ஜூனியர் ஆண்கள் ஹாக்கி உலகக் கோப்பைக்கு உற்சாக வரவேற்பு
20 Nov 2025, 3:46 pm
<p><strong>ஜூனியர் ஆண்கள் ஹாக்கி உலகக் கோப்பைக்கு உற்சாக வரவேற்பு</strong></p>
<p>உடுமலை,நவ.20- ஜூனியர் ஆண்கள் உலகக் கோப்பை ஹாக்கிப் போட்டி கள் வரும் நவ.28 ஆம் தேதி முதல் டிசம்பர் 10 வரை சென்னை, மதுரை ஆகிய இடங்களில் நடைபெற உள்ளது. உலகின் தலை சிறந்த 24 அணிகள் பங்கேற்கும், இந்த போட்டிகளை தமிழக அரசின் விளையாட்டு மேம்பாட்டு ஆணையமும், இந்திய ஹாக்கி சம்மேளனமும் இணைந்து நடத்துகின்றன. கடந்த நவம்பர் 10 ஆம் தேதி தமிழகம் முழுவதும் வலம் வரும் உலக கோப்பை நிகழ்ச்சியை தமிழக துணை முதல்வர் உதயநிதி ஸ்டாலின் கொடியசைத்து துவக்கி வைத்தார். இந்நிலையில், கடந்த புதனன்று திருப்பூர் மாவட்டம் உடுமலை வித்யாசாகர் கலை அறிவியல் கல்லூரிக்கு வந்திருந்த உலக கோப்பைக்கு பேண்ட் வாத்தியங்கள் முழங்க மலர் தூவி உற்சாக வரவேற்பு அளிக்கபட்டு, அறிமுக விழா நடைபெற்றது. மேலும், இந்த போட்டிக்கான லோகோவான காங்கேயம் காளை சின்னமும் அறிமுகம் செய்து வைக்கப்பட்டது. இந்நிகழ்வில், மாவட்ட ஆட்சியர் மணீஷ் நாரணவரே, தமிழ் வளர்ச்சி மற்றும் செய்தித்துறை அமைச்சர் மு.பெ.சாமி நாதன், பொள்ளாச்சி நாடாளுமன்ற உறுப்பினர் ஈஸ்வரசாமி மற்றும் ஹாக்கி சங்க நிர்வாகிகள், வீரர்கள் கலந்து கொண்ட னர்.</p>