சங்கராபுரம் தொகுதியில் வேட்பாளர் உதயசூரியன் தீவிர பிரச்சாரம்

<p><strong>சங்கராபுரம் தொகுதியில் வேட்பாளர் உதயசூரியன் தீவிர பிரச்சாரம்</strong></p> <p>கள்ளக்குறிச்சி, ஏப். 4- சங்கராபுரம் சட்டமன்றத் தொகுதியில் மதச்சார்பற்ற முற்போக்குக் கூட்டணி சார்பில் செயல்வீரர்கள் கூட்டம் ஏப்ரல் 3 (வெள்ளிக்கிழமை) நடைபெற்றது. &nbsp;திமுக முன்னாள் ஒன்றியச் செ யலாளர் ந.ஆறுமுகம் தலைமையில் நடைபெற்ற இக்கூட்டத்தில் மாவட்டத் துணைத் தலைவர் எஸ்.ஆறுமுகம் வரவேற்புரையாற்றினார். வேட்பாளர் தா.உதயசூரியன் பேசுகையில், &ldquo;மக்களின் கோரிக்கைகளை நிறைவேற்றி உங்கள் மனதில் நீங்காத இடம் பிடித்தவன் நான். கடந்த தேர்தலில் 50,000 வாக்கு கள் வித்தியாசத்தில் வெற்றி பெற வைத்தீர்கள், இந்தத் தேர்தலில் 80,000 வாக்குகள் வித்தியாசத்தில் வெற்றி பெற வைக்க வேண்டும்&rdquo; என உருக்கமாக வேண்டுகோள் விடுத்தார். நிகழ்ச்சியில், தமிழ்நாடு தீண்டாமை ஒழிப்பு முன்னணி சார்பில் &lsquo;2026 சட்டமன்றத் தேர்தல் சமூக நீதிச் சாசனம்&rsquo; என்ற நூல் வேட்பாளரிடம் வழங்கப்பட்டது. சிபிஎம் மாவட்டச் செயலாளர் டி.எம்.ஜெய்சங்கர், காங்கிரஸ் மாவட்டத் தலைவர் எம்.இதயத்துல்லா, தேமுதிக மாவட்டச் செயலாளர் எஸ்.கருணாகரன் உள்ளிட்ட கூட்டணிக் கட்சித் தலைவர்கள் பங்கேற்றனர். திமுக ஒன்றியக் கழகச் செயலாளர் எஸ்.பி.அரவிந்தன் நன்றி கூறினார்.</p>