விளையாட்டு

<p><strong>விளையாட்டு</strong></p><p><strong>ஹாமில்டனில் ருத்ரதாண்டவம் ஆடிய கனமழை 3ஆவது ஒருநாள் போட்டி டாஸ் போடாமலேயே ரத்து</strong></p><p>நியூஸிலாந்து நாட்டிற்குச் சுற்றுப்பயணம் மேற்கொண்டுள்ள இந்திய கிரிக்கெட் அணி தற்போது ஒருநாள் தொடரில் விளையாடி வருகிறது. 5 போட்டிகளைக் கொண்ட ஒருநாள் தொடரின் முதலிரண்டு ஆட்டங்களின் முடிவில் இந்தியா 2-0 என்ற கணக்கில் முன்னிலையில் உள்ளது.</p><p>இந்நிலையில், 3ஆவது ஒருநாள் போட்டி செவ்வாய்க்கிழமை ஹாமில்டனில் நடைபெறுவதாக இருந்தது. ஆனால் திங்களன்று இரவு முதலே ஹாமில்டன் நகரில் கனமழை வெளுத்து வாங்கியது. செவ்வாய்க்கிழமை காலை நேரத்திலும் மழை கொஞ்சம் கூட குறையவில்லை. அதீத காற்றுடன் மழை பெய்தது. </p><p>இதனால் 3ஆவது ஒருநாள் போட்டி டாஸ் கூட போடாமல் ரத்து செய்யப்படுவதாக போட்டி நடுவர்கள் அறிவித்தனர். </p><p>5 போட்டிகளைக் கொண்ட ஒருநாள் தொடரின் 3 போட்டிகளின் முடிவில் 2-0 என்ற கணக்கில் முன்னிலையில் இருப்பதாலும், கடைசி 2 போட்டிகளின் ஒரு ஆட்டத்தில் மட்டும் வெற்றிப் பெற்றால் அல்லது ஒரு ஆட்டம் மழையால் ரத்து செய்யப்பட்டால் இந்திய அணி ஒருநாள் தொடரைக் கைப்பற்றி விடும் என்பது குறிப்பிடத்தக்கது.</p><p><br></p><p><strong>மகளிர் டென்னிஸ் சாம்பியன்ஷிப் : சபலென்கா, ஆண்ட்ரீவா அபாரம்</strong></p><p>உலகத் தரவரிசையில் ‘டாப்-8’ இடங்களில் உள்ள வீராங்கனைகள் மட்டும் பங்கேற்கும் மகளிர் டென்னிஸ் சாம்பியன்ஷிப் போட்டி அமெரிக்காவின் இந்தியன் வேல்ஸ் நகரில் நடைபெற்று வருகிறது. கிராண்ட்ஸ்லாமுக்கு அடுத்தபடியாக கவுரவமிக்க போட்டியாக கருதப்படும் இந்த தொடரின் ஒற்றையர் பிரிவில் கலந்து கொள்ளும் 8 வீராங்கனைகள் இரு பிரிவாக பிரிக்கப்பட்டுள்ளனர்.</p><p>இந்நிலையில், செவ்வாய்க் கிழமை நடைபெற்ற முதல் சுற்று ஆட்டத்தில் பெலாரசின் அரினா சபலென்கா, செக் குடியரசின் கரோலினா முச்சோவா ஆகியோர் மோதினர். தொடக்கம் முதலே சிறப்பாக விளையாடிய சபலென்கா 7-6 (7-2), 7-5 என்ற செட் கணக்கில் வெற்றிப்பெற்று அடுத்த சுற்றுக்கு முன்னேறி னார். வெற்றிக்காக கடுமையாக போராடிய முச்சோவா அதிர்ச்சிதோல்வியுடன் வெளியேறினார். மற்றொரு போட்டியில் ரஷ்யாவின் மிர்ரா ஆண்ட்ரீவா 6-4, 6-0 என்ற செட்கணக்கில் உக்ரைனின் எலினா ஸ்விட்டோலினாவை வீழ்த்தி அடுத்த சுற்றுக்கு முன்னேறினார்.</p>