கோ-ஆப்டெக்ஸ் தீபாவளி சிறப்பு விற்பனை தொடக்கம்

<p><strong>கோ-ஆப்டெக்ஸ் தீபாவளி சிறப்பு விற்பனை தொடக்கம்</strong></p><p>கடலூர், செப்.24-கடலூர் முல்லை கோ-ஆப்டெக்ஸ் விற்பனை நிலையத்தில் தீபாவளி சிறப்பு விற்பனையை மாவட்ட ஆட்சியர் சிபி ஆதித்யா செந்தில்குமார் வியாழக்கிழமை தொடங்கி வைத்தார்.</p><p>தீபாவளியை முன்னிட்டு காஞ்சிபுரம், ஆரணி, திருபுவனம் உள்ளிட்ட பகுதிகளில் தயாரிக்கப்பட்ட பட்டுப்புடவைகள், கோரா காட்டன் சேலைகள், பருத்தி சேலைகள், வேட்டி, லுங்கி, துண்டு, சட்டைகள், படுக்கை விரிப்புகள் உள்ளிட்ட பல்வேறு கைத்தறி துணி வகைகள் விற்பனைக்கு வைக்கப்பட்டுள்ளன.</p><p>கடலூர் மாவட்டத்தில் உள்ள 5 கோ-ஆப்டெக்ஸ் விற்பனை நிலையங்களுக்கு மொத்தம் ரூ.4.22 கோடி விற்பனை இலக்கு நிர்ணயிக்கப்பட்டுள்ளது. தீபாவளி சிறப்புத் தள்ளுபடியாக 30 சதவீதம் வழங்கப்படுவதுடன், அரசு பணியாளர்களுக்கு கடன் விற்பனை வசதியும் உள்ளது. கைத்தறி நெசவாளர்களுக்கு ஆதரவளிக்கும் வகையில் அரசு பணியாளர்கள் கோ-ஆப்டெக்ஸில் பொருட்களை வாங்க வேண்டும் என ஆட்சியர் கேட்டுக்கொண்டார்.</p>