ஆருத்ரா கோல்டு மோசடி 15 இடங்களில் அமலாக்கத் துறை சோதனை
26 Nov 2025, 3:40 pm
<p><strong>ஆருத்ரா கோல்டு மோசடி 15 இடங்களில் அமலாக்கத் துறை சோதனை</strong></p>
<p>சென்னை: ஆருத்ரா கோல்டு நிறுவன மோசடி தொடர்பாக சென்னை, காஞ்சிபுரம் உள்ளிட்ட 15 இடங்க ளில் அமலாக்கத் துறையினர் திடீர் சோதனை மேற் கொண்டு வருகின்றனர். சென்னை அமைந்தகரையில் செயல்பட்டு வந்த ஆருத்ரா கோல்டு நிறுவனம் அதிக வட்டி தருவதாக கூறி சுமார் ஒரு லட்சம் முதலீட்டாளர்களிடம் ரூ.2,438 கோடி வரை வசூலித்து மோசடி செய்ததாக புகார் எழுந்தது. இந்த குற்றச்சாட்டு தொடர்பாக பொருளாதார குற்றப்பிரிவு வழக்குப் பதிந்து விசாரணை நடத்தி வருகிறது. கடந்த 2020 - 2022 ஆம் ஆண்டுகளில் இந்த மோசடி நடைபெற்றுள்ளது. இதுதொடர்பாக பொருளாதார குற்றப் பிரிவு போலீசார், ஆருத்ரா நிதி நிறுவனத்துடன் தொடர் புடைய பாஸ்கர், மோகன்குமார், செந்தில் குமார், மைக்கேல் ராஜ், ஹரி, கூடுதல் இயக்குநர்களான மாலதி, செந்தாமரை, நாகராஜ், பேச்சிமுத்துராஜா, உதயகுமார், அசோக்குமார் ராஜா உள்ளிட்டோரும், அந்நிறுவனத்தின் உரிமையாளர்களில் ஒருவரான ராஜசேகர் என்பவரை யும் துபாயில் கைது செய்துள்ளனர். மோசடி செய்த பணம் சட்டவிரோத பணப்பரிமாற்றம் மூலம் வெளிநாட்டில் முதலீடு செய்யப்பட்டதாக அமலாக்கத் துறை அதிகாரிகள் மேற்கொண்ட விசாரணையில் தகவல் தெரிய வந்துள்ளது. வேளச்சேரி அருகே உள்ள மடிப்பாக் கத்தில் ஆருத்ரா கோல்டு நிறுவனத்தின் இயக்குநர் களில் ஒருவரான மோகன்பாபுவின் வீட்டிலும் சோதனை நடைபெற்றது.</p>