ஏழைகளின் நல்லரசா? ஏமாற்றும் விளம்பரமா? ஒன்றிய பாஜக அரசின் 8 கூற்றுகளும் - உடைபடும் பிம்பங்களும்!

<p><strong>ஏழைகளின் நல்லரசா? &nbsp;ஏமாற்றும் விளம்பரமா?&nbsp; &nbsp;&nbsp;ஒன்றிய பாஜக அரசின் 8 கூற்றுகளும் - உடைபடும் பிம்பங்களும்!&nbsp;</strong></p> <p>1குடிநீர் மற்றும் சமையல் எரிவாயு: தமிழக மகளிருக்கு மோடி அரசு தந்தது என்ன? &nbsp;விளம்பரக் கூற்று: 1.1 கோடிக்கும் அதிகமான குடிநீர் குழாய் இணைப்புகள் + 41 லட்சத்திற்கும் அதிகமான இலவச சமையல் எரிவாயு இணைப்புகள் தமிழகப் பெண்களின் அன்றாட வாழ்க்கையை மாற்றியுள்ளது. &nbsp;</p> <p>உண்மை விபரம்: 1.1 கோடி என்பது தமிழ கத்தில் தற்போதுள்ள மொத்த இணைப்புகளின் எண்ணிக்கை. 2019-இல் &lsquo;ஜல் ஜீவன்&rsquo; (JJM) திட்டம் தொடங்கும் முன்பே தமிழகத்தில் 21.76 லட்சம் இணைப்புகள் இருந்தன. உண்மையில் வழங்கப்பட்ட புதிய இணைப்புகள் சுமார் 89 லட்சம் மட்டுமே. இதில் 55% செலவைத் தமிழக அரசே ஏற்கிறது. ஆனால், ஒன்றிய அரசு வழங்க வேண்டிய ₹3,112 கோடி நிதியை முடக்கி வைத்துள்ளதால், 12 முக்கிய கூட்டு குடிநீர் திட்டங்கள் தற்போது தடையின்றிச் செயல்பட முடியாமல் முடங்கியுள்ளன. அதேபோல, சமையல் எரிவாயு இணைப்பு களைப் பொறுத்தவரை, தமிழ்நாடு 2006-லேயே ஏழைக் குடும்பங்களுக்கு இலவச எரிவாயு இணைப்புத் திட்டத்தைத் தொடங்கிவிட்டது.</p> <p>உஜ்வாலா வருவதற்கு ஒரு பத்தாண்டு முன்பே &nbsp;தமிழகத்தில் 70% எரிவாயு ஊடுருவல் இருந்தது. &nbsp;இன்று சிலிண்டர் விலை ₹1000-ஐத் தாண்டிய தால், உஜ்வாலா பயனாளிகள் ஆண்டுக்குச் சராசரியாக 2 சிலிண்டர் மட்டுமே நிரப்புகிறார்கள் என சி.ஏ.ஜி (CAG) அறிக்கை கூறுகிறது. 42% இணைப்புகள் பயன்பாட்டிலேயே இல்லை என்பதுதான் கசப்பான உண்மை. 2பிரதமரின் வீட்டு வசதித் திட்டம்: அனுமதிக்கும் எண்ணிக்கை சாதனையாகுமா? &nbsp;விளம்பரக் கூற்று: 14 லட்சத்துக்கும் அதிகமான வீடுகள் கட்டி முடிக்கப்பட்டு ஏழை எளியோரின் சொந்த வீடு கனவு நனவாகியது. உண்மை விபரம்: 14 லட்சம் என்பது &lsquo;அனு மதிக்கப்பட்ட&rsquo; வீடுகளின் எண்ணிக்கை மட்டுமே.</p> <p>ஜூலை 2024 நாடாளுமன்றத் தரவுகளின்படி கட்டி முடிக்கப்பட்டது சுமார் 12.7 லட்சம் வீடுகள் மட்டுமே. நகர்ப்புற வீடுகளுக்கு ஒன்றிய அரசு வெறும் ₹1.5 லட்சம் மட்டுமே தருகிறது. 1971-லேயே குடிசை மாற்று வாரியத்தைத் தொடங்கி, இன்று &lsquo;கலைஞர் கனவு இல்லம்&rsquo; மூலம் 8 லட்சம் கான்கிரீட் வீடுகளைத் தனது முழு நிதியில் கட்டி வரும் தமிழக அரசின் வரலாற்றை இந்த விளம்பரம் மூடி மறைக்கிறது. 3சௌபாக்யா: 2,170 இணைப்புகளைக் கொடுத்துவிட்டு &nbsp;100% சாதனை என்பதா? விளம்பரக் கூற்று: சௌபாக்யா திட்டத்தின் கீழ் &nbsp;100% வீடுகள் மின்மயமாக்கப்பட்டு அனைத்து வீடுகளுக்கும் மின் இணைப்பு கிடைத்துள்ளது. உண்மை விபரம்: இதுதான் மிகப்பெரிய பித்தலாட்டம். சௌபாக்யா திட்டத்தின் கீழ் தமிழகத்தில் வழங்கப்பட்ட இணைப்புகள் வெறும் 2,170 மட்டுமே! தமிழ்நாடு 1960-களிலேயே மின்மயமாக்கலில் புரட்சி செய்து, 2011-லேயே 93.4% வீடுகளில் மின்சாரத்தை உறுதி செய்துவிட்டது.</p> <p>1.25 கோடி வீடுகளைத் தனது உழைப்பில் மின்மயமாக்கிய தமிழகத்தின் சாதனையை, வெறும் 2,170 இணைப்புகளைக் கொடுத்துவிட்டு மோடி அரசு &lsquo;100% சாதனை&rsquo; என்று சொந்தம் கொண்டாடுகிறது. &nbsp;4இலவச உணவு தானியம்: &nbsp;7 கோடி பேருக்கு உணவிடும் தமிழ்நாடு! &nbsp;விளம்பரக் கூற்று: தமிழ்நாட்டிலுள்ள 3.6 கோடிக்கும் அதிகமானோர் பிரதமரின் ஏழைகள் நல உணவுத் திட்டத்தின் கீழ் மாதந்தோறும் இலவச உணவு தானியங்களைப் பெற்றுள்ளனர். உண்மை விபரம்: தமிழ்நாடு 1997-லேயே &nbsp;&lsquo;அனைவருக்கும் பொது விநியோக முறையை&rsquo; அமல்படுத்தி, இன்று 7 கோடி பயனாளிகளுக்கு உணவு வழங்குகிறது. ஒன்றிய அரசு 3.6 கோடி &nbsp;பேருக்கு மட்டுமே நிதி தருகிறது; மீதமுள்ள 3.4 கோடி பேருக்குத் தமிழக அரசே தனது முழு நிதியில் உணவிடுகிறது.</p> <p>2011-லேயே தமிழகத்தில் இலவச அரிசித் திட்டம் தொடங்கிவிட்டது. மோடி அரசுத் திட்டம் 2020-ல் தான் வந்தது. 5ஜன் தன் வங்கி கணக்குகள்: வெற்று எண்களின் &nbsp;மாயாஜாலம்! &nbsp;விளம்பரக் கூற்று: 1.8 கோடிக்கும் அதிகமான ஜன் தன் வங்கிக் கணக்குகள் தொடங்கப்பட்டு நிதி சார்ந்த மோசடிகள் தடுக்கப்பட்டுள்ளன. உண்மை விபரம்: தமிழ்நாடு ஏற்கெனவே வங்கிமயமாக்கலில் &nbsp;இந்தியாவின் முன்னணி மாநிலம். ஜன் தன் தொடங்கும் முன்பே சுய உதவிக் குழுக்கள் மூலம் நிதி உள்ளடக்கம் இங்கே &nbsp;வலுவாக இருந்தது. தமிழகத்தில் உள்ள ஜன் தன் கணக்குகளில் சுமார் 27.9% செயல்பாட்டில் இல்லை (Oxfam ஆய்வு). குறைந்தபட்ச இருப்பு இல்லாத 48 லட்சம் உறங்கும் கணக்குகளைச் சாதனையாகக் காட்டுவது வெறும் கண்துடைப்பு. 6 பிரதம மந்திரி ஜீவன் ஜோதி காப்பீடு: &nbsp;திரட்டல் மோசடி! விளம்பரக் கூற்று: பிரதமரின் ஜீவன் ஜோதி ஆயுள் காப்பீட்டுத் திட்டத்தின் கீழ் 1.2 கோடிக்கும் அதிகமான மக்கள் பயனடைந்துள்ளனர். உண்மை விபரம்: இவை ஆண்டுதோறும் புதுப்பிக்கப்படும் திட்டங்கள். ஒவ்வொரு முறை புதுப்பிக்கும்போதும் புதிய எண்ணிக்கையாகக் கணக்கிட்டுப் பெரிய அளவில் காட்டுகிறார்கள். உண்மையில் செயலில் உள்ள காப்பீடுகள் விளம்பரம் கூறும் எண்ணிக்கையில் பாதியே! 7 விபத்துக் காப்பீடு மற்றும் ஆயுஷ்மான் பாரத்: &nbsp;மாநிலத் திட்டத்தின் நிழலில்&hellip; விளம்பரக் கூற்று: பிரதமரின் சுரக்சா பீமா விபத்துக் காப்பீட்டுத் திட்டத்தின் கீழ் 2.5 கோடி பேரும், ஆயுஷ்மான் பாரத் திட்டத்தின் கீழ் 51 லட்சம் பேரும் நிதிப் பாதுகாப்பைப் பெற்றுள்ளனர். உண்மை விபரம்: இதிலும் திரட்டப்பட்டு காட்டப்படும் எண்களின் மாயாஜாலம் உள்ளது. மிக முக்கியமாக, தமிழகத்தின் முதலமைச்சர் காப்பீட்டுத் திட்டம் (CMCHIS) 2009-லேயே தொட ங்கிவிட்டது - இது ஒன்றிய அரசின் ஆயுஷ்மான் பாரத்தை விட இருமடங்கு பெரியது; அதிகக் குடும்பங்களை உள்ளடக்கியது.</p> <p>51 லட்சம் என்பது சிகிச்சை பெற்றவர்களின் எண்ணிக்கை மட்டுமே, நிதிப் பயனாளிகள் எண்ணிக்கை அல்ல. 8தெருவோர வியாபாரிகள் கடன் (PM SVANidhi) விளம்பரக் கூற்று: 4 லட்சத்திற்கும் அதிகமான சாலையோர வியாபாரிகளுக்கு 1,000 கோடிக்கும் அதிகமாகக் கடன் வழங்கப்பட்டு வாழ்வாதாரம் மேம்படுத்தப்பட்டுள்ளது. உண்மை விபரம்: 4 லட்சம் வியாபாரிகளுக்கு ₹1,000 கோடி என்றால், ஒரு வியாபாரிக்குக் கிடைக்கும் சராசரி கடன் வெறும் ₹25,000 மட்டுமே. இது ஒரு சிறிய முதலீடு மட்டுமே, &lsquo;வாழ்வாதாரம் மற்றும் சுயசார்பு மேம்பாடு&rsquo; என்று கூறுவது மிகைப்படுத்தல். மேலும், தமிழகத்தில் இக்கடன் பெறுவதற்கு 60 நாட்களுக்கும் மேலாகிறது என்பதுதான் கள யதார்த்தம். விளம்பரம் மறைக்கும் மிகப்பெரும் நிதி வஞ்சனை ஒருபுறம் சாதனைகளைப் பேசும் ஒன்றிய அரசு, மறுபுறம் தமிழகத்தின் உரிமைகளைத் திட்டமிட்டு முடக்கி வைத்துள்ளது: வேலைவாய்ப்புத் திட்டம்: மகாத்மா காந்தி தேசிய ஊரக வேலை உறுதித் திட்ட தொழிலாளர் களின் கூலி நிலுவை சுமார் ₹1,246 கோடி. கல்வி நிதி: இந்தித் திணிப்பை ஏற்காததால், தமிழகத்திற்கு வரவேண்டிய ₹2,152 கோடி கல்வி நிதி நிறுத்தப்பட்டுள்ளது.</p> <p>பேரிடர் நிவாரணம்: புயல் பாதிப்புகளுக்குத் தமிழகம் கோரிய ₹37,907 கோடியில் கிடைத்தது வெறும் ₹276 கோடி மட்டுமே. மொத்தத்தில் மோடி அரசு வெளியிட்டு வரும் இந்த விளம்பரங்கள் 2026 சட்டமன்றத் தேர்தலை நோக்கிய ஒரு அரசியல் மாயத்திரை. தமிழக மக்கள் எக்காலத்திலும் ஏமாறமாட்டார்கள்! - பட்டாசு</p>