இரட்டை இலக்க இடங்களில் போட்டியிடுவதே சிபிஎம் விருப்பம்

<p><strong>இரட்டை இலக்க இடங்களில் போட்டியிடுவதே சிபிஎம் விருப்பம்</strong></p> <p>சிபிஎம் மாநிலச் செயலாளர் பெ.சண்முகம் பேட்டி சென்னை, மார்ச் 14 - &ldquo;2026 சட்டமன்றத் தேர்த லில், இரட்டை இலக்க எண் ணிக்கையிலான இடங்களில் போட்டியிடுவதே மார்க்சிஸ்ட் கம்யூனிஸ்ட் கட்சியின் விருப் பம்&rdquo; என்று மார்க்சிஸ்ட் கம்யூ னிஸ்ட் கட்சியின் மாநிலச் செயலாளர் பெ. சண்முகம் கூறியுள்ளார். சென்னை கன்னிமாரா நூலக வளாகத்தில் பெ. சண்முகம் செய்தியாளர்களுக்குப் பேட்டி யளித்தார். &nbsp;நெருக்கடியை மோடி அரசு &nbsp;மூடி மறைக்க முயல்கிறது! அப்போது, &ldquo;அமெரிக்காவும், இஸ்ரேலும் ஈரான் மீது தொடுத்துள்ள போரின் காரணமாக மனிதகுலம் கடுமையான நெருக்கடிக்கு உள்ளாகி உள்ளது; இந்தியாவில் எரிவாயு சிலிண்டர் கிடைக்காமல் மக்கள் பலவிதமான பாதிப்புகளை மக்கள் எதிர்கொண்டுள்ளனர். ஆனால், ஒன்றிய பாஜக அரசு இந்த நெருக் கடிக்கு தீர்வு காணாமல் பிரச்சனையை மூடி மறைக்கிறது&rdquo; என்று குற்றம் சாட்டினார். &ldquo;நாடு முழுவதும் எரிவாயு சிலிண்டர் பதிவு &nbsp;செய்வதற்கான அனைத்து நிறுவனங்களின் தொலைபேசி எண்களும் நிறுத்தி வைக்கப்பட்டு உள்ளன. அநேகமாக அந்த எண்கள் செத்து விட்டன. இந்த உண்மையை மூடி மறைத்து பொய்ப் பிரச்சாரம் செய்கின்றனர்&rdquo; என்றும் சாடினார். &ldquo;ஒன்றிய அரசின் இந்த அலட்சியத்தைக் கண்டித்தும், எரிவாயு தட்டுப்பாட்டை போக்க &nbsp;நடவடிக்கை எடுக்க வேண்டும், யுத்தத்தை நிறுத்த இந்திய அரசு அரசியல் செல்வாக்கை &nbsp;பயன்படுத்த வேண்டும், போரினால் ஏற்பட்டு உள்ள பாதிப்புகளில் இருந்து மக்களை பாது காக்க நடவடிக்கை எடுக்க வேண்டும் என வலி யுறுத்தி ஞாயிறன்று (மார்ச் 15) தமிழ்நாடு முழு வதும் மதச்சார்பற்ற முற்போக்கு கூட்டணி சார்பில் &nbsp;நடைபெறும் ஆர்ப்பாட்டத்தில் மார்க்சிஸ்ட் கட்சி &nbsp;முழுமையாக பங்கேற்கும்&rdquo; என்றும் தெரி வித்தார். மேலும், செய்தியாளர்களின் கேள்வி களுக்கு பதிலளித்த அவர், &ldquo;மார்ச் 14 திமுக-வுடன் தொகுதிப் பங்கீட்டுப் பேச்சுவார்த்தை நடத்த தீர்மானிக்கப்பட்டிருந்தது. மார்ச் 15 ஆர்ப்பாட்டம் அறிவிக்கப்பட்டு உள்ளதால், அதற்கான தயாரிப்பு பணிகளில் அனைத்து &nbsp;கட்சியினரும் ஈடுபட்டுள்ளனர். பேச்சுவார்த்தைக் &nbsp;குழுவில் உள்ள அமைச்சர்களும் அவரவர் மாவட்டத்தில் பணியாற்ற வேண்டி உள்ளது. &nbsp;எனவே, ஆர்ப்பாட்டத்திற்கு பிறகு பேச்சு வார்த்தை நடைபெறும்&rdquo; என்றார். எங்களின் விருப்பத்தைத் தெரிவித்துள்ளோம்! &ldquo;மார்க்சிஸ்ட் கம்யூனிஸ்ட் கட்சி இரட்டை இலக்கத்தில் போட்டியிட வேண்டும் என்பதை &nbsp;பேச்சுவார்த்தைக் குழுவிடம் தெரிவித்துள் ளோம். கூட்டணிக்குள் புதிய கட்சிகள் வந்துள்ள தால் நீங்கள் எதிர்பார்க்கும் தொகுதிகளை தரு வதில் சிரமம் என்பதை சொன்னார்கள். இருந்தாலும், இதே சிரமத்திற்கு மத்தியில்தான் &nbsp;காங்கிரஸ் கட்சிக்கு கூடுதல் தொகுதி வழங்கப் பட்டுள்ளது. தேமுதிக-விற்கு கூடுதலாக இடங்கள் &nbsp;வழங்கப்படும் என்பதை ஊடகங்கள் வெளிப் படுத்தி வருகின்றன. ஆகவே, அவர்களுக்கெல்லாம் கூடுதலாக &nbsp;தர வாய்ப்பு உள்ளபோது, இடதுசாரிகளுக்கு தர முடியாது என்று சொல்வதில் எந்தவித மான நியாயமும் இல்லை&rdquo; என்ற பெ. சண் முகம், எனவே, &ldquo;கடந்த முறையை விட கூடுத லான தொகுதிகளில் போட்டியிட வேண்டும் என் பது தான் எங்களது முடிவு என்பதை பேச்சு வார்த்தைக் குழுவிடம் தெரிவித்துள்ளோம். திமுக தலைவரிடம் கலந்து பேசி தெரிவிப்ப தாக பேச்சுவார்த்தைக்குழு கூறியுள்ளது&rdquo; என்றும் பெ. சண்முகம் தெரிவித்தார். குறைந்த தொகுதிகளே ஒதுக்கப்படும் என்ற சூழல் வந்தால் என்ன முடிவெடுக்கப்படும் என்ற கேள்விக்கு, &ldquo;அதுபோன்ற நிலை வந்தால் கட்சியின் மாநிலக்குழு கூடி உரிய முடிவை எடுக்கும். மதவாத சக்திகளை எதிர்த்துப் போராடுவது எவ்வளவு முக்கியமோ, அதே அளவிற்கு மார்க்சிஸ்ட் கம்யூனிஸ்ட் கட்சியின் பலத்திற்கேற்ப தொகுதிகளைப் பெறு வதும் முக்கியம். கட்சியின் நலனும் முக்கியம். &nbsp;எனவே கட்சியின் பலத்திற்கு ஏற்ப தொகுதி களைப் பெறுவதற்கு எல்லா முயற்சிகளையும் எடுப்போம்&rdquo; என்று பெ. சண்முகம் குறிப்பிட்டார்.</p>