் கொள்கை விவகா ரத்தில் தமிழகத்தை யாராலும் நிர்ப்பந்திக்க முடியாது. </p><p> நடிகர் ரஜினிகாந்த், விஜய் வெற்றி பெற்றது ஆச்சரியம் கலந்த சந்தோஷம் எனக் கூறியிருக்கிறார். மேலும் கமல் ஹாசன் முதலமைச்சர் ஆகி இருந்தால் கூட பொறாமைப் பட்டிருப்பேனோ என்னவோ என அவர் சிரித்துக் கொண்டே கூறினார்</p><p> நாங்கள் இருவரும் போட்டி போடுவோம். </p><p>ஆனால் பொறாமைப்பட்டது கிடையாது. </p><p>நாங்கள் சினிமா துறையில் இருக்கிறோம், கிரிக்கெட் விளையாடியிருந்தாலும் இப்ப டித்தான் போட்டி போட்டு இருப்போம். </p><p>முத லமைச்சர் விஜய், எடப்பாடியை சந்திக்கா மல் இருப்பது பற்றி மக்கள் எவ்வாறு வேடிக்கை பார்க்கிறார்களோ அவ்வாறு தான் நானும் வேடிக்கை பார்க்கிறேன். இவ்வாறு அவர் கூறினார்.</p>