ஆவுடையார்கோவில் ஆத்மநாதசாமி கோவில் தேரோட்டம்
1 Jan 2026, 4:52 pm
<p><strong>ஆவுடையார்கோவில் ஆத்மநாதசாமி கோவில் தேரோட்டம்</strong></p>
<p>அறந்தாங்கி, ஜன.2 - புதுக்கோட்டை மாவட்டம் அறந்தாங் கியை அடுத்த ஆவுடையார்கோவில் ஸ்ரீ யோகாம்பாள் சமேத ஶ்ரீ ஆத்மநாதசாமி திருக்கோவில் மிகவும் பழமை மற்றும் சிறப்பு வாய்ந்த சிவாலயங்களில் ஒன்றாக கருதப்படுகிறது. திருவாவடுதுறை ஆதீனத்திற்குச் சொந்தமான இவ்வாலயத்தில் ஆண்டு தோறும் மார்கழி மாதம் திருவாதிரை திரு விழா நடைபெறுவது வழக்கம். இந்த ஆண்டு மார்கழி மாத திருவாதிரை திரு விழா டிச.24 அன்று கொடியேற்றத்துடன் தொடங்கியது. விழாவின் முக்கிய நிகழ்வாக வியாழன் (ஜன.1) தேரோட்டம் நடைபெற்றது. ஆவுடையார்கோவில் மற்றும் சுற்றுவட்டார கிராமங்களைச் சேர்ந்த பல்லாயிரக்கணக்கான பக்தர்கள் தேரை வடம் பிடித்து இழுத்தனர். தேர் நான்கு ரத வீதிகளிலும் வலம் வந்து நிலைக்கு வந்தது. இதில் ஆவுடையார்கோவில் மற்றும் சுற்றுவட்டார பொதுமக்கள் 10 ஆயிரத்திற் கும் மேற்பட்டோர் கலந்து கொண்டனர். காவல் துறையினர் பாதுகாப்பு பணியில் ஈடுபட்டிருந்தனர்.</p>