மானாமதுரை விசாரணைக் கைதி ஆகாஷ் லாக்-அப் படுகொலை காவலர்கள் மீது கொலை வழக்குப் பதிய சிபிஎம் வலியுறுத்தல்!

<p><strong>மானாமதுரை விசாரணைக் கைதி ஆகாஷ் லாக்-அப் படுகொலை &nbsp;காவலர்கள் மீது கொலை வழக்குப் பதிய சிபிஎம் வலியுறுத்தல்!</strong></p> <p>மானாமதுரை, சென்னை, மார்ச் 8 - மானாமதுரை காவல் நிலையத்தில் விசாரணைக்காக அழைத்துச் செல்லப்பட்ட பட்டியலின இளைஞர் ஆகாஷ் (26) சித்திர வதை செய்யப்பட்டுப் படுகொலை செய்யப் பட்ட சம்பவத்திற்கு மார்க்சிஸ்ட் கம்யூனிஸ்ட் &nbsp;கட்சி கடும் கண்டனம் தெரிவித்துள்ளது. சம்பந்தப்பட்ட காவலர்கள் மீது உடனடி யாகக் கொலை வழக்குப் பதிவு செய்து அவர்களைக் கைது செய்ய வேண்டும் என &nbsp;கட்சியின் மாநிலச் செயலாளர் பெ. சண்முகம் &nbsp;வலியுறுத்தியுள்ளார். சம்பவப் பின்னணி சிவகங்கை மாவட்டம் மானாமதுரை கிருஷ்ணராஜபுரத்தைச் சேர்ந்த ஆகாஷ் மற்றும் அவரது நண்பர்களுக்கும், அதே பகுதியைச் சேர்ந்த வேறு சிலருக்கும் இடையே கடந்த மார்ச் 5 அன்று தகராறு ஏற்பட்டுள்ளது. இதில் காயமடைந்தவர்கள் அரசு மருத்துவமனையில் சிகிச்சை பெற்று வரும் நிலையில், இது தொடர்பாக மார்ச் 6 &nbsp;அன்று மதியம் ஆகாஷ் உள்ளிட்ட ஐந்து பேரை மானாமதுரை காவல்துறையினர் கைது &nbsp;செய்தனர். ஆனால், அவர்களை எங்கு &nbsp;வைத்துள்ளனர் என்ற விவரத்தைப் பெற்றோ ரிடம் தெரிவிக்காமல் ரகசியமாக வைத்துள்ளனர். கொடூரச் சித்திரவதையும் மரணமும் இந்நிலையில், மார்ச் 7 அன்று இரவு &nbsp;ஆகாஷ் மதுரை அரசு ராஜாஜி மருத்துவ மனையில் அனுமதிக்கப்பட்டிருப்பதாகக் காவல்துறை தகவல் அளித்துள்ளது. &nbsp;பதறியடித்துச் சென்ற பெற்றோர் ஆகாஷைப் &nbsp;பார்த்தபோது, அவரது கால் முறிக்கப்பட்டிருந் தது. &ldquo;காவலர்கள் தனது காலின் மீது பெரிய கல்லைப் போட்டு உடைத்துவிட்டதாக&rdquo; ஆகாஷ் தனது பெற்றோரிடம் கண்ணீருடன் &nbsp;தெரிவித்துள்ளார். மகனுக்கு உணவு எடுத்து &nbsp;வரப் பெற்றோர் வீட்டிற்குச் சென்ற நிலையில், &nbsp;மார்ச் 8 காலை ஆகாஷ் உயிரிழந்துவிட்ட தாகத் அதிர்ச்சித் தகவல் தெரிவிக்கப்பட்டது. அவருடன் கைது செய்யப்பட்ட மற்ற நான்கு &nbsp;பேரும் இராமநாதபுரம் சிறையில் அடைக்கப் பட்டுள்ளனர். சிபிஎம் கண்டனம் இதுகுறித்து மார்க்சிஸ்ட் கம்யூனிஸ்ட் கட்சியின் மாநிலச் செயற்குழு சார்பில் மாநிலச் செயலாளர் பெ. சண்முகம் விடுத்து உள்ள அறிக்கையில், &ldquo;ஆகாஷ் படுகொலை &nbsp;செய்யப்படுவதற்கு முன்பாக மிகக் கடுமை யான சித்திரவதைக்கு உள்ளாக்கப்பட்டு இருக்கிறார் என்பது அவரது கால் உடைந்ததி லிருந்து உறுதியாகிறது. காவல்துறையின் இத்தகைய அராஜக நடவடிக்கைகள் தொ டர்வது கண்டிக்கத்தக்கது. மனித உரிமைக்கு &nbsp;எதிரான இக்குற்றச் செயலில் ஈடுபட்ட அனைத்துக் காவல்துறையினர் மீதும் கொலை வழக்குப் பதிவு செய்து கைது செய்ய &nbsp;வேண்டும். மேலும், ஆகாஷ் குடும்பத்திற்கு வன்கொடுமைத் தடுப்புச் சட்டத்தின் கீழ் அரசு வேலை உள்ளிட்ட நிவாரண உதவி களை வழங்க வேண்டும்&rdquo; எனத் தெரிவித் துள்ளார். நெடுஞ்சாலை மறியல் போராட்டம் இப்படுகொலையைக் கண்டித்து ஆகா ஷின் உறவினர்கள், மார்க்சிஸ்ட் கம்யூனிஸ்ட் &nbsp;கட்சியினர் மற்றும் தீண்டாமை ஒழிப்பு முன்னணியினர் மார்ச் 8 காலை 9 மணி &nbsp;முதல் மதுரை - இராமேஸ்வரம் நெடுஞ்சாலை யில் தொடர் மறியல் போராட்டத்தில் ஈடுபட்டு &nbsp;வருகின்றனர். தமிழக அரசும், மாவட்டக் காவல்துறையும் உரிய நடவடிக்கை எடுக்கத் &nbsp;தவறியதால் போராட்டம் தீவிரமடைந்து உள்ளது. இப்போராட்டத்தில் சிபிஎம் மாநிலச் செயற் குழு உறுப்பினர் கே. சாமுவேல்ராஜ், தீண்டாமை ஒழிப்பு முன்னணி மாநிலத் தலை வர் த. செல்லக்கண்ணு, சிபிஎம் மாநிலக் குழு உறுப்பினர் எஸ்.கே.பொன்னுத்தாய், மதுரை புறநகர் மாவட்டச் செயலாளர் கே. &nbsp;ராஜேந்திரன், சிவகங்கை மாவட்டச் செயலா ளர் ஏ.ஆர். மோகன், மாவட்ட செயற்குழு உறுப்பினர் கே.வீரபாண்டி, விஜயகுமார், தீஒமு தலைவர்கள் எஸ். முத்துராமலிங்க பூபதி, வி. கருப்புசாமி, வீரையா, முனியராஜ், &nbsp;பரமாத்மான் உள்ளிட்ட திரளானோர் பங்கேற்றுள்ளனர்.</p>