சென்னை விரைவு செய்திகள்

<p>ரயில் நிலையத்தில் ஆர்பிஎப் மின்சார வாகனங்கள் அறிமுகம்</p><p>சென்னை,மே 14- சென்னை சென்ட்ரல் ரயில் நிலையத்தில் பயணிகளின் பாதுகாப்பு மற்றும் கண்காணிப்புப் பணிகளைத் தீவிரப்படுத்த, ரயில்வே பாதுகாப்புப் படை சார்பில் புதிய மின்சார மும்சக்கர வாகனங்கள் அறிமுகம் செய்யப்பட்டுள்ளன. ஒலிபெருக்கி, அவசர எச்சரிக்கை ஒலி மற்றும் ஜிபிஎஸ் வசதி கொண்ட இந்த வாகனங்கள், பாதுகாப்புப் படையினர் நடைமேடைகளில் சோர்வின்றி விரைவாக ரோந்து செல்ல உதவும். முதற்கட்டமாகச் சென்ட்ரலில் தொடங்கப்பட்டுள்ள இந்தச் சேவை, விரைவில் எழும்பூர், தாம்பரம், காட்பாடி உள்ளிட்ட முக்கிய ரயில் நிலையங்களுக்கும் விரிவுபடுத்தப்பட உள்ளது.</p><p>வேலைவாய்ப்பற்ற இளைஞர்கள் உதவித்தொகை பெற விண்ணப்பிக்கலாம் </p><p>ராணிப்பேட்டை, மே 14- தமிழக அரசின் வேலைவாய்ப்பற்ற இளைஞர்களுக் கா ன உதவித்தொகை திட்டத்தின் கீழ், தகுதியுள்ளவர்கள் விண்ணப்பித்து பயன்பெறுமாறு ராணிப்பேட்டை மாவட்ட ஆட்சியர் ஜெ.யு.சந்திரகலா அழைப்பு விடுத்துள்ளார். இத்திட்டத்தின் கீழ் பயன்பெற, 01.01.2021 முதல் 31.03.2021 வரையான காலாண்டிற்குள் வேலைவாய்ப்பு அலு வலகத்தில் பதிவு செய்து 5 ஆண்டுகள் நிறைவடைந்தி ருக்க வேண்டும். பட்டப்படிப்பு, பட்டயப்படிப்பு, மேல்நிலைக்கல்வி மற்றும் 10-ஆம் வகுப்பு தேர்ச்சி அல்லது தோல்வியுற்றவர்கள் இதற்கு விண்ணப்பிக்கலாம். வயது வரம்பைப் பொறுத்தவரை ஆதிதிராவிடர் மற்றும் பழங்குடியினர் 45 வயதிற்குள்ளும், இதர வகுப்பினர் 40 வயதிற்குள்ளும் இருக்க வேண்டும். குடும்ப ஆண்டு வருமானம் ரூ.72,000க்கு மிகாமல் இருப்பதோடு, விண்ணப்பதாரர் முழுநேர மாணவராக இருக்கக்கூடாது என்பது அவசியமாகும். </p><p>தகுதியுடையவர்களுக்கு கல்வித் தகுதியின் அடிப் படையில் மாதம் ரூ.200 முதல் ரூ.600 வரை உதவித் தொகை வழங்கப்படும். இதற்கான விண்ணப்பப் படி வங்களை ராணிப்பேட்டை மாவட்ட வேலைவாய்ப்பு அலுவலகத்தில் நேரில் பெற்றுக் கொள்ளலாம் அல்லது விண்ணப்பப்படிவங்களை www.tnvelaivaaippu.gov.in என்ற இணையதள முகவரியிலிருந்து பதிவிறக்கம் செய்து கொள்ளலாம். பூர்த்தி செய்யப்பட்ட விண்ணப்பங்களுடன் கல்விச் சான்றிதழ்கள், வேலைவாய்ப்பு அடையாள அட்டை, குடும்ப அட்டை, மற்றும் தேசியமயமாக்கப்பட்ட வங்கி கணக்கு புத்தக நகல் ஆகியவற்றை இணைத்து அலு வலக வேலை நாட்களில் நேரில் சமர்ப்பிக்க வேண்டும்.என்று ஆட்சியர் தனது அறிவிப்பில் தெரிவித்துள்ளார்.</p><p>சென்னை - சிங்கப்பூர் ஏர் இந்தியா விமானங்கள் ரத்து </p><p>சென்னை, மே 14- எரிபொருள் விலை உயர்வு மற்றும் செயல்பாட்டு நெருக்கடி காரணமாக, சென்னையிலிருந்து சிங்கப்பூருக்கு தினமும் இயக்கப்படும் இரண்டு நேரடி விமான சேவை களை ஏர் இந்தியா நிறுவனம் தற்காலிகமாக நிறுத்தி யுள்ளது. இது தவிர தில்லி, மும்பையிலிருந்து இயக்கப்படும் சர்வதேச விமானங்களின் எண்ணிக்கையும் கணிசமாகக் குறைக்கப்பட்டுள்ளது.சென்னை - சிங்கப்பூர் தடம் மிகவும் பரபரப்பானது என்பதால், இந்த முடிவைப் பயன்படுத்தி மற்ற தனியார் நிறுவனங்கள் விமானக் கட்டணத்தை உயர்த்த வாய்ப்புள்ளதாகப் பயணியர் சங்கத்தினர் அதிருப்தி தெரிவித்துள்ளனர். பாதிக்கப்பட்ட பயணிகளுக்கு மாற்று விமான வசதி அல்லது முழு கட்டணமும் திருப்பி வழங்கப்படும் என ஏர் இந்தியா அறிவித்துள்ளது.</p><p>போலி ஆவணங்கள் மூலம் வாக்களித்ததாக சந்தேகம்</p><p>சென்னை, மே 14- தமிழக சட்டமன்றத் தேர்தலில் போலி ஆவணங்களைப் பயன்படுத்தி வாக்களித்ததாகக் கூறப்படும் புகாரில், ஒரு பெண் உட்பட 17 வெளிநாட்டு கடவுச்சீட்டு வைத்திருப்பவர்களை குடிவரவு அதிகாரிகள் தடுத்து நிறுத்தியுள்ளனர். கடந்த சில நாட்களில் சென்னை விமான நிலையத்தில் 15 பேரும், மதுரை விமான நிலையத்தில் 2 பேரும் என மொத்தம் 17 பேர் பிடிபட்டுள்ளனர். கனடா, இலங்கை மற்றும் ஆஸ்திரேலியா நாடுகளுக்குத் திரும்ப முயன்ற இவர்களின் விரல்களில் தேர்தல் மை இருந்ததைக் கண்டு அதிகாரிகள் சந்தேகமடைந்தனர். முதற்கட்ட விசாரணையில் இவர்களில் இருவர் சென்னை பெரம்பூர் மற்றும் கே.கே. நகர் தொகுதிகளில் வாக்களித்தது தெரியவந்துள்ளது. பிடிபட்டவர்கள் அனைவரும் மேலதிக விசாரணைக்காகக் காவல்துறையிடம் ஒப்படைக்கப்பட்டுள்ளனர்.</p><p>தெற்கு ரயில்வேயில் பிஆர்ஓவாக எஸ்.என்.நரேன் பொறுப்பேற்பு </p><p>சென்னை, மே 14- தெற்கு ரயில்வேயின் புதிய தலைமை மக்கள் தொடர்பு அதிகாரியாக எஸ்.என்.நரேன் பொறுப்பேற்றுள்ளார். 2010-ஆம் ஆண்டு ஐ.ஆர்.டி.எஸ் அதிகாரியான இவர், இதற்கு முன்பு மத்திய அறிவியல் மற்றும் தொழில்நுட்ப அமைச்ச கத்தில் துணைச் செயலாளராக பணியாற்றியவர். இயந்திரப் பொறியியல் பட்டதாரியான இவர், தெற்கு ரயில்வேயின் திருச்சி, சென்னை, பாலக்காடு மற்றும் சேலம் ஆகிய கோட்டங்களில் பல்வேறு உயரிய பொறுப்பு களை வகித்துள்ளார். இதுவரை இப்பதவியில் இருந்த செந்தமிழ் செல்வன், ராயபுரம் லோகோ ஷெட்டின் முது நிலை மண்டல மின்சார பொறியாளராக மாற்றப்பட்டுள்ளார்.</p><p>சவுக்கு சங்கருக்கு ஜாமின் வழங்கி உயர் நீதிமன்றம் உத்தரவு</p><p>சென்னை, மே 14- சிறையில் இருந்தபோது தன் மீது பதியப்பட்ட கொலை முயற்சி வழக்கில், யூடியூபர் சவுக்கு சங்கருக்கு சென்னை உயர் நீதிமன்றம் ஜாமின் வழங்கியுள்ளது. ஆந்திராவிலிருந்து சென்னைக்கு சாலை மார்க்கமாக அழைத்து வரப்பட்டபோது, காவாங்கரை அருகே வாக னத்தை நிறுத்திய காவலர்களுடன் சங்கரின் ஆதரவாளர்கள் தகராறில் ஈடுபட்டு கல்வீச்சில் ஈடுபட்டதாகக் கூறி, அவர் மீது கொலை முயற்சி உள்ளிட்ட பல்வேறு பிரிவுகளின் கீழ் வழக்குப் பதிவு செய்யப்பட்டிருந்தது. இந்த வழக்கில் ஜாமீன் கோரி சவுக்கு சங்கர் தாக்கல் செய்த மனுவை விசாரித்த விடுமுறை கால நீதிபதி எல்.விக்டோரியா கௌரி, அவருக்கு ஜாமீன் வழங்கி நேற்று உத்தரவு பிறப்பித்தார்.</p><p>யூடியூபர் மாரிதாஸ் உள்ளிட்ட 18 கணக்குகளை முடக்க தடை</p><p>சென்னை, மே 14- யூடியூபர் மாரிதாஸ் உள்ளிட்ட 18 சமூக வலைதளப் பக்கங்களை முடக்கக் கோரி தமிழக சைபர் க்ரைம் பிரிவு எக்ஸ் தளத்திற்கு அனுப்பிய நோட்டீஸிற்கு சென்னை உயர் நீதிமன்றம் இடைக்காலத் தடை விதித்துள்ளது. தமிழக அரசுக்கு எதிராகக் கருத்து களைப் பதிவிட்டதாகக் கூறி, கடந்த மே 8-ஆம் தேதி இந்த முடக்கம் தொடர்பான உத்தரவு பிறப்பிக்கப்பட்டது. இதனை எதிர்த்து விஸ்வ ஹிந்து பரிஷத் நிர்வாகி பி.சொக்கலிங்கம் தாக்கல் செய்த மனுவை விசாரித்த நீதிபதிகள் எல்.விக்டோரியா கௌரி மற்றும் என்.செந்தில்குமார் அடங்கிய அமர்வு இந்த உத்தரவைப் பிறப்பித்தது. அரசியல் விமர்சனங்களைச் செய்வது பேச்சுரிமையின் கீழ் வருவதாக வும், வன்முறையைத் தூண்டாத பதிவுகளை முடக்குவது சட்டவிரோதம் என்றும் மனு தாரர் வாதிட்டதை அடுத்து, இது குறித்து ஜூன் 8-ஆம் தேதிக்குள் பதி லளிக்குமாறு தமிழக அரசுக்கு நீதிபதிகள் உத்தரவிட்டுள்ளனர்.</p><p>மெட்ரோ சுரங்கம் தோண்டும் பணிகளை விரைவுபடுத்த கூடுதல் இயந்திரங்கள் கொள்முதல்</p><p>சென்னை, மே 14- சென்னை மெட்ரோ ரயில் நிறுவனத்தின் இரண்டாம் கட்டத் திட்டப்பணிகளில் ஏற்பட்டுள்ள காலதாமதத்தைச் சரி செய்யும் பொருட்டு, கூடுதலாகச் சில சுரங்கம் தோண்டும் இயந்திரங்களை வாங்க நிர்வாகம் முடிவு செய்துள்ளது. மொத்தம் 118.9 கிலோமீட்டர் தொலைவு கொண்ட இந்த இரண்டாம் கட்டத் திட்டத்தில், சுமார் 42.6 கிலோமீட்டர் நிலத்தடிப் பாதையாக அமையவுள்ளது. இதுவரை மேற்கொள்ளப்பட வேண்டிய 69.05 கிலோமீட்டர் சுரங்கப் பணி களில் 28.11 கிலோமீட்டர் மட்டுமே நிறை வடைந்துள்ளது. ஐந்து ஆண்டுகளுக்கு முன்பு நிலத்தடி நிலையங்கள் அமைப்பதற்கான ஒப்பந்தப்புள்ளிகள் ரத்து செய்யப்பட்ட தும், மின்சாரம் மற்றும் குடிநீர்க் குழாய்களை இடமாற்றம் செய்வதில் நிலவிய சவால்களுமே இந்தத் தாமதத்திற்கு முக்கியக் காரணங்களாகச் சொல்லப்படுகின்றன. சில பகுதி களில் கட்டுமானத் தரைத்தளம் தயாரா காததால், ஏற்கெனவே உள்ள இயந்தி ரங்கள் ஓராண்டிற்கும் மேலாகப் பயன்படுத்தப்படாமல் முடங்கிக் கிடந்தன. தற்போது ராயப்பேட்டை, ஆயிரம் விளக்கு மற்றும் பெரம்பூர் உள்ளிட்ட பகுதிகளில் விடுபட்ட பணிகளை விரைந்து முடித்து, திட்டமிட்ட காலத்திற்குள் திட்டத்தைச் செயல்படுத்தும் நோக்கில் கூடுதல் இயந்திரங்களை ஈடுபடுத்த மெட்ரோ ரயில் நிறுவனம் திட்டமிட்டுள்ளது.</p><p>சிபிஎஸ்இ மாணவர்களுக்கு பொறியியல் சேர்க்கையில் சிக்கல்</p><p>சென்னை, மே 14- தமிழகத்தில் பொறியியல் சேர்க்கைக் கான கட்-ஆஃப் கணக்கிடப்படுவதில் இயற்பியல் மதிப்பெண்கள் முக்கியப் பங்கு வகிக்கும் நிலையில், இந்த ஆண்டு சிபிஎஸ்இ மாணவர்களுக்குப் பொறியி யல் படிப்புகளில் சேருவதில் சிக்கல் எழுந்துள்ளது. தேசிய அளவில் இந்த ஆண்டு இயற்பியல் பாடத்தில் 96 மாணவர்கள் மட்டுமே நூற்றுக்கு நூறு மதிப்பெண்கள் பெற்றுள்ள நிலையில், சென்னையின் பல முன்னணிப் பள்ளிகளில் ஒரு மாணவர் கூட முழு மதிப்பெண் பெறவில்லை. கடினமான வினாத்தாளே இதற்குக் காரணம் என்றும், என்சிஇஆர்டி பாடத்திட்டத்தை காலத்திற்கேற்ப மேம்படுத்த வேண்டும் என்றும் ஆசிரியர்கள் கோரிக்கை விடுத்துள்ளனர். இருப்பினும், இயற்பியலில் குறைந்த மதிப்பெண்களை மாணவர்கள் கணிதம் மற்றும் வேதியியல் பாடங்களில் ஈடு செய்துள்ளதால், கட்-ஆஃப் மதிப்பெண்க ளில் பெரிய அளவில் பாதிப்பு இருக்காது என சில பள்ளி முதல்வர்கள் நம்பிக்கை தெரிவித்துள்ளனர். பாடங்களை வெறும் மனப்பாடம் செய்யாமல், கருத்துகளை ஆழமாகப் புரிந்து படிக்கும் அணுகு முறையை மாணவர்கள் வளர்த்துக் கொண்டால், இத்தகைய கடினமான வினாத்தாள்களையும் எளிதாக எதிர்கொண்டு அதிக மதிப்பெண்களைப் பெற முடியும் என கல்வியாளர்கள் கருத்து தெரிவித்துள்ளனர்.</p><p>சென்னையில் கலை, அறிவியல் கல்லூரிகளில் பி.காம், கணினி பாடப்பிரிவுகளுக்கு கடும் போட்டி</p><p>சென்னை, மே 14- சென்னையில் உள்ள முன்னணி கலை மற்றும் அறிவியல் கல்லூரிகளில் பி.காம் மற்றும் கணினி சார்ந்த பாடப்பிரிவுகளில் சேர இந்த ஆண்டு மாணவர்கள் மத்தியில் பெரும் ஆர்வம் காணப்படுகிறது. எத்திராஜ் மகளிர் கல்லூரியில் பி.காம் படிப்பிற்கு ஒரு இடத்திற்கு 30 விண்ணப்பங்கள் என்ற வீதத்திலும், பி.சி.ஏ படிப்பிற்கு ஒரு இடத்திற்கு 10 விண்ணப்பங்கள் என்ற வீதத்திலும் குவிந்துள்ளன. மெட்ராஸ் கிறிஸ்டியன் கல்லூரி, லயோலா, ஸ்டெல்லா மேரிஸ், டி.ஜி. வைஷ்ணவ் மற்றும் குரு நானக் போன்ற கல்லூரிகளில் பி.காம் (பொது) பிரிவை விட பி.காம் (கணக்கு மற்றும் நிதி) பாடப்பிரிவுக்கே அதிக விண்ணப்பங்கள் வந்துள்ளன. குறிப்பாக பி.காம் படிப்புகளுக்கு 400-க்கு 400 மதிப்பெண்கள் கட்-ஆஃப் ஆக இருக்கும் என எதிர்பார்க்கப்படுவதால், பல மாணவர்கள் கணினி அறிவியல், பி.சி.ஏ மற்றும் புதிதாக அறிமுகப்படுத்தப்பட்டுள்ள சைபர் செக்யூரிட்டி, ஏ.ஐ போன்ற பாடப் பிரிவுகளை நோக்கித் திரும்பியுள்ளனர். அதேவேளையில், அரசியல் அறிவி யல், பொருளாதாரம், உளவியல் மற்றும் ஆங்கில இலக்கியம் போன்ற பாடப்பிரிவு களுக்கும் மாணவர்களின் ஆர்வம் மீண்டும் அதிகரித்துள்ளதாகக் கல்லூரி முதல்வர்கள் தெரிவித்துள்ளனர். பொறியியல் படிப்பு களைப் பொறுத்தவரை, முதல் 11 நாட்களில் 1.3 லட்சம் மாணவர்கள் கலந்தாய்விற்குப் பதிவு செய்துள்ளனர். பி.காம் பாடப்பிரிவுகளுக்கான கடும் போட்டி காரணமாகவும், வேலைவாய்ப்புச் சந்தையில் ஏற்பட்டுள்ள மாற்றங்களாலும் மாணவர்கள் கலைக் கல்லூரிகளில் கணினி சார்ந்த படிப்புகளையும், பொறி யியல் படிப்புகளில் மின்சாரப் பொறியியல் போன்ற அடிப்படைப் பாடப்பிரிவுகளையும் அதிகளவில் தேர்வு செய்யக்கூடும் என கல்வி ஆலோசகர்கள் கணித்துள்ளனர்.</p>