வடஇந்தியத் தொழிலாளர் வர்க்கத்தின் போர்க்குணமிக்க எழுச்சி பெஸ்டெக் ஆலை ஒப்பந்தத் தொழிலாளர்களின் டிஜிட்டல் வழி போராட்டம்

<p><strong>வடஇந்தியத் தொழிலாளர் வர்க்கத்தின் போர்க்குணமிக்க எழுச்சி பெஸ்டெக் ஆலை ஒப்பந்தத் தொழிலாளர்களின் டிஜிட்டல் வழி போராட்டம்</strong></p><p><strong>ஹோண்டா விநியோகச் சங்கிலியை உலுக்கிய ‘டூல்-டவுன்’ முடக்கம்</strong></p><p><strong>வேலைநிறுத்தம் 53</strong></p><p>பிவாடி, ஜூன் 2 “பெஸ்டெக் (Bestex) என்றால் உலகத்தரம் வாய்ந்த உலோகம் மற்றும் உற்பத்தித் திறன் என்று பொருள். ஆனால், தொழிலாளர் உரிமைகளை வழங்குவதில் ஆலை நிர்வாகம் அப்பட்ட மான உழைப்புச் சுரண்டலையே கடைப்பிடிக்கிறது” - ராஜஸ்தான் மாநிலம் பிவாடியின் தாபுகாரா (Tapukara) தொழிற்பேட்டையில் அண்மையில் வெடித்த தொழிலாளர் வர்க்கப் போராட்டம் குறித்து தொழிற்சங்கப் பிரதிநிதிகள் முன்வைக்கும் முதன்மைக் குற்றச்சாட்டு இதுவாகும். ஹோண்டா (Honda) நிறுவனத்தின் வாகன உற்பத்திக்குத் தேவையான மிக முக்கிய உதிரிபாகங்கள் மற்றும் அசெம்பிளி லைன் கட்டமைப்பு களை விநியோகிக்கும் இந்த ஜப்பானிய பன்னாட்டு நிறுவனத்தில், ஒப்பந்தத் தொழிலாளர்கள் நடத்திய போர்க்குண மிக்க ‘டூல்-டவுன்’ (உபகரண முடக்கம்) போராட்டம் கார்ப்பரேட் நிர்வாகத்தை அதிர வைத்துள்ளது.</p><p>இவ்வாலையின் ஒட்டுமொத்த உற்பத்தி மற்றும் விநியோகப் பிரிவுகளில் பணிபுரியும் தொழிலாளர்களில் சுமார் 300-க்கும் மேற்பட்டோர் எவ்வித பணிப் பாதுகாப்பும் அற்ற தற்காலிக ஒப்பந்தத் தொழிலாளர்கள் ஆவர். இவர்களே தங்களின் வாழ்வாதார உரிமைகளுக் காகப் போராட்டக் களத்தில் இறங்கினர். எல்லையைக் கடந்த ஊதியப் பாரபட்சமும் தொழிலாளர்களின் கொந்தளிப்பும்</p><p>அண்டை மாநிலமான ஹரியானா வில் அண்மையில் தொழிலாளர்களின் குறைந்தபட்ச ஊதியம் கணிசமாக உயர்த்தப்பட்டதன் தாக்கம், தாபுகாரா தொழிற்பேட்டையிலும் எதிரொலித்தது. ஆலை வாயிலுக்கு வெளியே திரண்ட தொழிலாளர்கள் தங்களின் அவல நிலையை ஊடகங்களிடம் பகிர்ந்து கொண்டனர்.</p><p>“நாங்கள் மிகப்பெரிய தானியங்கி பிரஸ் இயந்திரங்களையும் வெல்டிங் கருவிகளையும் இயக்கும் தகுதிவாய்ந்த தொழிலாளர்கள். ஆனால், எங்களுக்கு மாதத்திற்கு வெறும் ₹8,500 முதல் ₹9,500 மட்டுமே கூலியாக வழங்கப்படு கிறது. எங்களின் ஆலைக்கு மிக அருகில் சில கிலோமீட்டர் தொலைவில் உள்ள ஹரியானா எல்லைக்குள் இதே வேலையைச் செய்யும் தொழிலாளர் களுக்கு ₹18,000 முதல் ₹20,000 வரை சம்பளம் தற்போது வழங்கப்படு கிறது. ராஜஸ்தான் தொழிலாளர்களுக்கு மட்டும் ஏன் இந்த வஞ்சகம்? இங்கு நிலவும் கடுமையான விலைவாசி உயர்வால் எங்களால் குடும்பத்தை நடத்த முடியவில்லை” என்று தொழிலாளர்கள் ஆவேசத்துடன் கூறினர்.</p><p>முறையான கூடுதல் நேர ஊதியம் வழங்கப்படாமல் அற்பமான ரொக்கப் போனஸ் மூலம் தங்களை ஏமாற்றும் ஒப்பந்தக்காரர்களின் சுரண்டல் முறையை ஒழித்து, இரட்டிப்பு கூடுதல் நேர ஊதியத்தை சம்பளப் பட்டியலில் முறையாகப் பதிவு செய்ய வேண்டும் என்றும் தொழிலாளர்கள் வலியுறுத்தி னர்.</p><p><strong>வாட்ஸ்அப் வழி ஒருங்கிணைந்த டிஜிட்டல் வேலைநிறுத்த உத்திகள்</strong></p><p>இவ்வாலையில் முறையான தொழிற்சங்கம் இல்லாத நிலையிலும், தொழிலாளர்கள் தங்களுக்குள் ரகசிய வாட்ஸ்அப் மற்றும் டெலிகிராம் குழுக் களை உருவாக்கிப் போராட்டத்தை மிக நுணுக்கமாக ஒருங்கிணைத்தனர். ஆலைக்குள் இயந்திரங்கள் முடக்கப் பட்டுத் தொழிலாளர்கள் வர்க்க ஒருமைப் பாட்டுடன் அமர்ந்திருக்கும் காட்சிகள் டிஜிட்டல் தளங்களில் பரவி, அண்டை ஆலைகளான மதர்சன் மற்றும் சுப்ராஜித் தொழிலாளர்களுக்கும் பெரும் உத்வேகத்தை அளித்தன.</p><p>ஆலைக்குள் அசெம்பிளி லைனில் இருந்த தொழிலாளர்கள் தங்களுக்குள் ரகசியமாகப் பேசிக்கொண்ட ஆடியோ பதிவுகள் அவர்களின் வர்க்க விழிப்பு ணர்வை வெளிப்படுத்தின</p><p>“மதர்சன் மற்றும் சுப்ராஜித் ஆலை களின் வாயில்கள் முற்றிலும் முடக்கப் பட்டுவிட்டன. பத்ரேடி சாலையில் லாரிப் போக்குவரத்து முற்றிலும் ஸ்தம்பித் துள்ளது. நாம் இப்போது இயந்திரங் களை இயக்கினாலும் இந்த உதிரி பாகங்கள் எங்கும் செல்லப் போவ தில்லை. எனவே, நிர்வாகம் மற்றும் ஒப்பந்தக்காரர்களின் மிரட்டல்களுக்குப் பணியாமல் ₹3,400 உடனடி ஊதிய உயர்வு கோரிக்கையில் உறுதியாக நிற்போம்” என்று தொழிலாளர்கள் தங்களுக்குள் உறுதியேற்றனர்.</p><p>ஆலை வாயிலில் நிரந்தரப் போராட்டப் பந்தல் அமைக்காமல், ஷிப்ட் வாரியாக ஆலைக்குள் சென்று இயந்திரங்களை இயக்க மறுக்கும் நவீன ‘ரோலிங் டூல்-டவுன்’ (Rolling tool-down) உத்தியைத் தொழிலாளர்கள் கையாண்டதால் நிர்வாகம் முற்றிலும் திணறியது.</p><p><strong>வென்றெடுக்கப்பட்ட முத்தரப்பு உடன்பாடும் வர்க்க வெற்றியும்</strong></p><p>ஒப்பந்த உதிரிபாகங்கள் வராத தால் ஹோண்டா போன்ற பெருநிறு வனங்களின் வாகன உற்பத்தி பாதிக்கப் பட்டு கோடிக்கணக்கான ரூபாய் நஷ்டம் ஏற்படும் சூழல் உருவானதால், கார்ப்பரேட் நிர்வாகங்கள் கடும் நெருக்கடிக்குள்ளாயின. இதனை அடுத்து, பிவாடி உற்பத்தியாளர்கள் சங்கம் (BMA), உள்ளூர் வட்டாட்சியர் மற்றும் சிஐடியு, ஏஐடியுசி போன்ற மத்திய தொழிற்சங்கப் பிரதிநிதிகள் முன்னிலை யில் அவசர முத்தரப்புப் பேச்சுவார்த்தை நடைபெற்றது.</p><p>ஏப்ரல் 15 அன்று நள்ளிரவு வரை நீடித்த பேச்சுவார்த்தையின் முடிவில் எட்டப்பட்ட முக்கிய உடன்பாடுகள் வருமாறு:</p><p><strong>உடனடி ஊதிய உயர்வு:</strong> ஒப்பந்தத் தொழிலாளர்களின் மொத்த மாத ஊதி யத்தில் உடனடியாக ₹3,370 முதல் ₹3,400 வரை உயர்த்த ஒப்புக்கொள்ளப் பட்டது. இதன் மூலம் தொழிலாளர்களின் மாதச் சம்பளம் ₹11,500 முதல் ₹12,500 ஆக உயர்ந்தது. </p><p><strong>அடுத்த இரு ஆண்டுகளுக்கான உறுதி: </strong>ஹரியானா மாநில ஊதியக் கட்டமைப்புக்கு இணையான ஊதியத்தை எட்டும் வகையில், அடுத்த இரண்டு ஆண்டுகளுக்கான வருடாந்திர ஊதிய உயர்வு முறை எழுத்துப்பூர்வமாக உறுதியளிக்கப்பட்டது.</p><p><strong> சட்டப்படியான கூடுதல் ஊதியம்: </strong>8 மணி நேரத்திற்கு மேல் பார்க்கப்படும் கூடுதல் வேலை நேரங்கள் அனைத்தும் டிஜிட்டல் வருகைப் பதிவேட்டில் பதியப்பட்டு, சட்டப்படியான இரட்டிப்பு ஊதியம் வழங்கப்பட வேண்டும்.</p><p><strong> வெளிப்படையான சம்பளப் பட்டியல்: </strong>வருங்கால வைப்பு நிதி பொறுப்புகளில் இருந்து ஒப்பந்தக்காரர் கள் தப்பிக்க முடியாதபடி, அடிப்படை ஊதியம் மற்றும் இதர படிகளின் விவ ரங்கள் சம்பளப் பட்டியலில் வெளிப் படையாகக் காட்டப்பட வேண்டும். விநியோகச் சங்கிலியின் கால நெருக்கடியைத் தங்களின் வர்க்க ஆயுத மாக மாற்றி, பெஸ்டெக் தொழிலாளர்கள் வென்றெடுத்த இந்த எழுச்சிமிகு வெற்றி வடஇந்தியத் தொழிலாளர் வரலாற்றில் ஒரு முக்கியப் மைல்கல்லாகும். தி லெப்ட் வியூஸ்</p>