ஏலம் போகும் ஜனநாயகம்! லாட்டரி மாஃபியாவும், கார்ப்பரேட் நிழலில் ஆடும் கட்சிகளும்!

<p><strong>ஏலம் போகும் ஜனநாயகம்! லாட்டரி மாஃபியாவும், கார்ப்பரேட் நிழலில் ஆடும் கட்சிகளும்!</strong></p> <p>இந்தியத் தேர்தல் ஜனநாயகம் இன்று உழைக்கும் மக்களின் கைகளிலிருந்து நழுவி, பெரும் முதலாளிகளின் பணப் பெட்டிகளுக்குள் அடகு வைக்கப்படுவதைச் சான்டியாகோ மார்ட்டின் குடும்பத்தின் நகர்வுகள் அப்பட்டமாக நிரூபிக்கின்றன. இது ஒரு தனிநபரின் வளர்ச்சியல்ல; ஒட்டுமொத்த அமைப்பின் வீழ்ச்சி. உழைப்பின் சுரண்டலும் &lsquo;அதிர்ஷ்ட&rsquo; மாயையும் சாதாரணத் தொழிலாளியாகத் தொடங்கி இன்று பல்லாயிரம் கோடிக்கு அதிபதியாக மார்ட்டின் உயர்ந்திருப்பது உழைப்பால் அல்ல; ஏழை மக்களின் &ldquo;வாழ்வு மாறிவிடாதா?&rdquo; என்ற நப்பாசையைச் சுரண்டும் லாட்டரி தொழிலால்தான். இடதுசாரிப் பார்வையில், லாட்டரி என்பது உழைக்கும் வர்க்கத்தின் மீதான &ldquo;மறைமுக வரி&rdquo;. மக்களின் சேமிப்பை உறிஞ்சி எடுக்கப்படும் &nbsp;பணம், இன்று அரசியல் அதிகாரத்தை விலை பேசப் பயன்படுத்தப்படுவது வரலாற்று முரண். தேர்தல் பத்திரங்கள் - &nbsp;ஊழலுக்குச் சட்ட அங்கீகாரம் மார்ட்டினின் &lsquo;ஃபியூச்சர் கேமிங்&rsquo; நிறுவனம் மட்டும் &nbsp;₹1,368 கோடிக்குத் தேர்தல் பத்திரங்களை வாங்கியுள்ளது. ஒருபுறம் அமலாக்கத்துறை விசாரணை, மறுபுறம் ஆளும் பா.ஜ.க-விற்குப் பலகோடி &ldquo;நன்கொடை&rdquo;. இது ஒரு வணிகப் பரிமாற்றமல்ல; வழக்குகளிலிருந்து தப்பிக்க வழங்கப்படும் &ldquo;பாதுகாப்புக் கட்டணம்&rdquo;. விலைக்கு வாங்கப்படும் சின்னங்கள் அதிமுகவில் லீமா ரோஸ், புதுச்சேரியில் ஜோஸ் சார்லஸ் மார்ட்டின், தவெக-வில் ஆதவ் அர்ஜுனா என மார்ட்டின் குடும்பத்தின் ஊடுருவல் ஜனநாயகத்தின் மீதான நேரடித் தாக்குதல். கொள்கைகளை விடப் பணமே பிரதானம் என்பதை இது உறுதிப்படுத்துகிறது. ஆண்டுக்கு ரூ.5,000 கோடி ஜிஎஸ்டி செலுத்துவதை ஒரு மிரட்டல் கவசமாக மார்ட்டின் குழுமம் பயன்படுத்துகிறது.பண பலத்தால் வேட்பாளர்களை முடிவு செய்யும் கட்சிகள், ஒருபோதும் ஏழை மக்களின் தேவையைப் பூர்த்தி செய்யப்போவதில்லை. இத்தகைய கார்ப்பரேட் பிணைகளிலிருந்து அரசியல் விடுபடாவிட்டால், சாமானியனின் குரல் ஒருபோதும் ஒலிக்காது. - விஜி</p>