பார்வை மாற்றுத்திறனாளிகள் சுதந்திரமாக வாக்களிக்கலாம் பிரெய்லி மாதிரி வாக்குச்சீட்டுகள் கேரளத்தில் தயாராகிறது

<p><strong>பார்வை மாற்றுத்திறனாளிகள் சுதந்திரமாக வாக்களிக்கலாம் பிரெய்லி மாதிரி வாக்குச்சீட்டுகள் கேரளத்தில் தயாராகிறது</strong></p> <p>திருவனந்தபுரம், மார்ச் 28- சட்டமன்றத் தேர்தல்களில் பார்வையற்ற வாக்காளர்கள் வேறு எவரின் உதவியும் இல்லாமல், சுதந்திரமாகவும் ரகசியமாகவும் வாக்களிக்கும் உரிமையைப் பயன்படுத்த ஏதுவாக, பிரெய்லி (Braille) மாதிரி வாக்குச் சீட்டுகள் தயாரிக்கப்பட்டு வருகின்றன. கேரள பார்வையற்றோர் கூட்டமைப்பின் (KFB) திருவனந்தபுரம் தலைமையகத்தில் உள்ள அச்சகம், மாநிலத்தில் உள்ள 30,471 வாக்குச்சாவடிகளுக்கான வாக்குச்சீட்டுகளை போர்க்கால அடிப்படையில் தயாரிக்கத் தொ டங்கியுள்ளது. மத்திய தேர்தல் ஆணையத்தின் சிறப்பு அறிவுறுத்தல்களின்படி, இந்த வாக்குச் சீட்டுகள் மிகவும் பாதுகாப்பாக தயாரிக்கப்படு கின்றன. வேட்பாளர்களின் பெயர்கள் (மலை யாளம் மற்றும் ஆங்கிலத்தில்), வரிசை எண் மற்றும் சின்னம் ஆகியவற்றை பிரெய்லி எழுத்தில் துல்லியமாக எழுதி இவை தயாரிக்கப்படுகின்றன. 10 நாட்களில் 1.5 லட்சம் குறிப்பாக பிரெய்லி மாதிரி வாக்குச்சீட்டு களைத் தயாரிக்கும் முறைகளும் வேறு பட்டவை. முதல் கட்டமாக, தகவல்களை பிரெய்லி எழுத்தில் அச்சுக்கோர்த்து, பின்னர் அச்சிடப்படுகிறது. பிழைகளை முழுமையாக நீக்குவதற்காக ஒரு விரிவான சரிபார்ப்பு அமைப்பு நிறுவப்பட்டுள்ளது. பொதுக் கல்வித் துறையின் கீழ் உள்ள சிறப்புப் பள்ளிகளைச் சேர்ந்த பார்வை மாற்றுத்திறன் ஆசிரியர்கள், பிற ஆசிரியர்கள் மற்றும் கூட்டமைப்பின் சொந்த சரிபார்ப்பாளர்களைக் கொண்ட ஒரு குழு, ஒவ்வொரு தொகுதியிலும் உள்ள தகவல்க ளைச் சரிபார்த்து உறுதிப்படுத்தும். மின்னணு வாக்குப்பதிவு இயந்திரத்தில் (EVM) அச்சிடப் படும் அதே வரிசையில், தடிமனான ஏ3 (A3) தாளில் அச்சிட்டு இவை தயாரிக்கப்படுகின்றன. 10 நாட்களில் சுமார் 1.5 லட்சம் தாள்களைத் தயாரிக்க, இந்த அச்சகம் 24 மணி நேரமும் இயங்குகிறது. வாக்களிப்பது எப்படி? ஒவ்வொரு வாக்குச்சாவடியிலும் ஒரு மாதிரி வாக்குச்சீட்டு வழங்கப்படும். பார்வையற்ற வாக்காளர்கள் வாக்குச்சாவடிக்கு வரும்போது இந்த மாதிரி வாக்குச்சீட்டைக் கோரலாம். அதை ஸ்கேன் செய்து, தாங்கள் விரும்பும் வேட்பாள ரின் வரிசை எண்ணைக் கண்டறிந்த பிறகு, வாக்குப்பதிவு இயந்திரத்தில் உள்ள அதே வரிசை எண்ணைக் கொண்ட பொத்தானை அழுத்தி அவர்கள் வாக்களிக்கலாம். இது வாக்காளரின் கண்ணியத்தையும் உரிமைகளை யும் பாதுகாப்பதோடு, வாக்குப்பதிவை முற்றி லும் சுதந்திரமானதாகவும் பாரபட்சமற்ற தாகவும் மாற்ற உதவும் என்று கேஎப்பி கூட்ட மைப்பின் பொதுச் செயலாளர் அப்துல் ஹக்கீம் கூறினார். விழிப்புணர்வு பிரச்சாரம் மாற்றுத்திறனாளிகளுக்கான ஆணையமும் தேர்தல் ஆணையமும் இணைந்து இந்த அமைப்பு குறித்து பரவலான விழிப்புணர்வை உருவாக்க உள்ளன. இது குறித்த தெளிவான புரிதல், ரயில் நிலையங்கள், சமூக ஊட கங்கள், வாட்ஸ் அப் குழுக்கள் மற்றும் ஊட கங்கள் வழியாக வாக்காளர்களுக்கும், வாக்குப் பதிவு அதிகாரிகளுக்கான பயிற்சித் திட்டங்களி லும் வழங்கப்படும். வெள்ளிக்கிழமை காலை 9 மணிக்குத் தொடங்கிய அச்சிடும் பணியில், மூன்று தொகுதிகளுக்கான மாதிரி வாக்குச் சீட்டுகள் ஏற்கெனவே நிறைவடைந்துள்ளன. முந்தைய இடைத்தேர்தல்கள் மற்றும் மக்க ளவைத் தேர்தல்களில் அரசு உதவியுடன் வாக்குச்சீட்டுகள் வழங்கப்பட்டபோதிலும், இம்முறை &nbsp;கூட்டமைப்பின் சொந்த அச்சகத்தி லேயே இதன் தயாரிப்புப் பணிகள் நிறைவு &nbsp;செய்யப்படும் என செய்திகள் வெளியாகி யுள்ளன.</p> <p>&nbsp;</p>