மகாத்மா காந்தி சிலைக்கு மாலை அணிவித்து உறுதிமொழி ஏற்பு

<p><strong>மகாத்மா காந்தி சிலைக்கு மாலை அணிவித்து உறுதிமொழி ஏற்பு</strong></p><p>தஞ்சாவூர், அக் 2- தமிழ்நாடு சிறுபான்மை மக்கள் நலக்குழு சார்பில், காந்தி ஜெயந்தியை முன்னிட்டு, தஞ்சாவூர் மாவட்டத்தில் தஞ்சாவூர், திருவையாறு, பேராவூரணி உள்ளிட்ட இடங்களில் காந்தி சிலைக்கு மாலை அணிவித்து உறுதிமொழி ஏற்கப்பட்டது.</p><p><br></p><p><strong>தஞ்சாவூர்</strong></p><p>தமிழ்நாடு சிறுபான்மை மக்கள் நலக்குழு மற்றும் மக்கள் ஒற்றுமை மேடை இணைந்து நடத்திய விழாவில், காந்தி சிலைக்கு மாலை அணிவித்து உறுதியேற்பு நிகழ்ச்சி நடைபெற்றது.</p><p>இந்நிகழ்ச்சிக்கு தமிழ்நாடு சிறுபான்மை மக்கள் நலக்குழு மாவட்டத் தலைவர் ஹெச்.அப்துல் நசீர் தலைமை வகித்தார். மக்கள் ஒற்றுமை மேடை மாவட்டச் செயலாளர் ஆர்.புண்ணியமூர்த்தி உறுதிமொழியை வாசித்தார்.</p><p>சிபிஎம் மாவட்டச் செயலாளர் சின்னை. பாண்டியன், சிறுபான்மை மக்கள் நலக்குழு மாநில பொதுச் செயலாளர் பி. செந்தில்குமார், மாவட்டச் செயலாளர் என். குருசாமி, மாநகரத் தலைவர் அப்பாஸ் மந்திரி, துணைத் தலைவர் சபிக் பாபு உள்ளிட்ட பலர் பங்கேற்றனர்.</p><p><br></p><p><strong>பேராவூரணி </strong></p><p>பேராவூரணியில், சிறுபான்மை மக்கள் நலக்குழு மாவட்டக் குழு உறுப்பினர் எஸ். ஜகுபர் அலி தலைமையில் காந்தி சிலைக்கு மாலை அணிவித்து மரியாதை செலுத்தப்பட்டது.</p><p>இந்நிகழ்ச்சியில் சிபிஎம் மாவட்டக் குழு உறுப்பினர் ஆர்.எஸ்.வேலுச்சாமி, மூத்த தோழர் வீ.கருப்பையா, இந்தியக் கம்யூனிஸ்ட் கட்சி நகரச் செயலாளர் மூர்த்தி, திராவிடர் கழக மாவட்டத் தலைவர் மல்லிகை வை.சிதம்பரம், மனிதநேய ஜனநாயகக் கட்சி மாநிலச் செயலாளர் அப்துல் சலாம் உள்ளிட்ட 50-க்கும் மேற்பட்டோர் கலந்துகொண்டனர். </p><p><br></p><p><strong>திருவையாறு</strong></p><p>திருவையாறில் நடைபெற்ற நிகழ்ச்சிக்கு, சிறுபான்மை மக்கள் நலக்குழு மாவட்டப் பொருளாளர் எம். ராம் தலைமை வகித்தார். விவசாயத் தொழிலாளர் சங்க ஒன்றியச் செயலாளர் எம். கதிரவன், ஓய்வூதியர் சங்கத்தைச்சேர்ந்த எல். சௌந்தர்ராஜன் உள்ளிட்டோர் பங்கேற்றனர்.</p><p><br></p>