இமயமலையின் எச்சரிக்கை மணி

<p><strong>இமயமலையின் எச்சரிக்கை மணி</strong></p><p>இமயமலை என்பது இந்தியா, நேபாளம் உள்ளிட்ட பல நாடுகளின் இயற்கைப் பாதுகாப்புக் கவசமாகமட்டுமல்லாமல், கோடிக்கணக்கான மக்களின் வாழ்வாதாரத்துக்கும் நீராதாரத்துக்கும் அடிப்படையாகவிளங்குகிறது. இந்தப் பகுதி எவ்வளவு ஆபத்தான நிலையில் உள்ளது என்பதை நேபாளத்தில் சமீபத்தில் ஏற்பட்டதிடீர் வெள்ளம் நமக்கு உணர்த்தியுள்ளது. குறுகிய நேரத்தில் அதிக அளவில் பெய்யும் கனமழை,மலைப்பகுதிகளில் நீரின் வேகமான ஓட்டம், ஆறுகளின் நீர்மட்டம் திடீரென உயர்வது போன்ற காரணிகள் திடீர் வெள்ளத்துக்கு முக்கியக் காரணங்களாக இருக்கின்றன. ஆனால், இதை வெறும் இயற்கைநிகழ்வு என்று மட்டும் கடந்து செல்ல முடியாது. மாறிவரும் காலநிலையும், பலவீனமடைந்து வரும் இமயமலைச் சூழலியலும் இதன் பின்னணியில் கவனிக்கப்பட வேண்டிய முக்கியக் காரணிகளாக உள்ளன.</p><p><br></p><p>காலநிலை மாற்றத்தின் விளைவாக மழைப்பொழிவின் தன்மையில் குறிப்பிடத்தக்க மாற்றங்கள் ஏற்பட்டு வருகின்றன. வழக்கமான காலங்களில் சீராகப் பெய்யவேண்டிய மழை, குறுகிய காலத்தில் மிக அதிகமாகப் பெய்வது போன்ற மாற்றங்கள் அதிகரித்து வருகின்றன. இதனால் மலைப்பகுதிகளில் உள்ள ஆறுகள் மற்றும் ஓடைகளில் திடீரென நீர்வரத்து அதிகரிக்கிறது. இதனுடன் பனிப்பாறைகள்உருகுவதும், பனிப்பாறை ஏரிகளின்நீர்மட்டம் உயர்வதும் சேரும்போது பேரிடர் அபாயம் மேலும் அதிகரிக்கிறது.</p><p><br></p><p>இமயமலைச் சூழலியலின் பலவீனத்துக்கு மனித நடவடிக்கைகளும் ஒரு முக்கிய காரணம். திட்டமிடப்படாத நகரமயமாக்கல், காடுகள் அழிப்பு, மலைப்பகுதிகளில் கட்டுப்பாடற்ற கட்டுமானப் பணிகள்,சாலைகள் அமைப்பதில் சுற்றுச்சூழல் விதிமுறைகள் போதிய அளவில் பின்பற்றப்படாதது போன்றவைமலைப்பகுதிகளின் இயற்கையான நீர்வடிகால் அமைப்பை பாதிக்கின்றன. இதனால் மழைநீர் இயற்கையாகநிலத்துக்குள் செல்லாமல் வேகமாக கீழ்நோக்கிப் பாய்ந்து வெள்ளத்தை உருவாக்குகிறது.</p><p><br></p><p>நேபாளத்தில் ஏற்பட்டுள்ள திடீர் வெள்ளம்இந்தியாவுக்கும் மிக முக்கியமான எச்சரிக்கையாகும். இந்தியாவின் இமயமலையின் அடிவாரத்தில் உள்ள ஜம்மு-காஷ்மீர், இமாச்சலப் பிரதேசம், உத்தரகண்ட், சிக்கிம், அருணாச்சலப் பிரதேசம் உள்ளிட்டபகுதிகளும் இதுபோன்ற அபாயங்களை எதிர்கொண்டு வருகின்றன. குறிப்பாக, மலைப்பகுதிகளில் நடைபெறும் பெரிய அளவிலான கட்டுமானத் திட்டங்கள் மற்றும் சுற்றுலா வளர்ச்சியை சுற்றுச்சூழல் பாதுகாப்புடன் இணைத்துச் செயல்படுத்த வேண்டிய அவசியம் ஏற்பட்டுள்ளது.</p><p><br></p><p>பேரிடர் ஏற்பட்ட பிறகு நிவாரணப் பணிகளை மேற்கொள்வதைவிட, பேரிடர் ஏற்படுவதற்கு முன்பே அபாயத்தைக் கண்டறிந்து உயிர்களையும் சொத்துகளையும் பாதுகாப்பதே சிறந்த அணுகுமுறையாகும். இதற்காக முன்னெச்சரிக்கை அமைப்புகளை வலுப்படுத்த வேண்டும். குறிப்பாக, மலைப்பகுதிகளில் வசிக்கும் மக்களுக்கு எச்சரிக்கைத் தகவல்கள் விரைவாகச் சென்றடையும் வகையில் உள்ளூர் அளவிலானபேரிடர் மேலாண்மை அமைப்புகள் உருவாக்கப்படவேண்டும். இமயமலையைப் பாதுகாப்பது என்பது மலைகளை மட்டும் பாதுகாப்பதல்ல; அதன் அடிவாரத்தில் வாழும் கோடிக்கணக்கான மக்களின் எதிர்காலத்தையும் பாதுகாப்பதாகும்.</p>