தீக்கதிர் முக்கிய செய்திகள்

<p><strong>எடப்பாடியின் &lsquo;துரோக&rsquo; டைரி &ldquo;</strong></p> <p>ராஜ்யசபா சீட் தருவதாக எடப்பாடி ஏமாற்றிவிட்டார்&rdquo; என்று தேமுதிக பொதுச்செயலாளர் பிரேமலதா ஆதாரம் காட்டிப் பேசி வருகிறார். ஆனால், எடப்பாடி தரப்போ இதையெல்லாம் ஒரு பொருட்டாகவே மதிக்கவில்லை. என்னை முதல்வராக்கிய சசிகலா, ஆட்சியைக் காப்பாற்றிய ஓபிஎஸ், கூடவே இருந்த செம்மலை ஆகியோருக்கே &lsquo;டிமிக்கி&rsquo; கொடுத்தவன் நான்; இதில் நீங்கள் எம்மாத்திரம்?&rdquo; என்பதுதான் எடப்பாடியின் மைண்ட் வாய்ஸ். துரோக வரலாற்றில் பிஹெச்டி (PhD) முடித்தவர்களிடம் போய், நியாயம் கேட்க முடியுமா?</p> <p><strong>சமூக ஊடகப் புலிகள் கவனிப்பார்களா? </strong>&ldquo;</p> <p>எங்கள் கட்சி வேட்பாளர்களின் குற்றப்பின்னணியை தைரிய மாக வெளியிட்டுள்ளது, இது போன்ற வெளிப்படைத்தன்மை எங்கே இருக்கிறது?&rdquo; என்று சமூக வலைதளங்களில் சிலர் ஆர்ப்பரிக்கிறார்கள். வேட்பாளர்களின் குற்றப்பின்னணியை வெளியிட வேண்டும் என்பது தேர்தல் சட்டத்தின் கட்டாயம். இதை அனைத்துக் கட்சிகளும் செய்தே ஆக வேண்டும். சட்டப் படி செய்ய வேண்டிய ஒரு விஷயத்தைத் தங்களது &lsquo;துணிச்சலான சாதனை&rsquo; என்று கூவுவது, அடிப்படை சட்ட அறிவே இல்லாததைக் காட்டுகிறது. சொன்னால் கோபம் மட்டும் வருகிறது!</p> <p><strong>செங்கோட்டையனின் &lsquo;மெடிக்கல்&rsquo; மிராக்கிள்!</strong></p> <p>த.வெ.க வேட்பாளர் சத்யநாதன் &ldquo;2034 தொகுதிகளிலும் வெற்றி பெறுவோம்&rdquo; என்று ஏதோ ஒரு கணக்கில் பேச, அவரை மிஞ்சும் வகையில் செங்கோட்டையன் ஒரு மருத்துவக் குறிப்பை வெளியிட்டுள்ளார். &ldquo;விசில் அடித்தால் குழந்தைகளுக்குச் சளி குணமாகும், பெரியவர்களுக்கு இதயம் பம்ப் ஆகும்&rdquo; என்று செங்கோட்டையன் அடித்து விட்டுள்ளார். போதாக்குறைக்கு த.வெ.க வேட்பாளரோ இல்லாத 2000 தொகுதிகளைப் பிடிக்கக் கிளம்பியுள்ளார். இவர்களின் பொது அறிவைப் பார்த்தால், தேர்தல் ஆணையம் இவர்களுக்கு ஒரு தனிப் பாடமே நடத்த வேண்டும் போலிருக்கிறது!</p>