‘சரியான அரசியலுக்கான இயக்கம்’

<p><strong>‘சரியான அரசியலுக்கான இயக்கம்’</strong></p><p>மும்பைமகாராஷ்டிராவில் சரியான அரசியலுக்கான இயக்கத்தை (Movement for Clean Politics)மார்க்சிஸ்ட் கம்யூனிஸ்ட் கட்சி துவங்கியுள்ளது. பீட் மாவட்டத்தின் பரலி, வர்தா மாவட்டத்தின் வர்தாவி ஆகிய இடங்களில் இருபெரும் மாநாடுகள் நடத்தப்பட்டன. இந்தஇரு மாநாடுகளிலும் தலா 1,000-க்கும் மேற்பட்ட தோழர்கள் பங்கேற்றனர். </p><p>அரசியல் கட்சிகளை உடைப்பது, எதிர்க்கட்சிஎம்.பி.,க்கள் மற்றும் எம்எல்ஏக்களை விலைக்கு வாங்குவது, மற்றும் ஒருதலைப்பட்சமான வாக்காளர் பட்டியல் சீர்திருத்தம்,தொகுதி மறுவரையறை போன்ற நடவடிக்கைகளைத் திணிக்க அரசு அமைப்புகளை தவறாகப் பயன்படுத்துவது உள்ளிட்டஆர்எஸ்எஸ்-பாஜகவின் ஊழல் மற்றும்ஒழுக்கக்கேடான அரசியலை மார்க்சிஸ்ட்கம்யூனிஸ்ட் கட்சியின் மகாராஷ்டிர மாநிலக்குழு அம்மாநாட்டின் வாயிலாக கடுமையாகக் கண்டித்துள்ளது.</p><p>மேலும், ஒன்றியம் மற்றும் மாநிலங்களில்ஆட்சி அதிகாரத்தில் உள்ள ஆர்எஸ்எஸ்-பாஜக அரசுகளின் மக்கள் விரோத, கார்ப்பரேட்ஆதரவு, மதவாத மற்றும் சாதிய வாதக்கொள்கைகளையும், அயோத்தி ராமர்கோவிலில் ராமர் பக்தர்கள் செலுத்தியகோடிக்கணக்கான ரூபாய் காணிக்கைகளை ஆர்எஸ்எஸ் அமைப்பினர் வெட்கமின்றி கொள்ளையடித்ததையும் கடுமையாக விமர்சித்துள்ளனர்.</p><p>இம்மாநாடுகளில் அரசியல் தலைமைக்குழு உறுப்பினர்கள் அசோக் தாவ்லே, மரியம் தாவ்லே, மகாராஷ்டிரா மாநிலச்செயலாளர் அஜித் நவாலே, மத்தியக்குழு உறுப்பினர் வினோத் நிகோலே உள்ளிட்ட தலைவர்கள் மாநாட்டில்பங்கேற்றனர். </p><p>மகாராஷ்டிராவில் ‘இந்தியா’ (INDIA)அணியில் நிலவும் குழப்பங்களைக் கருத்தில் கொண்டு, மாநிலம் முழுவதும்சிபிஐ(எம்) இந்த சுய அரசியல் மற்றும் அமைப்பு பலத்தைப் பலப்படுத்த இம்மாநாடுகளில் அறைகூவல் விடுக்கப்பட்டுள்ளது. இந்த ‘சரியான அரசியலுக்கான இயக்கம்’தற்போது மாநிலம் முழுவதும் முன்னெடுக்கப்பட உள்ளன.</p><p><br></p>