சாயத் தொழிற்சாலையில் தீ விபத்து
8 Mar 2026, 3:42 pm
<p><strong>சாயத் தொழிற்சாலையில் தீ விபத்து</strong></p>
<p>திருப்பூர், மார்ச் 8- பல்லடம் அருகே தனியார் சாயத் தொழிற்சாலையில் ஏற் பட்ட தீ விபத்தில், ரூ.3 கோடி மதிப்பிலான இயந்திரங்கள் தீக்கிரையாகின. திருப்பூர் மாவட்டம், பல்லடம் ஒன்றியம், கரைப்புதூர் ஊராட்சி, அருள்புரத்தை அடுத்த பாச்சாகாட்டுபாளையத் தில் தனியார் சாயத் தொழிற்சாலை செயல்பட்டு வருகிறது. தொழிலாளர்கள் வழக்கம்போல சனியன்று பணியில் ஈடுபட்டி ருந்தனர். அப்போது, ஆயில் பாய்லர் இயந்திரத்தில் மின் கசிவு காரணமாக திடீரென தீ விபத்து ஏற்பட்டது. சிறிது நேரத்தில் தொழிற்சாலை முழுவதும் தீ பரவியது. தொழிலாளர்கள் தீயை அணைக்க முயன்றும் முடியாததால், பல்லடம் தீய ணைப்பு நிலையத்திற்கு தகவல் தெரிவித்தனர். அதன்பேரில் சம்பவ இடத்திற்கு வந்த தீயணைப்பு நிலைய அலுவலர் முத்துக்குமாரசாமி தலைமையிலான வீரர்கள், ஒரு மணி நேரம் போராடி தீயை அணைத்தனர். இவ்விபத்தில் ரூ.3 கோடி மதிப்பிலான இயந்திரங்கள், துணிகள் உள்ளிட்டவை எரிந்து சேதமடைந்ததாக கூறப்படுகிறது. இச்சம்பவம் குறித்து போலீசார் வழக்குப்பதிவு செய்து விசாரணை மேற்கொண்டு வருகின்றனர்.</p>