கொல்கத்தா பல்கலைக்கழகத்தில் எஸ்.எஃப்.ஐ தலைவர்கள், மாணவர்கள் மீது காவல்துறையினர் கொடூரத் தாக்குதல்!
yesterday
<p>கொல்கத்தா பல்கலைக்கழகத்தின் வளாகத்தின் முதன்மை வாயிலில் இந்திய மாணவர் சங்கத்தினர் புத்தக அரங்கை அமைக்க முயன்றபோது, மேற்கு வங்கக் காவல்துறை அவர்கள் மீது கொடூரமான தாக்கி, தலைவர்களை கைது செய்தனர்.</p><p>நவம்பர் புரட்சி தினத்தை கொண்டாடும் வகையில், கொல்கத்தா பல்கலைக்கழகத்தின் காலேஜ் ஸ்ட்ரீட் வளாகத்தின் முதன்மை வாயிலில் இந்திய மாணவர் சங்கத்தினர் புத்தக அரங்கை அமைக்க முயன்றபோது, மேற்கு வங்கக் காவல்துறை அவர்கள் மீது கொடூரமான தாக்குதலை நடத்தி, தலைவர்களையும், செயல்பாட்டாளர்களையும் கைது செய்தது. பெண் மாணவர்கள் கூட உடல் ரீதியான துன்புறுத்தலுக்கும் தாக்குதலுக்கும் உள்ளாக்கப்பட்டனர்.</p><p>கல்லூரி தெரு முழுவதும் போலீசாரின் கட்டுப்பாட்டுக்குள் கொண்டுவரப்பட்டு, ஏராளமான போலீசார் குவிக்கப்பட்டனர். மேலும், கைது செய்யப்பட்டவர்களை ஏற்றிச் செல்லும் சிறை வாகனங்களும் அப்பகுதியில் நிறுத்தப்பட்டிருந்தன. எஸ்.எஃப்.ஐ மேற்கு வங்க மாநிலச் செயலாளர் தேபஞ்சன் டே, மாநிலச் செயற்குழு உறுப்பினர் ஷானு சட்டோபாத்யாய், மத்திய செயற்குழு உறுப்பினர் திதிதி ராய் உள்ளிட்டோர் கைது செய்யப்பட்டனர்.</p><p>கொல்கத்தா பல்கலைக்கழக எஸ்.எஃப்.ஐ. உள்ளூர் குழு சார்பில் கடந்த நான்கு ஆண்டுகளாக பல்கலைக்கழகத்தின் கல்லூரி தெரு வளாக பிரதான நுழைவாயிலில் 'சங்க்ராமி போய்பத்ரா' (போராட்டப் புத்தகக் கடை) என்ற பெயரில் புத்தக விற்பனை நடத்தப்பட்டு வருகிறது. இந்த ஆண்டும் புத்தகக் கடை அமைக்கப்படுவது குறித்து லால்பஜார் உள்ளிட்ட காவல்துறை அதிகாரிகளுக்கு முன்கூட்டியே முறையாகத் தகவல் தெரிவிக்கப்பட்டிருந்தது.</p><p>இருப்பினும், புத்தகக் கடை அமைப்பதைத் தடுக்கும் நோக்கில் நேற்றிரவு முதலே பலத்த போலீஸ் பாதுகாப்பு போடப்பட்டதுடன், சிறை வாகனங்களும் நிறுத்தப்பட்டன. போலீசாரின் தடையைப் பொருட்படுத்தாமல், கல்லூரி தெரு புத்தக விற்பனையாளர்களின் ஆதரவுடன், எந்தவிதமான தற்காலிகக் கட்டமைப்பும் இன்றி டிராம் தண்டவாளப் பகுதியில் மாணவர்கள் புத்தகக் கடையை அமைத்தனர். புத்தக வாசகர்கள், பதிப்பாளர்கள், விற்பனையாளர்கள் எனப் பலரும் இதில் பங்கேற்று புத்தகங்களை வாங்கவும் விற்கவும் தொடங்கினர். இதையடுத்து, போலீசார் மாணவர்கள் மீது கண்மூடித்தனமான தாக்குதலை நடத்தியுள்ளனர். </p><p>காவல்துறையின் இந்த அவமானகரமான வன்முறையையும், மாணவர்கள் மீதான கைது நடவடிக்கையையும் இந்திய மாணவர் சங்கம் கண்டித்துள்ளது. மாநில பாஜக அரசு புத்தகங்களைக் கண்டு அஞ்சுவதாகவும், புத்தகங்கள் பிரதிநிதித்துவப்படுத்தும் பகுத்தறிவு, வரலாறு, எதிர்ப்பு மற்றும் கேள்வி கேட்கும் மனப்பான்மை ஆகியவற்றைக் கண்டு அரசு பயப்படுவதாகவும்; அரசின் அடக்குமுறைகள் அதிகரிக்க அதிகரிக்க எதிர்ப்புப் போராட்டமும் மேலும் வலுப்பெறும் என எஸ்.எஃப்.ஐ தெரிவித்துள்ளது.</p>
