கிறிஸ்துவ மதத்திற்கு மாறினால் பட்டியலின சாதி(SC) பிரிவின் கீழ் வரமுடியாது : உச்சநீதிமன்றம் தீர்ப்பு

<p>இந்து, சீக்கியம் மற்றும் பெளத்தம் மதத்தை சேர்ந்தவர்கள் மட்டுமே பட்டியல் சாதி(SC) பிரிவின் கீழ் வருவார்கள் என உச்சநீதிமன்றம் வழங்கியுள்ள தீர்ப்பு சர்ச்சையை கிளப்பியுள்ளது.<br /> இந்து, சீக்கியம் மற்றும் பெளத்தம் ஆகிய மதத்தை சேர்ந்தவர்கள் மட்டுமே பட்டியல் சாதி(SC) பிரிவின் கீழ் வருவார்கள் எனவும், கிறிஸ்துவம் உள்ளிட்ட பிற மதங்களுக்கு மாறியவர்கள் பட்டியல் சாதி பிரிவின் கீழ் வரமாட்டார்கள் எனவும் உச்சநீதிமன்றம் தீர்ப்பு வழங்கியுள்ளது.<br /> ஆந்திராவை சேர்ந்த பாதிரியார் சிந்தடா ஆனந்த் என்பவர் அக்காலா, ராமிரெட்டி உள்ளிட்டோரால் சாதி அவமதிப்பு செய்யப்பட்டதாக குற்றம் சாட்டி, SC/ST சட்டத்தின் கீழ் புகார் அளித்திருந்தார். அதன்பேரில் போலீசார் வழக்கு பதிவு செய்தனர்.<br /> இதனை எதிர்த்து ராமிரெட்டி, ஆந்திரபிரதேச உயர்நீதிமன்றத்தை அணுகி வழக்கை ரத்து செய்ய கோரினார். நீதிபதி ஹரிநாத், ஆனந்த் கிறிஸ்தவ மதத்திற்கு மாறியதால் பட்டியல் சாதி பிரிவின் கீழ் வரமாட்டார் எனக் கூறி, FIR-ஐ ரத்து செய்தார்.<br /> மேலும், SC சான்றிதழ் வைத்திருப்பது மட்டும் போதாது; கிறிஸ்தவ மதத்திற்கு மாறியதால் அது செல்லாது என்றும் நீதிமன்றம் தெரிவித்தது.<br /> இந்த தீர்ப்பை எதிர்த்து ஆனந்த் உச்சநீதிமன்றத்தில் மேல்முறையீடு செய்திருந்த நிலையில், உயர்நீதிமன்றத்தின் தீர்ப்பை உச்சநீதிமன்றம் உறுதிப்படுத்தியுள்ளது.<br /> மேலும் இந்து, சீக்கியம் மற்றும் பெளத்தம் ஆகிய மதத்தை சேர்ந்தவர்கள் மட்டுமே பட்டியல் சாதி(SC) பிரிவின் கீழ் வருவார்கள் எனவும் தீர்ப்பளித்துள்ளது.</p>