ஒரு லட்சம் தெருநாய்களுக்கு ரேபிஸ் தடுப்பூசி மாநகராட்சி ஆணையர் ஜி.எஸ்.சமீரன் தகவல்

<p><strong>ஒரு லட்சம் தெருநாய்களுக்கு ரேபிஸ் தடுப்பூசி மாநகராட்சி ஆணையர் ஜி.எஸ்.சமீரன் தகவல்</strong></p><p>சென்னை, செப். 26 –பெருநகர சென்னை மாநகராட்சிப் பகுதிகளில் உள்ள ஒரு லட்சம் தெரு நாய்களுக்கு ரேபிஸ் தடுப்பூசி செலுத்தப்பட்டுள்ளதாக ஆணையர் டாக்டர் ஜி.எஸ்.சமீரன் தெரிவித்தள்ளார்.</p><p>வெறிநாய்க்கடி நோய் இல்லா சென்னை மாநகரை உருவாக்கிட தெருநாய்களுக்கு வெறிநாய்க்கடி நோய்த் தடுப்பூசி (ரேபிஸ்), அக, புற ஒட்டுண்ணி மருந்து செலுத்தும் திட்டம் செப்.11 அன்று தொடங்கப்பட்டது.</p><p>இந்த சிறப்பு முகாம் வாயிலாக திருவொற்றியூர் மண்டலத்தில் 12 ஆயிரத்து 300, மணலி மண்டலத்தில் 7ஆயிரத்து 200, மாதவரம் மண்டலத்தில் 15 ஆயிரம், தண்டையார்பேட்டை மண்டலத்தில் 12 ஆயிரத்து 500, ராயபுரம் மண்டலத்தில் 8 ஆயிரத்து 600, அம்பத்தூர் மண்டலத்தில் 22 ஆயிரம், அண்ணாநகர் மண்டலத்தில் 12 ஆயிரம், ஆலந்தூர் மண்டலத்தில் 4 ஆயிரத்து 300 தெருநாய்களுக்கும் ரேபிஸ் தடுப்பூசி மற்றும் அக, புற ஒட்டுண்ணி நீக்கும் மருந்து செலுத்தப்பட்டுள்ளது.</p><p>இதனைத் தொடர்ந்து தற்போது, கோடம்பாக்கம், திரு.வி.க நகர், பெருங்குடி ஆகிய மண்டலங்களில் முகாம் நடைபெற்று வருகிறது. கோடம்பாக்கம் மண்டலத்தில் 3 ஆயிரத்து 300, திரு.வி.க நகர் மண்டலத்தில் 2 ஆயிரத்து 600, பெருங்குடி மண்டலத்தில் 770 தெருநாய்களுக்கு தடுப்பூசி மற்றும் ஒட்டுண்ணி நீக்கும் மருந்து செலுத்தப்பட்டுள்ளது.</p><p>இதன்படி செப்.25 வரை ஒரு லட்சம் நாய்களுக்கு வெறிநாய்க்கடிநோய்த் தடுப்பூசி மற்றும் அக, புற ஒட்டுண்ணி நீக்கும் மருந்து செலுத்தப்பட்டுள்ளது.</p><p><br></p>