ஹோட்டல், பேக்கரி தொழிலாளர் சங்க பேரவை

<p><strong>ஹோட்டல், பேக்கரி தொழிலாளர் சங்க பேரவை</strong></p><p>கோவை, செப். 22– கோவை மாவட்ட லாட்ஜ், ஹோட்டல் மற்றும் பேக்கரி தொழிலாளர் சங்கத்தின் 15-ஆவது ஆண்டு பேரவைக்கூட்டம், கணபதியில் உள்ள சிஐடியு அலுவலகத்தில் நடைபெற்றது. மாவட்டத் தலைவர் கே.மனோகரன் தலைமைவகித்தார். ஏ.எல்.ராஜா கொடியேற்ற, கே.ராமலிங்கம் தியாகிகளுக்கு அஞ்சலி செலுத்தினார். பி.தங்கராஜ்வரவேற்றார்.</p><p>சிஐடியு மாவட்டச் செயலாளர் எஸ்.கிருஷ்ணமூர்த்தி துவக்கவுரையாற்றினார். பொதுச்செயலாளர் கே.சந்தோஷ் வேலை அறிக்கையையும், பொருளாளர் ஆர்.செந்தாமரை வரவு-செலவு அறிக்கையையும் தாக்கல் செய்ய, மாவட்டப் பொருளாளர் ஆர்.வேலுச்சாமி வாழ்த்திப் பேசினார்.</p><p>இக்கூட்டத்தில், ஓய்வுபெற்ற தொழிலாளர்களின் இபிஎஃப் குறைந்தபட்ச ஓய்வூதியத்தை ரூ.9,000 ஆக உயர்த்த வேண்டும்; சிறு பேக்கரிகள் மீதான முறையற்ற வரிகளை தவிர்க்க தமிழக அரசு நடவடிக்கை எடுக்க வேண்டும்; கேட்டரிங் தொழிலாளர்களுக்கு பணிப் பாதுகாப்பு வழங்கும் வகையில் திருமண மண்டபங்கள் மூலம் 2% செஸ் வரி வசூலித்து நலவாரியப் பலன்களை உயர்த்த வேண்டும்; ஹோட்டல்களில் தொழிலாளர் நலச் சட்டங்களை முறையாக அமல்படுத்த வேண்டும் மற்றும் இஎஸ்ஐ பெற ரூ.21,000 சம்பள வரம்பை ரத்து செய்ய வேண்டும் என்பன உள்ளிட்ட பல தீர்மானங்கள் நிறைவேற்றப்பட்டன.</p><p>இப்பேரவை கூட்டத்தில் சங்க மாவட்டத் தலைவராக பி.தங்கராஜ், செயலாளராக கே.சந்தோஷ், பொருளாளராக ஆர்.செந்தாமரை உள்ளிட்ட 27 பேர் கொண்ட நிர்வாகக் குழு தேர்வு செய்யப்பட்டது. சிஐடியு மாவட்ட துணைத் தலைவர் கே. ரத்தினகுமார் நிறைவுரையாற்றினார். நிறைவாக நிர்வாகி என்.ரிதுபர்ணன் நன்றி கூறினார்.</p>