பாஜக எம்.பி-யின் 'லுங்கிவாலா' கருத்து - நடவடிக்கை எடுக்க கோரி நோட்டீஸ்

<p>தென்னிந்தியர்களை அவமதிக்கும் வகையில் பாஜக எம்.பி. சுஷ்மிதா தேவ் கூறிய &#39;லுங்கிவாலா&#39; என்ற கருத்துக்கு நடவடிக்கை எடுக்க கோரி சிபிஎம் எம்.பி ஜான் பிரிட்டாஸ் நோட்டீஸ் அளித்துள்ளார்.</p><p>யு.பி.ஐ பரிவர்த்தனைகள் மீதான கூடுதல் கட்டணம் விதிப்பதற்கான திருத்த மசோதா குறித்து மாநிலங்களவையில் ஜான் பிரிட்டாஸ் எம்.பி பேசிக்கொண்டிருந்தபோது, அவரை பாஜக எம்.பி. சுஷ்மிதா தேவ் &#39;லுங்கிவாலா&#39; என்று குறிப்பிட்டிருந்தார். இதை தொடர்ந்து, சுஷ்மிதா தேவுக்கு இடதுசாரி எம்.பி.க்கள் கடும் எதிர்ப்பு தெரிவித்தனர். </p><p>நாடாளுமன்றத்தின் கண்ணியத்திற்கும், உறுப்பினர்களின் உரிமைகளுக்கும் எதிரான வகையில் நடந்துகொண்ட சுஷ்மிதா தேவ் மீது நடவடிக்கை எடுக்க வேண்டும் என்றும் இடதுசாரி எம்.பி.க்கள் வலியுறுத்தியுள்ளனர்.</p><p>இந்த சூழலில், இது தென்னிந்தியர்களை அவமதிக்கும் செயல் என்று குறிப்பிட்டு, சுஷ்மிதா தேவ் மீது நடவடிக்கை எடுக்கக் கோரி ஜான் பிரிட்டாஸ் எம்.பி உரிமை மீறல் தொடர்பான நோட்டீஸை அளித்துள்ளார்.</p><p>கடந்த காலங்களிலும் தென்னிந்தியர்களை அவமதிக்க &#39;லுங்கிவாலா&#39; மற்றும் &#39;மெட்ராஸி&#39; போன்ற சொற்கள் பயன்படுத்தப்பட்டதை பிரிட்டாஸ் சுட்டிக்காட்டினார். இப்பிரச்சினை குறித்து விவாதிக்க சம்பந்தப்பட்ட நாடாளுமன்ற உறுப்பினர்களைத் தனது அறைக்கு அழைப்பதாகத் தெரிவித்த தலைவர் சி.பி. ராதாகிருஷ்ணன், அவையின் நடவடிக்கைகளை ஒத்திவைத்தார்.</p><p><br></p>