3 மாநிலங்களில் பிரச்சாரம் ஓய்ந்தது: செங்கொடிகளால் சிவந்த கேரளம்!

<p><strong>3 மாநிலங்களில் பிரச்சாரம் ஓய்ந்தது: செங்கொடிகளால் சிவந்த கேரளம்!</strong></p><p>திருவனந்தபுரம், ஏப். 7 - 140 தொகுதிகளைக் கொண்ட கேரளம், 126 தொகுதிகளைக் கொண்ட அஸ்ஸாம் மாநிலங்களிலும், 30 தொகுதிகளைக் கொண்ட புதுச்சேரி யூனியன் பிரதேசத்திலும், சட்டமன்றத் தேர்தல் வாக்குப்பதிவு ஏப்ரல் 6 அன்று நடைபெறுகிறது.</p><p>இந்நிலையில், இந்த 3 மாநிலங்களிலும் செவ்வாய்க்கிழமை மாலை 5 மணியுடன் பிரச்சாரம் ஓய்ந்தது. மார்க்சிஸ்ட் கம்யூனிஸ்ட் தலைமையிலான இடது ஜனநாயக முன்னணி பெற்றுள்ள கட்சிகளின் அணி பரக்கும் பிரச்சாரம், கேரள மாநிலத்தின் மூலை முடுக்குகளிலும் எதிரொலித்தது. செங்கொடிகளால் கேரளம் சிவந்தது.</p><p>ரோடு ஷோக்கள், பேரணிகள் மற்றும் கலை நிகழ்ச்சிகளுடன் கேரளம் அதிர மாலை 5 மணிக்கு அங்கு பிரச்சாரம் ஓய்ந்தது. அதேபோல் எதிர்க்கட்சிகளின் கூட்டணியான ஐக்கிய ஜனநாயக முன்னணி (காங்கிரஸ், திமுக) கூட்டணியின் வலுவான இறுதிக்கட்டப் பிரச்சாரத்துடன் அங்கும் மாலை 5 மணிக்கு பிரச்சாரம் ஓய்ந்தது.</p><p>புதுச்சேரியில் மார்க்சிஸ்ட் கம்யூனிஸ்ட் கட்சியின் சார்பில், எளிமையான மக்கள் சந்திப்பு, வீடுகள் தோறும் வாக்குசேகரிப்பு நடைபெற்றது. பிரச்சாரம் நிறைவடைந்த நிலையில், கேரளம், புதுச்சேரி மாநிலங்களில் தொகுதி சம்பந்தமில்லாத நபர்கள் வெளியேறுமாறு உத்தரவிடப்பட்டது.</p>