அறிவியல் ஆராய்ச்சிக்கு நிதி ஒதுக்கீடு குறைவு ரூ.694 கோடி செலவிடப்படாமல் முடக்கம் டாக்டர் வி.சிவதாசன் எம்.பி. அதிர்ச்சித் தகவல்

<p><strong>அறிவியல் ஆராய்ச்சிக்கு நிதி ஒதுக்கீடு குறைவு ரூ.694 கோடி செலவிடப்படாமல் முடக்கம் டாக்டர் வி.சிவதாசன் எம்.பி. அதிர்ச்சித் தகவல்</strong></p><p>இந்தியாவின் மொத்த உள்நாட்டு உற்பத்தியில் (GDP) வெறும் 0.41% மட்டுமே ஆராய்ச்சி மற்றும் மேம்பாட்டிற்கு (R&amp;D) செலவிடப்படுவதாகவும், கடந்த 5 ஆண்டு களில் அறிவியல் துறைக்கு ஒதுக்கப்பட்ட ரூ.694.72 கோடி செலவிடப்படாமல் வீணடிக்கப்பட்டுள்ளதாகவும் மார்க்சிஸ்ட் கம்யூனிஸ்ட் கட்சியின் மாநிலங்களவை உறுப்பினர் டாக்டர் வி.சிவதாசன் எம்.பி. குற்றம்சாட்டியுள்ளார்.</p><p><br></p><p><strong>குறையும் பொது முதலீடு</strong></p><p>இதுதொடர்பான சிவதாசனின் கேள்விக்கு அறிவியல் மற்றும் தொழில்நுட்பத்துறை இணை அமைச்சர் ஜிதேந்திர சிங் அளித்த பதிலின்படி, ஜிடிபி-யில் ஆராய்ச்சி மேம்பாட்டிற்கான மொத்த செலவினம் (GERD) 2019-20 இல் 0.44% ஆக இருந்தது, 2023-24 இல் 0.41% ஆகக் குறைந்துள்ளது. இது அறிவியல் ஆராய்ச்சியில் பொது முதலீடு தொடர்ந்து சரிந்து வருவதைக் காட்டுகிறது. அதுமட்டுமின்றி, காப்புரிமை (Patents) பெறுவோரின் எண்ணிக்கையும் கணிசமாக வீழ்ச்சியடைந்துள்ளது.</p><p><br></p><p><strong>நவீன இந்தியாவின் அறிவியல் எதிர்காலம் கேள்விக்குறி</strong></p><p>முன்னணி நாடுகள் புதிய கண்டுபிடிப்பு களுக்காக நிதியை வாரி வழங்கும் நிலையில், இந்தியாவில் ஒதுக்கப்பட்ட நிதிகள்கூட முழுமையாகப் பயன்படுத்தப்படாமல் திரும்பப் பெறப்படுவது கண்டனத்திற்குரியது. </p><p>எனவே, அறிவியல் நிறுவனங்களை வலுப்படுத்தவும், ஆராய்ச்சிக்கான நிதி ஒதுக்கீட்டை கணிசமாக உயர்த்தவும் ஒன்றிய அரசு உடனடியாக முன்வர வேண்டும் என்று அவர் வலியுறுத்தினார்.</p>