வரலாற்றுப் புகழ்பெற்ற பக்சர் மண்ணில் தொழிலாளர் எழுச்சி: அனல் மின் நிலைய கட்டுமானப் பணியாளர்களின் சமரசமற்ற போராட்டம்!

<p><strong>வரலாற்றுப் புகழ்பெற்ற பக்சர் மண்ணில் தொழிலாளர் எழுச்சி: அனல் மின் நிலைய கட்டுமானப் பணியாளர்களின் சமரசமற்ற போராட்டம்!</strong></p><p><strong>வேலைநிறுத்தம் 7</strong></p><p>பக்சர், மே 9- பிரிட்டிஷ் காலனித்துவ ஆட்சி க்கு எதிராக 1764-இல் நடைபெற்ற வரலாற்றுச் சிறப்புமிக்க பக்சர் போரின் அதே மண்ணில், இன்று நவீன கால உழைப்புச் சுரண்ட லுக்கு எதிரான மற்றொரு போர் தொடங்கிவிட்டது. </p><p>பீகாரின் பக்சர் மற்றும் சௌசா பகுதிகளில் அமைந் துள்ள அனல் மின் நிலையக் கட்டு மானத் தொழிலாளர்கள், கார்ப்பரேட் - இந்துத்துவா அரசாங்கம் கொண்டு வந்துள்ள தொழிலாளர் சட்டத் தொகுப்புகளுக்கு எதிராகப் போர்க் குணமிக்கப் போராட்டத்தை முன்னெடுத்து வருகின்றனர். </p><p>இந்த எழுச்சித் தொடரின் 7-வது பகுதி யில், பக்சர் அனல் மின் நிலையத் தொழிலாளர்களின் வீரம் நிறைந்த போராட்டக் களத்தைப் பார்ப்போம். </p><p>பீகார் மாநிலம் பக்சர் மாவட் டத்தில் உள்ள சௌசா பகுதியில், சட்லுஜ் ஜல் வித்யுத் நிகம் (SJVN) நிறுவனத்தால் அமைக்கப்பட்டு வரும் அனல் மின் நிலையத்தின் இரண்டாம் கட்டக் கட்டுமானப் பணி கள், தொழிலாளர்களின் தொடர் வேலைநிறுத்தத்தால் முடங்கி யுள்ளன.</p><p>ஊதிய உயர்வு, பணிப் பாதுகாப்பு மற்றும் அடிப்படை உரி மைகளை வலியுறுத்தி கடந்த மார்ச் 2026 முதல் நூற்றுக்கணக்கான கட்டு மானத் தொழிலாளர்கள் இந்தப் போராட்டத்தை நடத்தி வருகின்ற னர்.</p><p> ஏமாற்றப்பட்ட வாக்குறுதிகளும் - உழைப்புச் சுரண்டலும் புதிய தொழிலாளர் சட்டங்கள் தொழிலாளர்களுக்கு நல்வாழ்வைத் தரும் என்று ஒன்றிய அரசு கூறி வந்தாலும், பக்சர் அனல் மின் நிலையத்தின் எதார்த்தம் அதற்கு நேர்மாறாக உள்ளது. </p><p>Y 12 மணி நேர வேலை: 8 மணி நேர வேலை என்பது பழங்கதையாகி விட்டது. </p><p>தொழிலாளர்கள் 10 முதல் 12 மணி நேரம் வரை வேலை செய்ய நிர்ப்பந்திக்கப்படுகின்றனர். </p><p>ஆனால், இதற்குரிய கூடுதல் நேர ஊதியம் (Overtime) வழங்கப்படு வதில்லை. Y ஊதியத் திருட்டு: ஊதியத்தை உரிய நேரத்தில் வழங்காமல் கால தாமதம் செய்வதும், அநியாயமான முறையில் பிடித்தம் செய்வதும் வாடிக்கையாகிவிட்டது.</p><p> Y சமூகப் பாதுகாப்பு மறுப்பு: கட்டு மானப் பணிகளில் ஈடுபட்டுள்ள பெரும்பாலான ஒப்பந்தத் தொழி லாளர்களுக்கு பி.எப் மற்றும் இ.எஸ்.ஐ போன்ற சட்டப்பூர்வப் பலன்கள் மறுக்கப்படுகின்றன.</p><p> போராட்டத்தின் தொடக்கம் பிப்ரவரி 20, 2026 அன்று தொழி லாளர்கள் 11 அம்சக் கோரிக்கை களை நிர்வாகத்திடம் சமர்ப்பித்தனர். </p><p>8 மணி நேர வேலை, குறைந்தபட்ச ஊதியம் மற்றும் பணிப் பாதுகாப்பு ஆகியவையே அதில் பிரதானமாக இருந்தன.</p><p> ஆனால், நிர்வாகம் எவ்வி தப் பேச்சுவார்த்தைக்கும் முன் வராத சூழலில், தொழிலாளர்கள் மார்ச் மாதம் ‘டூல் டவுன்’ (Tool- down strike) எனப்படும் வேலை நிறுத்தத்தைத் தொடங்கினர். </p><p>முன்னதாக, 2026 ஜனவரியில் கயா மாவட்டத்தைச் சேர்ந்த 44 வய தான ராஜ்குமார் என்ற தொழிலாளி, 10 டன் எடையுள்ள இரும்புக்குழாய் மோதி உயிரிழந்த சம்பவம் தொழி லாளர்கள் மத்தியில் பெரும் கொந்த ளிப்பை ஏற்படுத்தியது. </p><p>முறையான பாதுகாப்பு விதிமுறைகள் இல்லா ததே இத்தகைய உயிரிழப்புக ளுக்குக் காரணம் என்று தொழிலா ளர்கள் குற்றம் சாட்டுகின்றனர்.</p><p> வலுப்பெறும் கிளர்ச்சி - மார்ச் 14 நிகழ்வுகள் மார்ச் 14 அன்று போராட்டத்தின் உச்சகட்டமாக நூற்றுக்கணக்கான தொழிலாளர்கள் அனல் மின் நிலை யத்தின் பிரதான வாயிலை முற்றுகை யிட்டனர். </p><p>“மஸ்தூர் ஏக்தா ஜிந்தா பாத்” போன்ற முழக்கங்களுடன் கட்டு மானப் பணிகளை முடக்கினர். சி.ஐ. எஸ்.எப் மற்றும் உள்ளூர் காவல்துறை யினர் குவிக்கப்பட்டதால் அங்கு போர்க்களம் போன்ற பதற்றம் நிலவியது. </p><p>தொழிற்சங்கத் தலை வர்கள் ராம் பிரவேஷ் யாதவ் மற்றும் பப்பு பாண்டே ஆகியோர் தொழி லாளர்களை அமைதிப்படுத்தி, கோரிக்கைகள் நிறைவேறாவிட்டால் போராட்டம் இன்னும் தீவிரமடையும் என எச்சரிக்கை விடுத்தனர். </p><p>விவசாயிகளின் நில உரிமைப் போராட்டமும் வன்முறையும் பக்சர் அனல் மின் நிலையத்திற்கு எதிரான இந்தப் போராட்டம் தொழி லாளர்களோடு மட்டும் சுருங்கி விடவில்லை. </p><p>2022 முதல் இப்பகுதி விவசாயிகள் தங்களின் நிலங்க ளுக்கு முறையான இழப்பீடு கோரித் தொடர் போராட்டங்களை நடத்தி வருகின்றனர்.</p><p> Y 2024 மார்ச்சில் விவசாயிகள் மற்றும் காவல்துறையினரிடையே ஏற்பட்ட மோதலில் 20-க்கும் மேற்பட்டோர் காயமடைந்தனர்.</p><p> Y பனார்பூர் கிராமத்தில் பெண்கள் மற்றும் சிறுமிகள் மீது காவல்துறை நடத்திய தடியடி வீடியோ வைர லாகி, ஒட்டுமொத்த பீகாரையும் கொதிப்படையச் செய்தது. </p><p>Y இதற்குப் பதிலடியாக ஆத்திரம டைந்த கிராம மக்கள், மின் நிலைய வளாகத்தில் இருந்த வாகனங்க ளுக்குத் தீ வைத்தனர். </p><p>மத்திய அமைச்சர் அஸ்வினி குமார் சௌபே மற்றும் அப்போதைய முதல்வர் நிதிஷ்குமார் ஆகியோ ருக்கு எதிராக மக்கள் தங்களின் கோபத்தை வெளிப்படுத்தினர். </p><p>திட்டத்தின் பின்னணி 2015-இல் தொடங்கப்பட்ட இந்த மின் நிலையத் திட்டம், 660 மெகாவாட் திறன் கொண்ட இரண்டு அலகுகளைக் கொண்டது. </p><p>முதல் அலகு 2025 ஆகஸ்டில் செயல்பாட்டு க்கு வந்தது.</p><p> பீகார் மாநிலத்திற்கு 85 சதவீத மின்சாரத்தை வழங்கத் திட்ட மிடப்பட்டுள்ள இந்தத் திட்டம், அதன் வளர்ச்சியின் பெயரால் தொழிலாளர்களையும் விவசாயி களையும் நசுக்கி வருவது பெரும் விமர்சனத்திற்குள்ளாகியுள்ளது. </p><p>சிஐடியு, ஐஎன்டியுசி மற்றும் ஏஐடியுசி போன்ற மத்திய தொழிற் சங்கங்கள் இப்போராட்டத்திற்குத் தங்களின் முழு ஆதரவைத் தெரி வித்துள்ளன. </p><p>உழைப்பவர்களின் உரிமைகளை கார்ப்பரேட் நல னுக்காக அடகு வைக்கும் கொள்கை களுக்கு எதிராகப் பக்சர் ஒரு புதிய எழுச்சியைத் தொடங்கியுள்ளது. </p><p>(லெப்ட் வியூஸ்)</p>