தீக்கதிர் விரைவு செய்திகள்

<p><strong>தேர்வு தேதி மாற்றம் </strong></p> <p>சென்னை: தமிழ்நாட்டில் ஊரகப் பகுதிகளில் 9 ஆம் வகுப்பு பயிலும் மாணவ-மாணவியர்களுக்கு அரசுத் தேர்வு &nbsp;இயக்ககத்தால் 1991-1992 முதல் தமிழ்நாடு ஊரக திறனாய்வு &nbsp;தேர்வு நடத்தப்பட்டு வருகிறது. 2025-2026 கல்வியாண் டிற்கான தேர்வு சனிக்கிழமை &nbsp;(நவ.29) நடைபெறவிருந்தது. டிட்வா புயலால் தமிழ்நாட்டில் பல்வேறு மாவட்டங்களுக்கு கனமழை எச்சரிக்கை விடுக்கப்பட்டுள்ளது. இதையடுத்து இத்தேர்வு டிசம்பர் 6 ஆம் தேதிக்கு மாற்றப்பட்டுள்ளதாக அரசுத் தேர்வுகள் இயக்ககம் அறிவித்துள்ளது.</p> <p><strong>&nbsp;தொழிலாளர் விரோத சட்டங்களுக்கு எதிராக டிச.1-இல் ஆர்ப்பாட்டம்</strong></p> <p>திருச்சிராப்பள்ளி: ஒன்றிய அரசால் நிறைவேற்றப்பட்ட தொழிலாளர்களை வஞ்சிக்கக் கூடிய 4 தொகுப்பு சட்டங்க ளைக் கண்டித்து, தமிழ்நாடு அரசு ஊழியர் சங்கம் சார்பில் டிசம்பர் 1 (திங்கட்கிழமை) அன்று மாநிலம் முழுவதும் ஆர்ப்பாட்டம் நடைபெறும் என அறிவிக்கப்பட்டுள்ளது. சங்கத்தின் மாநிலத் தலைவர் மு.பாஸ்கரன் மற்றும் பொதுச் செயலாளர் வெ.சோமசுந்தரம் ஆகியோர் விடுத்துள்ள &nbsp;அறிக்கையில், &ldquo;44 மத்திய தொழிலாளர் நலச் சட்டங்களை &nbsp;நீக்கிவிட்டு, தனியார்மயத்தை ஊக்குவித்து, தொழிலா ளர்களுக்கு எந்தப் பயனும் தராத, மாறாக, கார்ப்பரேட் நிறு வனங்களுக்குச் சாதகமான 4 தொகுப்பு சட்டங்களை ஒன்றிய அரசு நிறைவேற்றியுள்ளது. புதிய சட்டங்கள், ஆலைகளை மூடுவதற்கு இருந்த 100 &nbsp;பேர் உச்சவரம்பை 300 பேர் என்று உயர்த்தி, நிரந்தரத் தன்மை உள்ள தொழிலாளர்களின் வேலைப் பாதுகாப்பை &nbsp;பறிக்கிறது. இதனால், 90% தொழிலாளர்கள், முதலாளி களின் தயவில் மட்டுமே நீடிக்க முடியும் என்ற நிலை உரு வாகியுள்ளது. மேலும், குறைந்த கூலிக்கு காண்ட்ராக்ட்/குறுகிய காலத் தொழிலாளர்களை நியமிக்கும் வசதிகளை யும், புதிய தொழிற்சங்கங்கள் உருவாவதற்கு எதிரான கடு மையான கட்டுப்பாடுகளையும் இச்சட்டம் கொண்டுள்ளது&rdquo; எனக் கூறப்பட்டுள்ளது. இந்தத் தொழிலாளர் மற்றும் தொழிற்சங்க விரோதச் சட்டங் களைத் திரும்பப் பெற வலியுறுத்தி, தமிழ்நாடு முழுவதும் உள்ள வட்டத் தலைநகரங்களில் டிசம்பர் 1 அன்று கண்டன &nbsp;ஆர்ப்பாட்டங்களை எழுச்சியுடன் நடத்தும்படி தமிழ்நாடு அரசு ஊழியர் சங்கம் கேட்டுக் கொண்டுள்ளது.</p> <p><strong>பணியிட மாறுதல் கலந்தாய்வு நடத்த அரசுக் கல்லூரி ஆசிரியர் கழகம் கோரிக்கை</strong></p> <p>சென்னை: அரசு கலை அறிவியல் மற்றும் கல்வியி யல் கல்லூரி ஆசிரியர்களுக்கு பணியிட மாறுதல் கலந்தாய்வை &nbsp;விரைந்து நடத்த வேண்டும் என்று தமிழ்நாடு அரசு கல்லூரி ஆசிரியர் கழகம் கோரியுள்ளது. இது தொடர்பாக கழகத்தின் பொதுச் செயலாளர் சோ. சுரேஷ் விடுத்துள்ள அறிக்கையில், &ldquo;அரசு கலை அறிவியல் &nbsp;மற்றும் கல்வியியல் கல்லூரிகளில் பணியாற்றி வரும் ஆசிரி யர்களுக்கு ஆண்டு தோறும் இடமாறுதல் கலந்தாய்வு நடத்தப்படுவது வழக்கம். கடந்த ஆண்டு பணி இடமாறுதல் கலந்தாய்வு நவம்பர் மாதம் நடைபெற்றது. இந்த ஆண்டும் பணி இடமாறுதலை விரைந்து நடத்த &nbsp;ஜூன் மாதத்திலிருந்தே கோரி வந்தோம். நவம்பர் மாதத்தில் நடத்தப்படும் என்று உயர்கல்வித் துறை அதிகாரி கள் உறுதி அளித்தார்கள். நவம்பர் மாதம் முடியும் தருவாயி லும், கலந்தாய்வு நடத்த அரசாணை வெளியிடவில்லை. எனவே, காலதாமதமின்றி கலந்தாய்வினை உடனே நடத்த &nbsp;அரசாணை வெளியிட வேண்டும்&rdquo; என்று கூறப்பட்டுள்ளது.</p> <p><strong>சிபிஐ அதிகாரிகள் விசாரணை </strong></p> <p>கரூர்: கடந்த செப்.27 ஆம் தேதி, கரூர் வேலுச்சாமி புரத்தில் தவெக சார்பில் நடைபெற்ற நடிகர் விஜய்யின் பிரச்சாரக் கூட்ட நெரிசலில் 41 பேர் உயிரிழந்த சம்பவம் &nbsp;தொடர்பாக, கரூர் சுற்றுலா மாளிகையில் சிபிஐ அதிகாரி கள் தங்கி விசாரணை மேற்கொண்டு வருகின்றனர். இந்நிலையில், வெள்ளிக்கிழமை கரூர் நகர காவல் துணைக் &nbsp;கண்காணிப்பாளர் செல்வராஜ் மற்றும் உயிரிழந்தவர் களின் குடும்பத்தினரிடம் சிபிஐ அதிகாரிகள் விசாரணை மேற் கொண்டனர்.</p>