டிஜிட்டல் தரவு பாதுகாப்பு விதிகள் தனியுரிமை பாதுகாப்பா அல்லது கண்காணிப்புக்கான கருவியா? - பிரபீர் புர்காயஸ்தா

<p><strong>டிஜிட்டல் தரவு பாதுகாப்பு விதிகள் தனியுரிமை பாதுகாப்பா அல்லது கண்காணிப்புக்கான கருவியா?</strong></p> <p>சுமார் இரண்டரை ஆண்டுகால இடைவெளிக்குப் பிறகு, &lsquo;டிஜிட்டல் தனிநபர் தரவு பாதுகாப்புச் சட்டத்தின்&rsquo; (DPDP Act) சில பிரிவுகள் இப்போது அமலுக்கு வந்துள்ளன. ஆனால் இதில் வேடிக்கை என்னவென்றால், குடிமக்களைக் கண்காணிப்பதற்கான அரசின் அதிகாரங்கள் உடனடியாக அமலுக்கு வருகின்றன; அதே சமயம், பெருநிறுவனங்களிடமிருந்தும் அரசிடமிருந்தும் குடிமக்களின் தனியுரிமையைப் பாதுகாக்கும் பிரிவுகள் அமலுக்கு வர இன்னும் 18 மாதங்கள் காத்திருக்க வேண்டும். இது என்ன மாதிரியான தரவு பாதுகாப்பு? எட்டு ஆண்டுகளுக்கு முன்பு உச்ச நீதிமன்றம் வழங்கிய வரலாற்றுச் சிறப்புமிக்க &lsquo;புட்டசாமி தீர்ப்பு&rsquo; (Puttaswamy Judgement), தனியுரிமையை அடிப்படை உரிமை எனப் பிரகடனப்படுத்தியது.</p> <p>&nbsp;ஆனால், இப்போது கொண்டு வரப்பட்டுள்ள டிஜிட்டல் தனிநபர் தரவு பாதுகாப்புச் சட்ட (DPDP) விதிகள் அந்த உரிமையைப் பாதுகாப்பதற்குப் பதிலாக, குடிமக்களின் டிஜிட்டல் காலடிச் சுவடுகளைத் தடையின்றி அரசு கண்காணிப்பதற்கான உரிமை யையே சட்டப்பூர்வமாக்கியுள்ளன. மார்ச் 2024-ல் பீப்பிள்ஸ் டெமாக்ரசி இதழில் &lsquo;பப்பா சின்ஹா&rsquo; எச்சரித்தது போலவே, இந்தியாவைக் கண்காணிப்பு அரசாக (Surveillance State) மாற்றும் வேலைகளை இந்த விதிகள் உறுதி செய்துள்ளன. டிஜிட்டல் வெளி: ஒரு புதிய போர்க்களம் இன்று டிஜிட்டல் வெளி என்பது வெறும் கணினிகளோடு நின்றுவிடவில்லை. பெருகியுள்ள ஸ்மார்ட்போன்களால், இணையம் பற்றி ஏதும் அறியாதவர்கள் கூட கூகுள், வாட்ஸ்அப், யூடியூப் போன்ற செயலிகளைப் பயன்படுத்துகின்றனர். தேசிய புள்ளியியல் அலுவலகத்தின் (NSO) ஆய்வின்படி, 90 சதவீதத்திற்கும் அதிகமான இந்தியக் குடும்பங்கள் ஸ்மார்ட்போன் மற்றும் இணைய வசதியைப் பெற்றுள்ளன.</p> <p>எனவே, டிஜிட்டல் தனியுரிமை என்பது மேல்தட்டு மக்களுக்கானது மட்டுமல்ல; அது நாட்டின் ஒவ்வொரு குடிமகனுக்கும் உரியது. அரசின் &lsquo;பிளாங்க் செக்&rsquo; (Blank Cheque) உச்சநீதிமன்றத் தீர்ப்பின்படி, அரசு குடிமக்களைக் கண்காணிக்க வேண்டுமென்றால் அது அவசியமானதாகவும், அந்தச் சூழலுக்குத் தகுந்த அளவிலும் (Proportionate), மிகக்குறைவான தலையீட்டைக் கொண்டதாகவும் இருக்க வேண்டும். ஆனால், புதிய டிஜிட்டல் சட்ட விதிகள் அரசுக்கு ஒரு &lsquo;பிளாங்க் செக்&rsquo; வழங்கியுள்ளன. அரசு எந்தவொரு டிஜிட்டல் தளத்திடமிருந்தும், தொலைத்தொடர்பு நிறுவனத்திடமிருந்தும் எந்தவொரு பயனரின் தரவையும் எப்போது வேண்டுமானாலும் கேட்டுப் பெற முடியும். இது குடிமக்களின் உரிமையைப் பாதுகாக்கும் அரண் அல்ல; மாறாக அவர்களைக் கண்காணிக்கும் கருவி. தரவு உள்ளூர்மயமாக்கலும் (Data Localisation) &nbsp;கார்ப்பரேட் ஆதிக்கமும் முன்னதாக, இந்தியர்களின் தரவுகள் இந்தியாவிலேயே சேமிக்கப்பட வேண்டும் (Data Localisation) என அரசு கோரியிருந்தது. ஆனால், தற்போது அறிவிக்கப்பட்டுள்ள விதிகள் இதனைத் தெளிவுபடுத்தவில்லை. கூகுள், மெட்டா போன்ற நிறுவனங்கள் இந்தியர்களின் தரவுகளை அமெரிக்காவிலோ அல்லது அயர்லாந்திலோ வைத்திருக்கும்போது, இந்தியப் பயனர் தனது உரிமைகளுக்காக அந்த உலகளாவிய ஜாம்பவான்களை எதிர்த்துப் போராடுவது கடினம். பத்திரிகை சுதந்திரத்தின் மீதான தாக்குதல் ஐரோப்பிய ஒன்றியத்தின் தரவு பாதுகாப்பு விதிகளில் (GDPR) பத்திரிகையாளர்களுக்கு எனச் சிறப்பு விலக்கு (Article 85) அளிக்கப்பட்டுள்ளது.</p> <p>ஆனால் இந்தியச் சட்டத்தில் அத்தகைய விலக்கு அளிக்கப்படவில்லை. இது பத்திரிகை சுதந்திரத்தை முடக்கும் செயலாகும். எடிட்டர்ஸ் கில்டு (Editor&rsquo;s Guild) விடுத்த கோரிக்கைகளை அரசு இதுவரை கண்டுகொள்ளவில்லை. மேலும், ஊழலை வெளிக்கொண்டுவர பத்திரிகையாளர்களால் பயன்படுத்தப்படும் தகவல் அறியும் உரிமைச் சட்டம் (RTI), இந்தத் தனியுரிமைச் சட்டத்தின் மூலம் செயலிழக்கச் செய்யப்பட்டுள்ளது. அரசு எந்தத் தகவலைத் தர மறுக்க விரும்பினாலும், &lsquo;தனியுரிமை பாதுகாப்பு&rsquo; என்ற காரணத்தைக் கூறி அதனைத் தடுத்துவிட முடியும்.</p> <p>பலவீனமான மேல்முறையீட்டு ஆணையம் தனியுரிமை தொடர்பான புகார்களை விசாரிக்கும் மேல்முறையீட்டு ஆணையம் (Privacy Appellate Authority), மத்திய அமைச்சகத்தின் கீழ் ஒரு துணை அமைப்பாகவே செயல்படும். இதற்குச் சுயமாகச் சட்டம் இயற்றவோ அல்லது தொழில்நுட்பத் தரங்களை வரையறுக்கவோ அதிகாரம் கிடையாது. இது அரசின் கட்டுப்பாட்டில் இருக்கும் ஒரு பொம்மை அமைப்பாகவே இருக்கும். ஏகாதிபத்திய கார்ப்பரேட் நிறுவனங்களுக்குப் பயன் தரும் வகையிலும், குடிமக்களைக் கூர்ந்து கவனிக்கும் அதிகாரத்துவ அமைப்பை உருவாக்கவும் மோடி அரசு துடிக்கிறது. நமது அரசியலமைப்புச் சட்ட உரிமைகளைப் பாதுகாப்பதற்கான போராட்டத்தின் ஒரு முக்கியப் பகுதியே இந்த டிஜிட்டல் உரிமைகளுக்கான போராட்டமாகும். - &nbsp;பீப்பிள்ஸ் டெமாக்ரசி, ஜனவரி 04, 2026</p> <p>&nbsp;</p>