இலவச பிரிட்ஜ் முதல் ரூ.2000 வரை...
24 Mar 2026, 3:23 pm
<p><strong>இலவச பிரிட்ஜ் முதல் ரூ.2000 வரை...</strong></p>
<p>சென்னை, மார்ச் 24- 2026 தமிழ்நாடு சட்டமன்றத் தேர்தலையொட்டி, அதிமுக பொதுச் செயலாளர் எடப்பாடி பழனிசாமி 297 வாக்குறுதிகள் அடங்கிய தனது முழுமை யான தேர்தல் அறிக்கையை செவ்வாயன்று வெளி யிட்டுள்ளார். வாக்காளர்களைக் கவர, எடப்பாடி பழனிசாமி அறிவித்துள்ள இலவசங்களின் பட்டியல், பார்ப்பவர்களின் கண்களை சுழல வைக்கிறது! வீட்டுக்கு ஒரு ‘இலவச பிரிட்ஜ்’ அதிமுகவின் தேர்தல் அறிக்கையிலேயே பளபளக்கும் அறிவிப்பு இதுதான்: அரிசி குடும்ப அட்டைதாரர்களுக்கு ‘இலவச குளிர்சாதனப் பெட்டி’ வழங்கப்படும்! ஏற்கனவே கையில் காசில்லாமல் தக்காளிக்கும், வெங்காயத்திற்கும் மக்கள் தவம் இருக்கும்போது, இலவச பிரிட்ஜை வாங்கி மக்கள் அதில் எதை வைப்பார்கள் என்று சமூக வலைதளங்களில் நையாண்டிகள் பறக் கின்றன. ஒருவேளை, காய்கறி விலையேற்றத்தை மக்கள் ஜீரணிக்க முடியாமல் குளிர்ச்சியாக இருக்க வேண்டும் என்பதற்காக இருக்குமோ என்றும் எள்ளி நகையாடுகின்றனர். ஸ்கூட்டர் மானியம் குடும்பத் தலைவிகளுக்கு மாதம் ரூ.2,000 உதவித்தொகை. வருடத்திற்கு 3 இலவச கேஸ் சிலிண் டர்கள். 5 லட்சம் பெண்களுக்கு ஸ்கூட்டர் வாங்க ₹25,000 மானியம். விலைவாசி உயர்வால் பாதிக்கப்பட்ட குடும்பங் களுக்கு ரூ.10,000 சிறப்பு உதவித்தொகை என்றும் அறிவித்துள்ளார். நெல்லுக்கு குவிண்டாலுக்கு ரூ.3,500 மற்றும் கரும்புக்கு டன்னுக்கு ரூ.4,500 ஆதார விலை, விவசாயக் கடன்கள் தள்ளுபடி போன்ற வாக்குறுதிகளும் இதில் உள்ளன. அம்மா மினி கிளினிக் முதல் லேப்டாப் வரை இவை தவிர, அரசுப் பள்ளி மாணவர்களுக் கான மருத்துவ ஒதுக்கீடு 10 சதவீதமாக உயர்வு, கல்லூரி மாணவர்களுக்கு இலவச லேப்டாப், மூடப்பட்ட அம்மா மினி கிளினிக்குகள் மீண்டும் திறப்பு போன்ற அறிவிப்புகளும் இடம்பெற்று உள்ளன. பத்திரிகையாளர்களுக்கு ஓய்வூதியம், வீட்டுமனை, வட்டி இல்லாக் கடன் போன்ற சலு கைகள் அள்ளித் தெளிக்கப்பட்டுள்ளன. தமிழ்நாட்டில் மதுக்கடைகள் படிப்படியாக மூடப்படும், போலீசாருக்கு வார விடுமுறை போன்ற அறிவிப்புகளும் இதில் அடக்கம்.</p>