முறையாக ஊதியம் இல்லை: செம்மொழி பூங்கா ஊழியர்கள் போராட்டம்

<p><strong>முறையாக ஊதியம் இல்லை: செம்மொழி பூங்கா ஊழியர்கள் போராட்டம்</strong></p><p>கோவை, ஆக.18-செம்மொழி பூங்காவில் பணியாற்றி வரும் ஒப்பந்தத் தூய்மைப் பணியாளர்கள் மற்றும் பாதுகாவலர்கள் ஊதியம் வழங்கப்படாததை கண்டித்து செவ்வாயன்று பணிப்புறக்கணிப்புப் போராட்டத்தில் ஈடுபட்டனர்.</p><p>கவை, காந்திபுரம் பகுதியில்அமைந்துள்ள செம்மொழி பூங்காவில் 300-க்கும் மேற்பட்ட ஒப்பந்தத் தூய்மைப் பணியாளர்கள், பாதுகாவலர்கள் மற்றும் வாகன ஓட்டுநர்கள் பணியாற்றி வருகின்றனர். இவர்களுக்கு தனியார் ஒப்பந்த நிறுவனம் மூலம் மாதந்தோறும் 7 ஆம் தேதிக்குள் ஊதியம் வழங்கப்பட வேண்டும்.</p><p>ஆனால், கடந்த இரு மாதங்களாகஊதியம் முறையாக வழங்கப்படவில்லை. கடந்த மாதம் தாமதமாக வழங்கப்பட்ட நிலையில், நடப்பு மாதத்திற்கான ஊதியம் 18 ஆம் தேதியாகியும் இதுவரை வழங்கப்படவில்லை. மேலும், ஊதியம் குறித்து கேட்டால் பணிநீக்கம் செய்துவிடுவதாக ஒப்பந்ததாரர் மிரட்டுவதாகவும் பணியாளர்கள் குற்றம்சாட்டினர்.இதனை கண்டித்து 100-க்கும்மேற்பட்ட பணியாளர்கள் பணிகளை புறக்கணித்து பூங்கா வளாகத்தில் காத்திருப்புப் போராட்டத்தில் ஈடுபட்டனர். ததகவலறிந்து சம்பவ இடத்திற்கு விரைந்து வந்த சிஐடியு ஊரக வளர்ச்சி உள்ளாட்சித்துறை ஊழியர்கள்சங்கத்தின் பொதுச் செயலாளர் கே.ரத்தினகுமார், பஞ்சாலை சங்க மாவட்டப் பொருளாளர் ஆனந்தகுமார் மற்றும்13-வது வார்டு மாமன்ற உறுப்பினர் சுமதி நாகராஜ் ஆகியோர் போராட்டத்தில் ஈடுபட்ட தொழிலாளர்களை நேரில் சந்தித்துப் பேசினர்.</p><p>இதனையடுத்து, கோவை மாவட்ட பொறுப்பு அமைச்சர் சம்பத், காணொலிக் காட்சி (வீடியோ</p><p>கால்) வாயிலாக பேச்சுவார்த்தை நடத்தினார். அமைச்சரின் தலையீட்டைத் தொடர்ந்து, உடனடியாக நிலுவைஊதியம் வழங்கப்படும் என ஒப்பந்ததாரர் உறுதியளித்தார். இதனையடுத்து போராட்டம் கைவிடப்பட்டது. இருப்பினும், வங்கிக் கணக்கில் ஊதியம் செலுத்தப்பட்ட பின்னரே மீண்டும் பணிகளை தொடங்குவோம் என தூய்மைப் பணியாளர்கள் தெரிவித்தனர்.</p>