கற்பிதங்களும், கதையாடல்களும், எதார்த்த நிலையும்!

<p><strong>கற்பிதங்களும், கதையாடல்களும், எதார்த்த நிலையும்!</strong></p><p>2026 மார்ச் 7 அன்று திருவனந்தபுரத்திலிருந்து வெளியான &#39;தி இந்தியன் எக்ஸ்பிரஸ்&#39; நாளிதழின் கேரளச் செய்தியாளரின் அறிக்கை ஒரு முக்கியமான அவதானிப்பை முன்வைக்கிறது. &quot;பல்வேறு ஊழல் முறைகேடுகள் குறித்த புகார்கள் ஆதிக்கம் செலுத்துவது முந்தைய சட்டமன்றத் தேர்தல்களைப் போலன்றி, இரண்டாவது முறையாக ஆட்சி அமைத்துள்ள இடது ஜனநாயக முன்னணி (LDF 2.0) அத்தகைய பெரிய சர்ச்சைகள் ஏதுமின்றி, தனது பத்தாண்டு கால &#39;வளர்ச்சிப் பதிவு&#39;களை (Development Record) முன்னிறுத்தித் தேர்தலுக்கான களத்தை அமைத்துள்ளது.</p><p>இது காங்கிரஸ் தலைமையிலான ஐக்கிய ஜனநாயக முன்னணியை ஒரு விசித்திரமான இக்கட்டில் தள்ளியுள்ளது. ஆளும் கூட்டணியின் குறைகளைக் சுட்டிக்காட்டுவதில் கவனம் செலுத்த வேண்டிய இத்தருணத்தில், அதிகாரத்தை இழந்து பத்து ஆண்டுகள் கழிந்துள்ளதைக்கூட தனது முந்தைய அரசின் செயல்பாடுகளை நியாயப்படுத்திப் பேச வேண்டிய கட்டாயத்திற்கு கேரளத்தில் காங்கிரஸ் தள்ளப்பட்டுள்ளது.&quot;</p><p>இடதுசாரிகள் கணிசமான செல்வாக்குடன் விளங்கும் மாநிலங்களில் நடைபெறவுள்ள சட்டமன்றத் தேர்தல்களைப் பொறுத்தவரை, அங்கு நிலவும் அடிப்படை அரசியல் கண்ணோட்டங்களின் மோதலை இந்த அறிக்கை துல்லியமாகப் படம் பிடித்துக் காட்டுகிறது. கார்ப்பரேட் - பாஜக கள்ளக் கூட்டணி மற்றும் நிதி பலம் இந்தியாவில் நிலவும் ஜனநாயகச் சூழலில், பிரதான கார்ப்பரேட் ஊடகங்களின் செயல்பாடுகளில் ஒரு மிகப்பெரிய அடிப்படை மாற்றம் ஏற்பட்டுள்ளது.</p><p>குறிப்பாக, மோடி அரசு பொறுப்பேற்ற கடந்த 10 ஆண்டுகளில் இம்மாற்றம் மிகத் தீவிரமாக வெளிப்பட்டுள்ளது. பாரதிய ஜனதா கட்சிக்கும் கார்ப்பரேட் நிறுவனங்களுக்கும் இடையே நிலவும் கட்டமைப்பு ரீதியான கள்ளக் கூட்டணியே (Systemic Nexus) இம்மாற்றத்திற்கு வழிவகுத்துள்ளது. இது வெறும் நட்பு அல்ல; மாறாக ஜனநாயகத்தை விலைக்கு வாங்கும் ஒரு பேராபத்து.</p><p>&#39;ஜனநாயகச் சீர்திருத்தங்களுக்கான சங்கம்&#39; (ADR) வெளியிட்டுள்ள புதிய அறிக்கையின்படி, 2024-25 நிதியாண்டில் பாஜக பெற்ற நன்கொடைகள் 6,074 கோடி ரூபாய். இது முந்தைய ஆண்டை விட (2,243 கோடி) 171 சதவீதம் அதிகமாகும். காங்கிரஸ் உள்ளிட்ட மற்ற நான்கு முக்கியக் கட்சிகள் மொத்த நன்கொடைகளை விட பாஜக-வின் நிதி பலம் பத்து மடங்கு அதிகம்.</p><p>இத்தகைய அசாத்தியமான நிதி வளம், கார்ப்பரேட் ஊடகங்களை விலைக்கு வாங்கவும், சமூக ஊடகங்களில் போலிச் செய்திகளையும் வெறுப்புப் பிரச்சாரங்களையும் அருவருக்கத்தக்க வகையில் கட்டவிழ்த்து விடவும் பாஜக-விற்கு உதவுகிறது. உண்மைக்குப் புறம்பான அரசியலும் ஜனநாயக நெருக்கடியும் இன்று நடுநிலையான செய்தியிடல் என்பது பின்னுக்குத் தள்ளப்பட்டு, குறிப்பிட்ட கற்பிதங்களை (Perceptions) உருவாக்கி அவற்றை ஒரு கதையாடலாக (Narrative) ஒருங்கிணைக்கும் முயற்சி களே முன்னிலைப்படுத்தப்படுகின்றன.</p>