குற்றாலம் மேல வெண்ணமடை குளத்தில் படகு சவாரி துவக்கம்

<p><strong>குற்றாலம் மேல வெண்ணமடை குளத்தில் படகு சவாரி துவக்கம்</strong></p><p>தென்காசி, ஆக.09-தென்காசி மாவட்டம், குற்றாலத்திலிருந்து ஐந்தருவி செல்லும் சாலையில் அமைந்துள்ள மேல வெண்ணமடை குளத்தில் படகு சவாரி ஆகஸ்ட் 8 அன்று தொடங்கியது. இதனை மாவட்ட வருவாய் அலுவலர் மா.வீராசாமி கொடியசைத்து துவக்கி வைத்தார்.</p><p>பின்னர் அவர் கூறுகையில், தென் தமிழகத்தின் சிறந்த சுற்றுலா தலமாக விளங்கும் குற்றாலத்திற்கு அருவிகளில் குளிப்பதற்காக தமிழகம் மட்டுமின்றி பிற மாநிலங்கள் மற்றும் வெளிநாடுகளில் இருந்தும் </p><p>ஆண்டுதோறும் லட்சக்கணக்கான சுற்றுலா பயணிகள் வருகை தருகின்றனர். சுற்றுலா பயணிகளை மகிழ்</p><p>விக்கும் வகையில் மாவட்ட நிர்வாகம் மற்றும் சுற்றுலாத்</p><p>துறை சார்பில் பல்வேறு பொழுதுபோக்கு வசதிகள்ஏற்படுத்தப்பட்டு வருகின்றன.அதன் ஒரு பகுதியாக ஆண்டுதோறும் குற்றாலத்தில் சாரல் திருவிழா நடத்தப்பட்டுவருகிறது. வழக்கமாக </p><p>சாரல் திருவிழா தொடங்கிய சில நாட்களில் படகு சவாரியும் தொடங்கப்படும். ஆனால், இந்த ஆண்டு பருவமழை பொய்த்துப் போனதால் சாரல் திருவிழா நிறைவடைந்த பின்னர் தற்போது படகு சவாரி தொடங்கப்பட்டுஉள்ளது.</p><p>குற்றாலம் – ஐந்தருவி சாலையில் உள்ள மேல வெண்ணமடை குளத்தில் அமைக்கப்பட்டுள்ள படகு </p><p>குழாமில் இரண்டு நபர்மிதி படகிற்கு 30 நிமிடங்களுக்கு ரூ.200, நான்கு நபர் மிதி படகிற்கு 30 நிமிடங்களுக்கு ரூ.300 கடணம் நிர்ணயம் செய்யப்பட்டுஉள்ளது.</p><p>படகு சவாரி தினமும் காலை 8 மணி முதல் மாலை 4 மணி வரை நடைபெறும். படகு சவாரி செய்யும் சுற்றுலா பயணிகள் அனைவரும் கட்டாயம் பாதுகாப்புகவசம் அணிந்து சவாரி செய்ய வேண்டும் என மாவட்ட நிர்வாகம் சார்பில் கேட்டுக்கொள்ளப்படுகிறது என்றுதெரிவித்தார்.</p><p>இந்நிகழ்ச்சியில் மாவட்ட சுற்றுலா அலுவலர் ந.நித்திய கல்யாணி, தமிழ்நாடு சுற்றுலா வளர்ச்சிக் கழக </p><p>மண்டல மேலாளர் ஜோமேக்ஸ், அரசு அலுவலர்கள், பொதுமக்கள் உள்ளிட்டோர் கலந்து கொண்டனர்.</p>