தவணை பணம் செலுத்தியவர்களுக்கு வீட்டுமனை கிரையம் செய்து தர சிபிஎம் மனு

<p><strong>தவணை பணம் செலுத்தியவர்களுக்கு வீட்டுமனை கிரையம் செய்து தர சிபிஎம் மனு</strong></p><p>திருப்பூர், அக்.12 –பணத்தை பெற்றுக்கொண்டு கிரையம் செய்து கொடுக்காமல் அலைகழிக்கும் நபரின் மீது நடவடிக்கை எடுத்து வீட்டுமனை கிரையம் செய்து தர வேண்டும் என மார்க்சிஸ்ட் கட்சியினர் ஆட்சியரிடம் மனு அளித்தனர்.</p><p>திருப்பூர் முதலிபாளையம் ஊராட்சி செந்தில் நகர் பகுதியில் 2016 முதல் 120 குடும்பங்கள் தவணை திட்டத்தில் வீடு வாங்கி வசித்து வருகிறார்கள். ரூ. 2 லட்சம் முதல் 5 லட்சம் வரை பணம் செலுத்தி உள்ளனர். பணம் பெற்றுக் கொண்டு பாலகிருஷ்ணன் என்பவர்</p><p>பத்திர பதிவில்லாத கிரைய அக்ரிமென்ட் கொடுத்துள்ளார். பின்னர், மீதம் பணம் செலுத்தினால் கிரையம் செய்து கொடுப்பதாக கூறி விட்டு ஒருவருக்கும் கிரையம் செய்து தரவில்லை. </p><p>ஒவ்வொரு முறை சென்று கேட்கும்போதும் கூடுதல் பணம் கேட்டு கிரையம் செய்து கொடுக்காமல் காலம் தாழ்த்துகிறார். மக்களுக்கு உடனடியாக கிரையம் செய்து கொடுக்க மாவட்ட ஆட்சியர் நடவடிக்கை எடுக்க வலியுறுத்தி மனு கொடுக்கப்பட்டது. </p><p>பொதுமக்களுடன் மார்க்சிஸ்ட் கம்யூனிஸ்ட் கட்சி மாநகர 3 வது மண்டல செயலாளர் த. ஜெயபால், மண்டல கமிட்டி உறுப்பினர்கள் எம். மகேஷ், ஏ.செல்வன், ஹவுசிங் யூனிட் குமரேசன், நெசவாளர் காலனி மணி உள்ளிட்டோர் பங்கேற்றனர்.</p>