சுற்றுச்சூழல் பாதிப்பை ஏற்படுத்தும் ஐஸ் பிளாண்ட் பாதிப்புக்குள்ளாகும் 7 கிராம மக்களின் உண்ணாவிரதப் போராட்டம் வாபஸ்

<p><strong>சுற்றுச்சூழல் பாதிப்பை ஏற்படுத்தும் ஐஸ் பிளாண்ட் பாதிப்புக்குள்ளாகும் 7 கிராம மக்களின் &nbsp;உண்ணாவிரதப் போராட்டம் வாபஸ்</strong></p> <p>மயிலாடுதுறை, டிச.13- &nbsp;மயிலாடுதுறை மாவட்டம் தரங்கம்பாடி அருகே, குடியிருப்புகள்-கல்வி நிலையங்கள்-விடுதிகள் மத்தியில் சுற்றுச்சூழல் பாதிப்பை ஏற்படுத்தும் விதமாக ஐஸ் பிளாண்டை அமைப்பதற்கு எதிர்ப்பு தெரிவித்தும், சுற்றுச்சூழல் சீர்கேடு ஏற்படுத்தும் தேவகுபி ஐஸ்பிளாண்ட் அமைத்திட ஒப்புதல் வழங்கிய மாவட்ட சுற்றுச்சூழல் பொறியாளரை கண்டித்தும், பாதிப்புக்குள்ளாகும் 7 கிராமங்களை சேர்ந்த மக்கள் 2 நாட்களாக உண்ணாவிரதப் போராட்டத்தில் ஈடுபட்டு வந்தனர். இந்நிலையில், கோட்டாச்சியர் தலைமையில் பேச்சு வார்த்தை நடத்துவதாக உறுதியளித்ததையடுத்து, போராட்டம் கைவிடப்பட்டது. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; பொதுமக்களிடம் எந்தவித கருத்தையும் கேட்காமல் நேரடி ஆய்வையும் மேற்கொள்ளாமல், மிகப்பெரும் சுற்றுச்சூழல் பாதிப்பை ஏற்படுத்தும் விதமாக தேவகுபி என்ற பெயரில் ஐஸ்பிளாண்ட் அமைத்திட மாவட்ட சுற்றுச்சூழல் பொறியாளர் அனுமதியளித்து, பிளாண்ட் கட்டுமானப் பணிகள் துரிதமாக நடைபெற்று வருகிறது. &nbsp;உடனடியாக ஐஸ் பிளாண்ட் அமைப்பதற்கான அனுமதியை ரத்து செய்ய வேண்டும் என்றும், தமிழ்நாடு அரசு மீது களங்கம் ஏற்படுத்தும் சுற்றுச்சூழல் பொறியாளர் மீதும், மாவட்ட ஆட்சியர் மீதும் நடவடிக்கை எடுக்க வேண்டும் என்றும், 300-க்கும் மேற்பட்ட மக்கள் கேசவன்பாளையம் தேசிய நெடுஞ்சாலையில் பந்தல் அமைத்து தொடர் உண்ணாவிரதப் போராட்டத்தை புதனன்று துவக்கினர். &nbsp;இந்நிலையில் அரசு அதிகாரிகள் கண்டுக் கொள்ளாததால் வியாழனன்றும் போராட்டத்தை தொடர்ந்தனர். சமூக ஆர்வலர் ரவிச்சந்திரன் தலைமையில் கிராம மக்கள் அமைதியான வழியில் போராட்டத்தை தொடர்ந்த நிலையில், பொறையார் காவல்துறை போராட்டத்தை ஒருங்கிணைத்த 10-க்கும் மேற்பட்டோரை வலுக்கட்டாயமாக கைது செய்து தனியார் மண்டபத்தில் சிறை &nbsp;வைத்தனர். &nbsp;தகவலறிந்து வந்த மார்க்சிஸ்ட் கட்சியின் மாவட்டச் செயலாளர் பி.சீனிவாசன், மாவட்ட செயற்குழு உறுப்பினர் எஸ். துரைராஜ், தரங்கம்பாடி ஒன்றியச் செயலாளர் ஏ.ரவிச்சந்திரன், விசிக &nbsp;உள்ளிட்ட கட்சியினர், கைது செய்யப்பட்டவர்களை மீட்டு வந்து மீண்டும் அதே இடத்தில் போராட்டத்தை தொடர்ந்தனர். &nbsp;தரங்கம்பாடி வட்டாட்சியர் சதீஷ் பேச்சுவார்த்தை நடத்தி திங்களன்று கோட்டாட்சியர் தலைமையில் பேச்சுவார்த்தைக்கு ஏற்பாடு செய்வதாக உறுதியளித்ததையடுத்து போராட்டத்தை தற்காலிகமாக கைவிட்டனர்.</p>