ஜன.8-இல் பொங்கல் பரிசு தொகுப்பு விநியோகம் முதலமைச்சர் தொடங்கி வைக்கிறார்

<p><strong>ஜன.8-இல் பொங்கல் பரிசு தொகுப்பு விநியோகம் முதலமைச்சர் தொடங்கி வைக்கிறார்</strong></p> <p>சென்னை, ஜன.2 - &nbsp;தமிழ்நாடு முதலமைச்சர் மு.க.ஸ்டா லின், ஜனவரி 8ஆம் தேதி சென்னையில் பொங்கல் பரிசு தொகுப்பு விநியோகத்தை தொடங்கி வைக்கிறார். &nbsp;குடும்ப அட்டைதாரர்களுக்கு ஒவ்வொரு &nbsp;ஆண்டும் பொங்கல் பரிசு தொகுப்பை தமிழ் நாடு அரசு வழங்கி வருகிறது. கடந்த 2025 பொங்கலின்போது நிதி நெருக்கடியால் அரசு &nbsp;ரொக்கப் பணம் தரவில்லை. தலா ஒரு கிலோ பச்சரிசி, சர்க்கரை, முழு கரும்பு அடங்கிய &nbsp;பரிசு தொகுப்பு மட்டுமே வழங்கியது. இந்த ஆண்டு பொங்கல் பண்டிகை வர இரண்டு வாரங்களே உள்ள நிலையில், 2.22 கோடி அரிசி கார்டுதாரர்களுக்கு பொங்கல் பரிசு தொகுப்பு வழங்குவதற்கான அரசா ணையை கூட்டுறவு மற்றும் உணவுத் துறை &nbsp;செயலர் சத்யபிரதா சாஹு பிறப்பித்து உள்ளார். அரசாணையில் ரொக்கப் பணம் குறித்த தகவல் இல்லை. ஒரு கிலோ &nbsp;பச்சரிசி, சர்க்கரை, முழு நீள கரும்பு ஆகிய வற்றை மொத்த செலவினத் தொகை 248.66 &nbsp;கோடி ரூபாய்க்கு கொள்முதல் செய்து ரேசன் &nbsp;கடைகள் வாயிலாக விநியோகம் செய்ய நிதி ஒதுக்கி அரசு ஆணையிட்டுள்ளது. முதலமைச்சர் விநியோகத்தை தொடங்கி &nbsp;வைத்த பின்னர், அனைத்து மாவட்டங்களி லும் அமைச்சர்கள், நாடாளுமன்ற மற்றும் சட்டமன்ற உறுப்பினர்கள் பொங்கல் பரிசு தொகுப்பை வழங்குகின்றனர். &nbsp;பொங்கல் பரிசு தொகுப்பிற்கான டோக்கன் கள் தற்போது அச்சிடப்பட்டு தயார் நிலை யில் வைக்கப்பட்டுள்ளன. முதலமைச்சரின் அறிவிப்பை பொறுத்து ஜன.4 அல்லது 5ஆம் &nbsp;தேதி முதல் டோக்கன்கள் பொதுமக்க ளுக்கு விநியோகிக்கப்படும் என தகவல் வெளியாகியுள்ளது. பொங்கல் பரிசு தொகுப்போடு ரொக்க பணம் வழங்குவது தொடர்பாக மிக விரைவில் &nbsp;முதலமைச்சர் மு.க.ஸ்டாலின் அதிகாரப் பூர்வ அறிவிப்பை வெளியிடுவார் என எதிர்பார்க்கப்படுகிறது.</p>