அரசமைப்புச் சட்டத்தைச் சிதைத்து, குடியரசை மாற்றியமைத்திட மேற்கொள்ளப்படும் முயற்சிகள்

<p><strong>அரசமைப்புச் சட்டத்தைச் சிதைத்து, குடியரசை மாற்றியமைத்திட மேற்கொள்ளப்படும் முயற்சிகள்</strong></p><p>இந்திய ஜனநாயகத்தின் தன்மை, சுதந்திரப் போராட்டத்தின்போது செதுக்கப்பட்ட மற்றும் பக்குவமடைந்த கொள்கைகளின் அடிப்படையில் நிறுவப்பட்டது. எனவே, அரசியல் நிர்ணய சபை ஏறக்குறைய மூன்று ஆண்டுகள்நீடித்தநீண்ட விவாதங்களுக்குப் பின்னரே அரசமைப்புச் சட்டத்தை உருவாக்கியது என்பது தற்செயலான நிகழ்வு அல்ல.உலகின் பிற பகுதிகளில் உள்ள ஜனநாயகங்களால் கடைப்பிடிக்கப்பட்ட சிலஉலகளாவிய கொள்கைகளை ஏற்றுக்கொண்டு, அவற்றை இந்தியச் சூழலுக்கு ஏற்ப மாற்றியமைத்ததன் மூலம் உருவான விழுமியங்கள் மற்றும்கருத்துகளின் நிறுவனமயமாக்கப்பட்ட சாராம்சமேஇதுவாகும். ஆகவே, இந்திய ஜனநாயகமும் அதன்நீட்சியாக இந்திய அரசமைப்புச்சட்டமும் மேற்கத்திய நடைமுறைகளின் நகல் மட்டுமே என்றும், அவை போதுமான அளவு உள்நாட்டுத் தன்மை கொண்டவைஅல்ல என்றும் ஆர்எஸ்எஸ் மற்றும் அதன் அதிகாரப்பூர்வ இதழான ‘ஆர்கனைசர்’ ஆகியவை முன்வைக்கும் வாதங்களுக்கு வரலாறு அல்லதுஉண்மைகளில் எந்த ஆதாரமும் இல்லை.</p><p>அரசமைப்புச்சட்டத்தின் முகப்புரை ‘இந்திய மக்களாகிய நாம்’ என்ற சொற்றொடருடன் தொடங்குவது தற்செயலான நிகழ்வு அல்ல. மிகப்பெரிய மக்கள்தொகையைக் கொண்ட மக்களின் பரந்த மற்றும் செழுமையான பன்முகத்தன்மையை இந்தஅரசமைப்புச்சட்டம் அங்கீகரித்து விளக்குகிறது. இதன் அடிப்படைக் கொள்கைகள் பொருளாதார மற்றும் அரசியல் இறையாண்மை, நாடாளுமன்ற ஜனநாயகம், மதச்சார்பின்மை மற்றும்கூட்டாட்சித் தத்துவம் ஆகியவற்றை உள்ளடக்கியுள்ளன. இருப்பினும், இந்திய ஜனநாயகத்தின் செயல்பாட்டு முறை குறித்து நாட்டிற்குள் மட்டுமல்லாமல் உலகின் பல்வேறு பகுதிகளிலும் சந்தேகங்களும் விமர்சனங்களும் எழுப்பப்படுகின்றன என்பதில் இருவேறு கருத்துகளுக்கு இடமில்லை. ஜனநாயகமும், நமது ஜனநாயகத்தின் அடித்தளமான ‘ஒரு நபர், ஒரு வாக்கு’ என்ற கோட்பாட்டின் நிலையும் தான் கவலைக்குரிய முக்கிய அம்சங்களாக உள்ளன.</p><p><br></p><p><strong>தேர்தல் ஆணையத்தின் சீர்கேடும் வாக்குரிமைப் பறிப்பும்</strong></p><p>இதை உறுதி செய்வதற்கான நடைமுறைகள் உள்ளன. இந்தியத் தேர்தல் ஆணையம் எனும் சுதந்திரமான அமைப்பின் மேற்பார்வையில் நடைபெறும் சுதந்திரமான மற்றும் வெளிப்படையான தேர்தல் செயல்முறை, 18 வயதுக்கு மேற்பட்ட அனைத்துக்குடிமக்களையும் வாக்காளர்களாகச் சேர்ப்பதை உறுதி செய்கிறது. கடந்த காலங்களில் தேர்தல் நடைமுறைகள்குறித்து எந்தவிதமான கருத்து வேறுபாடுகளும் இருந்ததில்லை என்று கூறமுடியாது. இருப்பினும், தேர்தல் முடிவுகளைப் பொறுத்தவரை, பெரிய அளவிலான சர்ச்சைகளோ அல்லதுசவால்களோ எழுந்ததில்லை. ஆனால் இன்று, குறிப்பாக வாக்காளர் பட்டியலைச் சிறப்புத்தீவிர திருத்தச் செயல்முறை என்னும் நடவடிக்கையானது பொதுமக்களின் கண்ணோட்டத்தில் ஒரு பெரும் மாற்றத்தை ஏற்படுத்தியுள்ளது. ஆளும் அரசியல் தரப்பின்கட்சிசார் நலன்களுக்கு ஏற்பச் செயல்படும் வகையில் தேர்தல் ஆணையம் முறைகேடுகளில் ஈடுபட்டதற்கான அப்பட்டமான மற்றும்பரவலான சான்றுகள் இதற்கு முக்கியக் காரணங்களாக அமைந்துள்ளன.</p><p>இந்நாடு உருவானதிலிருந்து முதல் முறையாக, மேற்கு வங்கத்தில் சுமார் 30 லட்சம் மக்களின் வாக்குரிமை தற்காலிகமாகப் பறிக்கப்பட்டுள்ளது. நாட்டின் பிற பகுதிகளில் நடைபெற்று வரும் வாக்காளர் பட்டியல் திருத்தப் பணிகளின் விளைவாக, ஆரம்பகட்டமாக 10 கோடி பேர் வாக்காளர் பட்டியலிலிருந்து நீக்கப்பட்டுள்ளனர். நன்கு வரையறுக்கப்பட்ட விதிமுறைகளும் நடைமுறைகளும் இந்தியத் தேர்தல் ஆணையத்தால் அப்பட்டமாகமீறப்படுவதாகவோ அல்லது புறக்கணிக்கப்படுவதாகவோ பரவலான குற்றச்சாட்டுகள் எழுந்துள்ளன. இப்போக்கின் மிகவும் கவலைக்குரிய அம்சம் என்னவென்றால், மத அடையாளம் சார்ந்த காரணிகள் முடிவுகளையும் செயல்முறைகளையும் பாதிக்கின்றன என்ற குற்றச்சாட்டாகும். பொதுவானமற்றும் சமமான குடியுரிமை என்ற கோட்பாட்டைச் சிதைக்கும் வகையிலான சூழலை உருவாக்கும் முயற்சியில்,ஆளும் கட்சியின் தலைவர்களும் அமைச்சர்களும் மிகத் தீவிரமான வெறுப்புப் பிரச்சாரத்தை மேற்கொண்டு வருகின்றனர். பெரும்பான்மைவாதத்தின் குரல் நாளுக்கு நாள் வலுத்து வருகிறது. இதுவே அரசமைப்புச்சட்டத்தை முழுமையாக நிராகரிப்பதையும் சிதைப்பதையும் குறிப்பதாக அமைகிறது.</p><p><br></p><p><strong>மக்கள் தொகை கணக்கெடுப்புத் தாமதமும் தொகுதி மறுவரையறையும்</strong></p><p>குடிமக்களின் சமத்துவத்தை உறுதி செய்வதில் அரசமைப்புச்சட்ட ரீதியாக வகுக்கப்பட்ட மற்றொரு முக்கிய நடவடிக்கையான ‘பத்தாண்டுகளுக்கு ஒருமுறை நடத்தப்படும் மக்கள் தொகை கணக்கெடுப்பு’முக்கியப் பங்காற்றுகிறது. இது மக்கள் தொகையைஎண்ணுவதோடு, மக்களின் சமூக மற்றும் பொருளாதார வாழ்க்கை அம்சங்கள் குறித்த தகவல்களையும் வெளிப்படுத்துகிறது. வளர்ச்சிச் செயல்முறையைத் திட்டமிடுவதற்கும், சமூக மற்றும் பொருளாதார சமத்துவத்தை நோக்கிய உறுதியான முன்னேற்றத்தை உறுதி செய்வதற்கும் தேவையான முக்கியத்தரவுகளை வழங்குவதோடு மட்டுமல்லாமல், மாநிலங்களுக்கிடையிலான பிரதிநிதித்துவச் சமநிலையையும் இச்செயல்முறை உறுதி செய்கிறது.</p><p>தற்போதைய ஒன்றிய அரசின் பொறுப்பில் உள்ள, அரசமைப்புச்சட்ட ரீதியாகக் கட்டாயமாக்கப்பட்ட இக்கணக்கெடுப்புப் பணி ஏழு ஆண்டுகளாகத் தாமதப்படுத்தப்பட்டுள்ளது. ஆரம்பத்தில், கோவிட்-19 பெருந்தொற்று காரணமாக நிர்ணயிக்கப்பட்ட காலக்கெடுவுக்குள் இதனைத் தொடங்கமுடியவில்லை என்று விளக்கம் அளிக்கப்பட்டது. ஆனால், அதைத் தொடர்ந்து ஏற்பட்டுள்ள ஐந்துஅல்லது ஆறு ஆண்டுகளுக்கும் மேலான தாமதத்திற்கு உரிய விளக்கம் தேவைப்படுகிறது.</p><p>சிறப்புத் தீவிர திருத்தச் செயல்முறையைப் போலவே, மக்கள் தொகை கணக்கெடுப்பு நடவ</p><p>டிக்கையின் ஒரு பகுதியாக உள்ள ‘சுய-மதிப்பீட்டு வினாத்தாளும்’ முந்தைய நடைமுறைகளிலிருந்து தெளிவாகவிலகிச் செயல்படுவது, ஏற்கனவே நிலவும் ஆழ்ந்த சந்தேகத்தை மேலும் வலுப்படுத்துகிறது. வட-தென் பிராந்தியப் பிரிவினையை அடிப்படையாகக் கொண்ட ஒரு விவாதமே இதற்கான உடனடிப் பின்னணியாக உள்ளது. அதாவது,பிரதிநிதித்துவ முறையைத் தீர்மானிப்பதில் மக்கள் தொகையின் முழுமையான எண்ணிக்கையே முக்கியப் பங்காற்ற வேண்டுமா, அல்லது தேசிய மக்கள் தொகை கொள்கையை ஊக்குவிக்கும்வகையிலான வேறு ஏதேனும் வழிமுறை உருவாக்கப்பட வேண்டுமா என்பதே அந்த விவாதம். வட இந்தியாவின் சில மாநிலங்களில் காணப்படும் சீரற்ற மக்கள் தொகை வளர்ச்சிப்போக்கு, இந்த அச்சத்தை மேலும் தீவிரப்படுத்துகிறது. உண்மையில், தேசிய மக்கள் தொகை கொள்கையைச் சிறப்பாகச் செயல்படுத்தும் மாநிலங்களுக்குப்பொருத்தமான ஊக்கத்தொகை அல்லது சலுகைகளை வழங்குவதன் முக்கியத்துவத்தை வலியுறுத்திய எல்.கே. அத்வானி அவர்களே, இக்கேள்வி குறித்து ஒருமித்த கருத்தை உருவாக்க வேண்டும் என்று அழைப்பு விடுத்திருந்தார் என்பது குறிப்பிடத்தக்கது.</p><p>மக்கள் தொகைக் கணக்கெடுப்பின் முக்கியத்துவம், அது தொகுதி மறுவரையறைப் பணியுடன் பிரிக்கமுடியாத வகையில் பிணைக்கப்பட்டுள்ளது என்பதிலும்அடங்கியுள்ளது. உண்மையில், நமது அரசமைப்புச்சட்டத்தின்படி, ஒவ்வொரு தொகுதிமறுவரையறைப் பணிக்கும் முன்பாக, சமீபத்திய மக்கள் தொகைக் கணக்கெடுப்புப் புள்ளிவிவரங்களின் அடிப்படையில் செயல்படும் ஒரு தொகுதி மறுவரையறை ஆணையம் அமைக்கப்படுகிறது. தொகுதி மறுவரையறை என்பது, மாநிலங்களில் உள்ள ஒவ்வொரு நாடாளுமன்ற மற்றும் சட்டமன்றத் தொகுதிக்கும் பரந்த அளவிலான வாக்காளர்சமத்துவத்தை உறுதிசெய்யும் ஒரு பணியாகும். மறைமுகமாக, இது மாநில வாரியாக தொகுதிகளின் சமச்சீரான பங்கீட்டிற்கும் காரணமாக அமைகிறது. வெளிப்படையான மற்றும் பகுத்தறிவு சார்ந்தஇணங்குதல் இல்லாமல், இந்த முழு செயல்முறையும் ஒரு சகோதரப் படுகொலைச் சண்டையாகச் சீரழிந்துவிடும்அபாயம் உள்ளது.</p><p><br></p><p><strong>குடியரசை மறுவடிவமைக்கும் அபாயகரமான போக்கு</strong></p><p>அனைவரையும் உள்ளடக்கிய ஜனநாயகத்திற்காக ஒன்றிணைந்து வாழவும் பாடுபடவும்‘மக்களாகிய நாம்’ என்பதற்கு அரசமைப்புச்சட்டம் மிகுந்த முக்கியத்துவம் அளித்தது என்பது மிகத்தெளிவு. ஆனால், பாகுபாடு மற்றும் விலக்கி வைக்கும் தன்மையைக் கொண்ட நடவடிக்கைகளை ஊக்குவிக்கும்தற்போதைய ஆட்சியின் கீழ், அரசமைப்புச் சட்ட செயல்முறைகளின் போக்கு குடியரசை மறுவடிவமைக்கும்திசையில் அப்பட்டமாகச் சென்று கொண்டிருக்கிறது. துரதிர்ஷ்டவசமாக, மதம், சமூக-பொருளாதார நிலை மற்றும்பாலினம் ஆகியவற்றின் அடிப்படையில் குடிமக்கள்உயர்ந்தவர்கள், தாழ்ந்தவர்கள் அல்லது இல்லாதவர்கள் என்ற அனுமானத்தின் அடிப்படையிலேயே இந்த முழு சிந்தனையும் முன்னெடுக்கப்படுகிறது. மேலும்,இந்திய மக்கள் வெளிநாட்டினர் மற்றும் ஊடுருவல்காரர்களால் ஆக்கிரமிக்கப்பட்டு வருவதாகவும் இது கருதுகிறது.</p><p>இது உலகின் பிற பகுதிகளில் குடியேறிகளுக்கு எதிராக முன்னெடுக்கப்படும் கடுமையான வலதுசாரிப் பிரச்சாரத்தை ஒத்திருக்கிறது. உணவு, உடை, இருப்பிடம், கல்வி, சுகாதாரம் மற்றும் பிற அத்தியாவசிய விவகாரங்கள் என மக்களைப் பாதிக்கும் உண்மையான பிரச்சனைகளிலிருந்து கவனத்தைத்திசைதிருப்ப வேண்டிய அவசரத் தேவையை இப்போக்கு வெளிப்படுத்துகிறது என்பதுதெளிவு. இதற்கான சமிக்ஞைகள் மிகத் தெளிவாகவே உள்ளன. யதார்த்தமற்ற அடித்தளத்தில் இந்தியாவை மறுவடிவமைக்க முயல்வது பேரழிவிற்கான ஓர் ஆபத்தான வழியாகும். ‘ஜென்-இசட்’ (GenZ) மற்றும் ‘ஜென்ஆல்ஃபா’ (Gen Alpha) ஆகியஇளம் தலைமுறையினரின் புதிய குரல்கள் ஏற்கெனவே இது குறித்த எச்சரிக்கையை வெளிப்படுத்திவிட்டன.</p>