மைக்ரோ தொழில்களைக் காக்க பட்ஜெட்டில் அவசர நடவடிக்கை தேவை: ஒன்றிய அரசுக்கு தொழில்முனைவோர் சங்கம் கோரிக்கை

<p>வருகின்ற 2026-27 மத்திய பட்ஜெட்டில், பொருளாதார நெருக்கடிகளால் பாதிக்கப்பட்டுள்ள மைக்ரோ (மிகச்சிறு) தொழில் நிறுவனங்களை மீட்டெடுக்க அவசரக் கொள்கை மற்றும் நிதித் தலையீடுகள் அவசியம் என்று Association of Indian Entrepreneurs (AIE) அமைப்பு ஒன்றிய நிதியமைச்சரிடம் வலியுறுத்தியுள்ளது.<br /> இது தொடர்பாக சங்கத்தின் நிறுவனர் மற்றும் தலைவர் கே.இ. ரகுநாதன் ஒன்றிய நிதியமைச்சர் நிர்மலா சீதாராமனிடம் சமர்ப்பித்துள்ள விரிவான கோரிக்கை மனுவில் கூறப்பட்டுள்ள முக்கிய அம்சங்கள்:</p> <p><strong>கடன் வசதி மற்றும் வட்டி சலுகை:</strong><br /> மைக்ரோ தொழில்களுக்கு ₹100 லட்சம் வரை எவ்வித பிணையமுமற்ற (Collateral-free) கடன் வழங்கப்பட வேண்டும்.</p> <p>இந்தக் கடன்களுக்கான வட்டி விகிதத்தை 6% முதல் 7% என்ற அளவில் உச்சவரம்பாக நிர்ணயிக்க வேண்டும்.</p> <p>ஜிஎஸ்டி (GST) இணக்கமான நிறுவனங்களுக்கு புதிய மதிப்பீடு ஏதுமின்றி வேலைமூலதன வரம்புகளை (Working Capital) கட்டாயம் புதுப்பிக்க வேண்டும்.</p> <p><strong>வரி மற்றும் இணக்கச் சீர்திருத்தங்கள்:</strong><br /> ஜிஎஸ்டி விலக்கு வரம்புகளை உயர்த்துவதோடு, மைக்ரோ நிறுவனங்களுக்கு &#39;ஒற்றை எளிய ஜிஎஸ்டி அறிக்கை&#39; முறையை அறிமுகப்படுத்த வேண்டும்.</p> <p>ஜிஎஸ்டி நிலுவைத் தொகையை 15 நாட்களுக்குள் திருப்பிச் செலுத்த வேண்டும்; தாமதமானால் அரசு வட்டி வழங்குவதைக் கட்டாயமாக்க வேண்டும்.</p> <p>சிறிய நடைமுறைத் தவறுகளுக்காக மைக்ரோ தொழில்முனைவோர் மீது வழக்குத் தொடருவதைத் தவிர்த்து, முழு குற்றமற்றாக்கம் (Decriminalization) செய்ய வேண்டும்.</p> <p><strong>கட்டமைப்பு மற்றும் சந்தை வாய்ப்புகள்:</strong><br /> மாவட்ட அளவில் &#39;பிளக் அண்ட் பிளே&#39; (Plug-and-Play) மைக்ரோ தொழில் பூங்காக்கள், பொதுத் தேர்வுக் கூடங்கள் மற்றும் கிடங்குகளை அமைக்க வேண்டும்.</p> <p>அரசு கொள்முதலில் குறைந்தபட்சம் 30% மைக்ரோ தொழில்களிடமிருந்து பெறுவதை உறுதி செய்ய வேண்டும்.</p> <p>மைக்ரோ அலகுகளுக்கான மின்சார நிலைச் சுமை மற்றும் பீக்-ஆவர் (Peak-hour) அபராதங்களைக் குறைக்க வேண்டும்.</p> <p><strong>சமூகப் பாதுகாப்பு மற்றும் வேலைவாய்ப்பு:</strong><br /> புதிய வேலைவாய்ப்புகளை உருவாக்கும் மைக்ரோ நிறுவனங்களுக்கு, முதல் 3 ஆண்டுகளுக்கு இபிஎஃப் (EPF) மற்றும் இஎஸ்ஐ (ESI) பங்களிப்பை அரசே ஏற்க வேண்டும்.</p> <p>சுயதொழில் முனைவோருக்கு ஓய்வூதியம், சுகாதாரக் காப்பீடு மற்றும் விபத்துக் காப்பீடு வழங்கப்பட வேண்டும்.</p> <p><strong>உலகளாவிய பொருளாதார அதிர்வுகள்:</strong><br /> சர்வதேசப் பொருளாதார மாற்றங்களால் பாதிக்கப்படும் ஏற்றுமதியாளர்களுக்கு &#39;ஏற்றுமதி அபாயச் சமன்படுத்தும் நிதி&#39; (Export Risk Equalisation Fund) போன்ற பாதுகாப்புத் திட்டங்களை உருவாக்க வேண்டும்.</p> <p>&quot;மைக்ரோ தொழில்கள் நாட்டின் உற்பத்தி மற்றும் வேலைவாய்ப்பின் அடித்தளம். இவை பலவீனமடைந்தால் உள்நாட்டுப் பொருளாதாரத்திற்கு ஈடு செய்ய முடியாத இழப்பு ஏற்படும். எனவே, 2026-27 பட்ஜெட்டில் இந்தத் துறையினரை வெறும் &#39;பிந்தைய சிந்தனையாக&#39; (Afterthought) கருதாமல், பொருளாதாரக் கட்டமைப்பாகக் கருத வேண்டும்&quot; என கே.இ. ரகுநாதன் தனது மனுவில் குறிப்பிட்டுள்ளார்.</p>