இந்தியாவில் தொழிலாளர் வர்க்கத்தின் போர்க்குணமிக்க எழுச்சி அனகாபள்ளி பயோனியர் அலுமினியம் ஆலைத் தொழிலாளர்களின் வீரஞ்செறிந்த போராட்டம்

<p><strong>இந்தியாவில் தொழிலாளர் வர்க்கத்தின் போர்க்குணமிக்க எழுச்சி</strong></p><p><strong>அனகாபள்ளி பயோனியர் அலுமினியம் ஆலைத் தொழிலாளர்களின் வீரஞ்செறிந்த போராட்டம்</strong></p><p><strong>8 மணி நேர வேலையை வென்றெடுத்த 700 தொழிலாளர்கள்!</strong></p><p><strong>வேலைநிறுத்தம் 15</strong></p><p>அனகாபள்ளி, மே 14 - ஆந்திர மாநிலத்தின் தொழில் துறை மண்டலங்களில் கார்ப்பரேட் சுரண்டலுக்கு எதிரான தொழிலாளர் வர்க்கத்தின் முழக்கம் முன்னெப்போதும் இல்லாத வகையில் வலுத்து வருகிறது. அனகாபள்ளி மாவட்டத்தில் உள்ள பயோனியர் அலுமினியம் இண்டஸ்ட்ரீஸ் (Pioneer Aluminium Industries) நிறு வனத்தில், அடிப்படை உரிமைகளுக்காகத் தொழிலாளர்கள் நடத்திய நான்கு நாள் வேலைநிறுத்தம், அம்மாநிலத்தின் தொழி லாளர் வரலாற்றில் ஒரு முக்கிய மைல் கல்லாக மாறியுள்ளது. அடக்குமுறை களையும், கைதுகளையும் எதிர்கொண்டு தொழிலாளர்கள் ஈட்டிய இந்த வெற்றி யை இத்தொடரின் 15-ஆவது பகுதியில் விரிவாகக் காண்போம்.</p><p>ஆந்திர மாநிலம் அனகாபள்ளி மாவட்டம் மகவரபாலம் (Makavarapalem) ஏபிஐஐசி (APIIC) தொழில் பூங்காவில் அமைந்துள்ள பயோனியர் அலுமினி யம் ஆலை வளாகம் கடந்த ஏப்ரல் மாதம் ஒரு போர்க்களமாக மாறியது. “உழைப்புக் கேற்ற ஊதியம், சட்டப்பூர்வமான 8 மணி நேர வேலை, கூடுதல் உழைப்பிற்கு இரட்டி ப்பு ஊதியம்” - இந்த நியாயமான கோரிக்கை களை முன்வைத்து ஆலைத் தொழிலாளர் கள் கடந்த ஏப்ரல் 21, 2026 அன்று அதிரடி வேலைநிறுத்தப் போராட்டத்தைத் தொடங்கினர். சுமார் 700 தொழிலாளர்கள் ஓரணியில் திரண்டு நின்ற இந்தப்போராட் டம், நான்கு நாட்களுக்கு ஆலையின் உற்பத்தியை முழுமையாக முடக்கியது.</p><p><strong>சுரண்டலின் கோர முகமும் - கிளர்ந்தெழுந்த தொழிலாளர்களும்</strong></p><p>பயோனியர் அலுமினியம் ஆலை நிர்வா கம், கடந்த 13 ஆண்டுகளாகப் பணியாற்றும் தொழிலாளர்களுக்குக் கூட எவ்வித பதவி உயர்வோ அல்லது ஊதிய உயர்வோ வழங்காமல் வஞ்சித்து வந்தது. ஆலை விரிவாக்கத்திற்காக நிலம் வழங்கிய மக்களின் குழந்தைகளுக்குக் கூட நிரந்தர வேலை வழங்காமல், அவர்களை ஒப்பந்தத் தொழிலாளர்களாகவே வைத்து மிகக்கு றைந்த கூலியில் நிர்வாகம் சுரண்டியது.</p><p>குறிப்பாக, அரசு அறிவித்த அகவிலைப் படி உயர்வை வழங்க மறுத்ததுடன், 8 மணி நேர வேலை என்ற சட்டத்தை மதிக்கா மல், தொழிலாளர்களைக் கூடுதல் நேரம் வேலை செய்ய எவ்வித கூடுதல் ஊதியமு மின்றி நிர்வாகம் நிர்ப்பந்தித்தது. இத்தகைய தொடர் அநீதிகளே தொழிலாளர்களைத் திரண்டெழச் செய்தது.</p><p><strong>காவல் துறையின் அடக்குமுறையும் - சிஐடியு-வின் தீரம்மிக்க தலைமைத்துவமும்</strong></p><p>தொழிலாளர்களின் நியாயமான கோரிக்கைகளுக்குச் செவிசாய்க்க வேண் டிய அரசு, காவல் துறையை ஏவிப் போராட்ட த்தை ஒடுக்க முயன்றது. சிஐடியு மாநிலக் குழு உறுப்பினர் ஜி.கோடேஸ்வர ராவ், மாவட்டச் செயலாளர் ருதலா சங்கர ராவ் உள்ளிட்ட தலைவர்கள் மற்றும் போராட்டக் களத்தில் இருந்த தொழிலாளர்கள் பலர் கைது செய்யப்பட்டுப் பல்வேறு காவல் நிலையங்களில் சிறை வைக்கப்பட்டனர்.</p><p>ஆனால், தலைவர்களின் கைது தொழி லாளர்களைச் சோர்வடையச் செய்வதற்கு பதிலாக, அவர்களின் போராட்ட உணர்வை மேலும் தூண்டியது. தொழிலாளர்கள் மத்தி யில் பிளவை ஏற்படுத்த ஆளுங்கட்சியினர் மேற்கொண்ட சூழ்ச்சிகளையும் தொழிலா ளர் வர்க்கத்தின் இரும்பு போன்ற ஒற்று மை தகர்த்தெறிந்தது. ஆலை வாயிலில் இரவு பகலாகத் தொழிலாளர்கள் நடத்திய தர்ணா, மாவட்ட நிர்வாகத்தை அசைத்துப் பார்த்தது.</p><p><strong>பேச்சுவார்த்தையும் - தொழிலாளர் வர்க்கத்தின் மகத்தான வெற்றியும்</strong> </p><p>நான்கு நாட்களாகத் தொடர்ந்த உறுதி யான போராட்டத்தால் நிர்வாகம் இறங்கி வர வேண்டிய கட்டாயம் ஏற்பட்டது. ஏப்ரல் 25 அன்று தொழிலாளர் நலத்துறை உதவி ஆணையர் முன்னிலையில் நடைபெற்ற முத்தரப்பு பேச்சுவார்த்தையில், சிஐடியு மாநிலத் துணைத் தலைவர் கே.எம்.சீனி வாச ராவ் தலைமையிலான குழு பங்கேற்றது. நீண்ட விவாதத்திற்குப் பிறகு, 8 மணி நேர வேலைத் திட்டம் இனி கண்டிப்பு டன் அமல்படுத்தப்படும் என்றும், தொழி லாளர்களின் அனுபவம் மற்றும் திற மைக்கேற்பப் பதவி மற்றும் ஊதியம் வழங்கப்படும் என்றும் நிர்வாகம் ஒப்புக் கொண்டது. இந்த எழுத்துப்பூர்வமான வாக்குறுதியைத் தொடர்ந்து, ஏப்ரல் 25 மாலை தொழிலாளர்கள் தங்களின் போராட்ட த்தைத் தற்காலிகமாக வாபஸ் பெற்றனர். </p><p><strong>தொழிலாளர் வர்க்கத்திற்கு ஒரு பாடம்</strong></p><p><strong> </strong>ஆந்திரப் பிரதேசத்தில் அங்கன்வாடி ஊழியர்கள், நகராட்சித் தொழிலாளர்கள் மற்றும் ஆசிரியர்கள் நடத்தி வரும் தொடர் போராட்டங்களின் ஒரு பகுதி யாகவே பயோனியர் அலுமினியம் தொழி லாளர்களின் இந்தப் போராட்டமும் பார்க்க ப்படுகிறது. “நிர்வாகம் அளித்த வாக்கு றுதிகளை நிறைவேற்றத் தவறினால், மீண்டும் முன்னெச்சரிக்கையின்றி வேலை நிறுத்தம் வெடிக்கும்” எனத் தொழி லாளர்கள் எச்சரித்துள்ளனர். கார்ப்பரேட் நிறுவனங்கள் லாபத்தை மட்டுமே நோக்க மாகக் கொண்டு தொழிலாளர் சட்டங் களைக் காலில் போட்டு மிதிக்கும் சூழலில், அனகாபள்ளி தொழிலாளர்களின் இந்த வெற்றி, ஆந்திரா மற்றும் ஒட்டுமொத்த இந்தியத் தொழிலாளர் வர்க்கத்திற்கும் ஒரு புதிய உத்வேகத்தை அளித்துள்ளது. லெப்ட் வியூஸ்</p>