என்.வி.எஸ் - 03 செயற்கைக்கோளை வெற்றிகரமாக நிலைநிறுத்திய ஜிஎஸ்எல்வி!
31 Oct 2026, 11:46 pm
<p><strong>என்.வி.எஸ் - 03 செயற்கைக்கோளை வெற்றிகரமாக நிலைநிறுத்திய ஜிஎஸ்எல்வி!</strong></p><p>ஸ்ரீஹரிகோட்டா, அக்.31-இந்தியாவின் வழிகாட்டுதல் செயற்கைகோளான என்.வி.எஸ் - 03 (NVS-03 )செயற்கைகோளை, ஜி.எஸ்.எல்.வி-18 (GSLV-18) ராக்கெட் வெற்றிகரமாக விண்ணில் நிலைநிறுத்தியது.</p><p>ஸ்ரீஹரிகோட்டாவில் உள்ள சதீஷ் தவான் விண்வெளி மையத்தின் இரண்டாவது ஏவுதளத்திலிருந்து, 24 மணி நேர கவுண்டவுனுக்கு பிறகு அக்.30 இரவு 11.51 மணிக்கு என்.வி.எஸ் - 03 செயற்கைகோளுடன் ஜி.எஸ்.எல்.வி -18 ராக்கெட்விண் ணில் பாய்ந்தது. அது 2,232 கிலோ கிராம் எடைகொண்ட என்.வி.எஸ் - 03 செயற்கைகோளை, நிர்ணயிக்கப் பட்ட புவி வட்டப் பாதையில் வெற்றிகரமாக நிலைநிறுத்தியது.</p><p>அமெரிக்காவில் ஜிபிஎஸ் சேவையை போன்று இந்தியாவில் நேவிக் (NavIC) சேவை பயன்பாட்டில் உள் ளது. இந்த நேவிக் சேவையை துல்லியமாக வழங்குவதற்கு 7 செயற்கைகோள்கள் விண்ணில் நிலைநிறுத்தப் பட வேண்டும். அதற்காக 11 செயற்கைகோள்கள் விண்ணில் ஏவப்பட்டன. ஆனால் அவற்றில் 3 மட்டுமே தற்போது செயல்பட்டு வருகின்றன. </p><p>இந்நிலையில் தான், வெள்ளிக் கிழமை (அக்.30) அன்று இரவு என்.வி.எஸ் - 03 செயற்கைக் கோளானது வெற்றிகரமாக ஏவப்பட்டு, சுற்றுப் பாதையில் நிலைநிறுத்தப்பட்டிருக்கிறது. இது நேவிக் சேவைக்கான 4-ஆவது வெற்றிகரமான செயற்கைகோளாகும்.</p><p>இந்த செயற்கைக்கோளானது ரயில்கள், வாகனங்கள் மற்றும் கப்பல்கள் எங்கு இருக்கின்றன என்பதை துல்லியமாக கண்காணிக்க உதவுவதோடு, நமது நாட்டிற்கான துல்லியமான நேரம் மற்றும் இருப்பிடதகவல்களை வழங்கும். இந்தியாவில் தயாரிக்கப்பட்ட அதிநவீன ரூபிடியம் அணு கடிகாரம் இந்த செயற்கைகோளில் பொருத்தப்பட்டிருப்பது இதன் சிறப்பம்சமாகும்.</p>
