தீக்கதிர் உலக செய்திகள்

<p><strong>கிரீன்லாந்தை ஆக்கிரமிக்க முயற்சி : டிரம்ப்புக்கு ஐரோப்பா எதிர்ப்பு</strong></p> <p>டென்மார்க் நாட்டின் கட்டுப்பாட்டில் உள்ள தன்னாட்சிப் பகுதியான கிரீன்லாந்தை அமெரிக்காவுடன் இணைத்துக் கொள்ள வேண்டும் என டிரம்ப் மீண்டும் கூறியுள்ளார். டிச 21 அன்று கிரீன்லாந்து அமெரிக்காவுக்கு வேண்டும் , அதனைப் பெறுவதற்கான முயற்சியை லூசியானா மாகாண ஆளுநர் ஜெஃப் லேண்ட்ரி மேற்கொள்வார்&rdquo; என்று அவரை கிரீன்லாந்துக்கான &lsquo;சிறப்புத் தூதராக&rsquo; டிரம்ப் நியமித்தார். இதற்கு ஐரோப்பிய ஒன்றிய நாடுகள் கடும் கண்டனம் தெரிவித்துள்ளன.<strong> </strong></p> <p><strong>லிபியா ராணுவத் தளபதி மரணம் : மூன்று நாட்கள் துக்கம் அனுசரிப்பு</strong> &nbsp;</p> <p>துருக்கி தலைநகர் அங்காரா அருகே நடைபெற்ற விமான விபத்தில் லிபியாவின் ராணுவ தலைமைத் தளபதி முகமது அல்-ஹத்தாத் உட்பட 5 ராணுவ அதிகாரிகள் உயிரிழந்தனர். இந்த சம்பவத்தை அடுத்து லிபியாவில் மூன்று நாட்கள் தேசிய துக்கம் அறிவிக்கப்பட்டுள்ளது. துருக்கிக்கு அதிகாரப்பூர்வப் பயணம் மேற்கொண்டிருந்த லிபிய ராணுவ அதிகாரிகள், தங்களது பயணத்தை முடித்துக்கொண்டு லிபியாவுக்குத் திரும்பிய சிறிது நேரத்திலேயே விமானம் விபத்துக்குள்ளானது.</p> <p><strong>இந்திய வம்சாவளி பெண் மரணம் : காதலனுக்கு பிடி வாரண்ட்</strong> &nbsp;</p> <p>கனடாவில் மாயமான ஹிமான்ஷி குரானா (30) என்ற &nbsp;இந்திய வம்சாவளிப் பெண் வீட்டில் சடலமாக மீட்கப்பட்டார். இந்நிலையில் , தலைமறைவான அவரது காதலன் அப்துல் கபூரியை கொலைக் குற்றவாளியாக அறிவித்துப் போலீசார் தீவிரமாகத் தேடி வருகின்றனர். நாடு தழுவிய அளவில் அவருக்கு பிடிவாரண்ட் பிறப்பிக்கப்பட்டுள்ளது. சமீபகாலமாக வெளிநாடுகளில் இந்தியப் பெண்களுக்கு எதிரான பல்வேறு வன்முறைகள் அதிகரித்து வருவது குறிப்பிடத்தக்கது.</p> <p><strong>இந்திய உறவு மோசமடைவதை விரும்பவில்லை வங்கதேசம் </strong></p> <p>&nbsp;வங்கதேசத்தில் நிலவும் வன்முறைகளுக்கு மத்தியில் இந்தியாவுடனான உறவுகள் மோசமடைவதை அரசாங்கம் விரும்பவில்லை. இடைக்கால அரசு &nbsp;இந்தியா போன்ற ஒரு பெரிய அண்டை நாட்டுடன் கசப்பான உறவை விரும்பவில்லை, உறவுகளை வலுப்படுத்த விரும்புகிறது என்று வங்கதேச நிதி ஆலோசகர் சலேஹுதீன் அகமது தெரிவித்துள்ளார். மேலும் &nbsp;தலைமை ஆலோசகர் முகமது யூனுஸ் இந்தியாவுடனான உறவுகளை இயல்பாக்க தனிப்பட்ட முறையில் முயற்சித்து வருவதாகவும் கூறியுள்ளார். &nbsp;&nbsp;</p>