மன்னார்குடி திமுக வேட்பாளர் டிஆர்பி ராஜாவுக்கு அமோக ஆதரவு

<p><strong>மன்னார்குடி திமுக வேட்பாளர் டிஆர்பி ராஜாவுக்கு அமோக ஆதரவு</strong></p><p>மன்னார்குடி, ஏப். 7- திருவாரூர் மாவட்டம் மன்னார்குடி சட்டமன்றத் தொகுதி வேட்பாளர் டிஆர்பி ராஜா, மிகப்பெரிய வாக்கு வித்தியாசத்தில் வெற்றி பெறுவார் என மார்க்சிஸ்ட் கம்யூனிஸ்ட் கட்சியின் நகர குழுச் செயலாளர் ஜி. தாயுமானவன் கூறினார்.</p><p>அவர் கூறுகையில், மன்னார்குடி 160 ஆண்டு கால வரலாற்றில் இதுவரை கண்டிராத அபிவிருத்தித் திட்டங்கள், மன்னார்குடி சட்டமன்றத் தொகுதி வேட்பாளர் டிஆர்பி ராஜா வின் முழு முயற்சியினால் நிறைவேற்றப்பட்டு வருகின்றன. புதிய பேருந்து நிலையம் ரூ.46 கோடி 46 லட்சத்தில் கட்டப்பட்டுள்ளது.</p><p>மன்னார்குடி புறவழிச் சுற்றுச்சாலை ரூ.124 கோடியில் முதற்கட்ட பணிகள் முடிவடைந்து மக்கள் பயன்பாட்டில் உள்ளது. இரண்டாம் கட்டப் பணிகள் ரூ.28 கோடியில் நடைபெற்று வருகிறது. மன்னார்குடி பாதாள சாக்கடைத் திட்டம் ரூ.258 கோடி செலவில் செயல்படுத்தப்பட்டு வருகிறது.</p><p>இப்பணிகள் முழுமையாக நடைபெறும், புதிய பல அபிவிருத்தி திட்டங்கள் அறிவிக்கப்படவும் மன்னார்குடி சட்டமன்றத் தொகுதியின் வெற்றி வேட்பாளர் டிஆர்பி ராஜா மீண்டும் தேர்ந்தெடுக்கப்பட வேண்டும் என்பது மக்களின் விருப்பம் என்றார்.</p>