ஓமனில் இந்தியக் கப்பல் எஞ்சின் கோளாறு?

<p><strong>ஓமனில் இந்தியக் கப்பல் எஞ்சின் கோளாறு?</strong> </p><p>மஸ்கட், ஜூன் 14- ஓமன் கடற்பகுதியில் 14 இந்திய ஊழியர்களுடன் சென்ற ‘விராட் 1’ என்ற இந்திய வணிகக் கப்பல் திடீரென எஞ்சின் கோளாறால் பாதிக்கப்பட்டது. </p><p>ஆபத்தை உணர்ந்த ஊழியர்கள் அவசரக்கால ரப்பர் படகிற்கு மாறிய சூழலில், ஓமன் அதிகாரிகளின் ஒருங்கி ணைப்போடு அருகில் இருந்த ‘ஜபால் அலி 9’ கப்பல் மூலம் 11 இந்தியர்கள் பத்திரமாக மீட்கப்பட்டனர். </p><p>மீதமுள்ள 3 ஊழியர்களை மீட்கும் பணி தீவிரமாக நடந்து வருகிறது. மேற்கு ஆசியப் பகுதியில் இந்திய மாலுமிகள் உள்ள வணிகக் கப்பல்கள் மீது அமெரிக்க கடற்படை தொடர்ந்து நடத்தி வரும் தாக்குதல்களுக்கு இடையே இச்சம்பவம் நடந்துள்ளது. </p><p>ஏற்கனவே ‘செட்டெ பெல்லோ’ கப்பல் மீதான அமெரிக்கத் தாக்குதலில் 3 இந்தியர்கள் பலியானதை அடுத்து, புதுதில்லியில் உள்ள அமெரிக்க தூதரகப் பிரதிநிதி ஜேசன் மீக்ஸை இந்திய வெளியுறவுத்துறை நேரில் அழைத்து தனது கடுமையான கண்டனத்தைப் பதிவு செய்துள்ளது. </p><p>அப்பகுதியில் ‘மரி வெக்ஸ்’, ‘ஜல்வீர்’ உள்ளிட்ட கப்பல்களும் அடுத்தடுத்து பாதிக்கப்பட்டுள்ளது நுகர்வோர் மற்றும் வர்த்தகப் பாதுகாப்பிற்கு பெரும் அச்சுறு த்தலாக மாறியுள்ளது.</p>